Sumardvöl dægradvalar

Sumardvöl dægradvalar er opin í ágúst fyrir verðandi nemendur í 6 ára bekk. Hún er skiplögð í anda þeirrar stefnu að skapa bætta samfellu milli skólastiga.

Sumardvöl dægradvala er opin í ágúst í öllum grunnskólum bæjarins og er í boði fyrir verðandi nemendur í 6 ára bekk þ.e. börn fædd árið 2011. Sótt er um í gegnum Íbúagátt Kópavogs.

  • Hver er tilgangurinn?

    Markmiðið er að stuðla að vellíðan, öryggi og jákvæðri aðlögun nemenda, jafnt félagslega sem námslega að umhverfi grunnskólanna áður en formlegt skólastarf hefst.

    Gert er ráð fyrir að börn útskrifist úr sínum leikskóla fyrir sumarfrí og hefji aðlögun að næsta skólastigi í Sumardvöl við sinn hverfisskóla.

  • Hvernig er opnunartíminn?

    Sumardvölin er opin frá klukkan 8:00 að morgni til kl. 16:00 síðdegis og geta foreldrar valið ólíkan dvalartíma yfir daginn. Tekið er á móti börnunum milli 8:00 – 9:00.

  • Matur

    Boðið er upp á heitan mat í hádeginu og hressingu fyrir og eftir hádegi.