Frístundir

Kópavogsbær býður upp á fjölmargt og fjölbreytilegt frístundastarf fyrir alla aldurshópa sem bærinn styrkir með ýmsu móti. 

Meðal þess eru leikjanámskeið fyrir börn á sumrinfélagsmiðstöðvastarf fyrir unglingaungmennahús og félagsstarf fyrir eldri borgara.

Tómstundafélög eru margvísleg og bíður öll þessi starfssemi upp á ýmist íþrótta - og listtengt starf, menningarviðburði, garðrækt, tónlist, fræðslu og nám.

  • Félagsmiðstöðvar unglinga

    Í Kópavogi eru starfandi 9 félagsmiðstöðvar fyrir unglinga á aldrinum 13 – 16 ára. Starfsstöðvar félagsmiðstöðvanna eru starfræktar í öllum grunnskólum Kópavogs. 
    Hér má finna sameiginlega vefsíðu félagsmiðstöðva unglinga í Kópavogi.

  • Félagsstarf eldri borgara

    Félagsstarf eldri borgara er mjög öflugt í Kópavogi og fer fram í þremur félagsheimilum. Félagsheimilin eru opin frá kl 9:00 til 17:00 alla virka daga.  Ýmis fjölbreytt  og skipulögð dagsskrá er í boði yfir vetrarmánuðina.

    Í Kópavogi eru rekin þrjú félagsheimili fyrir eldri borgara þar sem fram fer fjölbreytt og fræðandi félagsstarf. 

    Félagsheimilin eru opin fólki á öllum aldri óháð félagsaðild, en sú starfsemi sem er niðurgreidd er eingöngu ætluð eldra fólki, búsettu í Kópavogi.

    Forstöðumaður yfir starfi  félagsheimilanna er: Amanda Karima Ólafsdóttir.  Sími 696-1624  og netfang: amanda.olafsdottir@kopavogur.is

    Allar félagsmiðstöðvarnar eru með sameiginlega vef þar sem finna má nánari upplýsingar um hvert félagsheimili og þjónustuna sem þar er í boði. 
    Hægt er að smella hér til að komast inn á sameiginlega vefsíðu félagsmiðstöðvanna.

  • Sumarnámskeið í Kópavogi

    Í Kópavogi eru starfsrækt fjölmörg sumarnámskeið á vegum Frístunda - og forvarnadeildar, íþróttafélaga bæjarins, tómstundafélaga og félagasamtaka með starfssemi í Kópavogi. Boðið er upp á námskeið fyrir börn á aldrinum 6 til 12 ára, vinnutengd sumarnámskeið fyrir unglinga 13 til 16 ára og vinnutengd verkefni fyrir ungmenni á aldrinum 17 til 25 ára. 

    Starfsreglur vegna sumarnámskeiða

    Gerðar eru miklar kröfur um þjálfun og þekkingu starfsfólks á viðfangefnum námskeiðanna og um að fyllsta öryggis sé gætt. Sérstök aðgát er höfð í sundferðum, siglingum og þegar ferðast er með börnin á milli staða. Í öryggisskyni eru ekki fleiri en 20 börn á hvern leiðbeinanda nema á sértækum námskeiðum svo sem siglingum og á námsleiðum fyrir börn með sérþarfir, þar eru börnin færri á hvern leiðbeinanda.

    Öryggismál

    Allir starfsmenn sumarnámskeiða ljúka námskeiði í skyndihjálp, fá leiðsögn í viðbrögðum á mismundi hegðun barna og brýnustu öryggismálum í umhverfi námskeiðanna, varðandi sund, siglingar og ferðir með börnin.

    Reglur og tilmæli til foreldra

    Mætið tímanlega með barnið/ börnin á námskeið. Oft er lagt upp í lengri eða styttri ferðir kl. 09:00 að morgni og kl. 13:00 eftir hádegi. Foreldrar eru beðnir að tilkynna til forstöðumanna ef forföll verða, t.d. vegna veikinda á hverjum morgni. Ef barn á við sjúkdóm eða fötlun að einhverju tagi er æskilegt að slíkt sé tekið fram við skráningu á námskeið. Þannig er hægt að mæta þörfum barnsins frá fyrsta degi.

    Nánari kynningar á sumarnámskeiðum má finna á Sumarvef Kópavogsbæjar