Deiliskipulag

Á fundi skipulagsráðs 6.11.2023 var tillaga að deiliskipulagi nýs íbúðahverfis í Vatnsendahvarfi samþykkt.

Megintilgangur deiliskipulagsvinnunnar er að móta hverfi með vistvænum áherslum í samræmi við markmið Aðalskipulags Kópavogs 2019-2040. Deiliskipulagssvæðið er um 29 ha og liggur að mörkum fyrirhugaðs Arnarnesvegar, Kórahverfis og Hvörfum í Vatnsenda. Gert er ráð fyrir nýju íbúðahverfi með fjölbreyttu formi íbúða, leikskóla/skóla og útivistarsvæðum ásamt möguleika á verslun og þjónustu. Í tillögunni er gert ráð fyrir um 500 íbúðum alls í sérbýli (einbýli, raðhús/parhús), klasabyggingum og fjölbýlishúsum á 2-3 hæðum auk kjallara.

Á fundi skipulagsráðs þann 20. febrúar var samþykkt að auglýsa tillöguna í samræmi við 1. mgr. 43. gr. skipulagslaga nr. 123/2010. Kynningartíma lauk 8. júní 2023. Á fundum skipulagsráðs þann 19. júní sl. og þann 3. júlí sl. voru lagðar fram athugasemdir og ábendingar sem bárust á kynningartíma, málinu var vísað til umsagnar skipulagsdeildar.

Um samráð, kynningar og skipulagsferli tillögunnar vísast í ítarlega umfjöllun í umsögn skipulagsdeildar dags. 2.11.2023 Vatnsendahvarfs/Vatnsendahæðar . í umsögninni koma fram forsendur, ferill málsins, athugasemdir og ábendingar ásamt fylgiskjölum.

Alls bárust 10 ábendingar og umsagnir á kynningartíma við tillögu að nýju deiliskipulags og tillögu að breytingu á aðalskipulagi fyrir Vatnsendahvarf. Brugðist var við umsögn Minjastofnun Íslands með því að gera rannsókn á fornleifum og bætt var við skilmálum um að girða af MV-9 á framkvæmdatíma. Ennfremur var sameiginlegt umhverfismat tillagnanna uppfært eftir ábendingar frá Náttúrufræðistofnun Íslands. Gerðar eru leiðréttingar/lagfæringar í deiliskipulagsgögnum sem lýst er í neðangr. umsögn skipulagsdeildar.

Á fundi bæjarstjórnar 14.11.2023 var afgreiðsla skipulagsráðs staðfest.

Deiliskipulag tekur gildi með birtingu auglýsingar í B-deild Stjórnartíðinda.

Kærufrestur er einn mánuður frá birtingu auglýsingar um samþykkt deiliskipulagsins, samanber 10. kafla skipulagslaga nr. 123/2010 og lög um úrskurðarnefnd umhverfis- og auðlindamála nr. 130/2011.

Uppdráttur uppfærður 1. nóvember 2023.

Skýringaruppdráttur uppfærður 1. nóvember 2023.

Greinargerð deiliskipulags uppfærð 1. nóvember 2023.

Greinargerð - fylgiskjöl deiliskipulags. Fyrri hluti.

Greinargerð - fylgiskjöl deiliskipulags. Seinni hluti.

Umhverfismat uppfært 21. júní 2023.

Umsögn skipulagsdeildar dags. 2. nóvember 2023

Yfirlit yfir fylgiskjöl umsagnar 1-23.

Umsögn, fylgiskjöl 1-10.

Umsögn, fylgiskjöl 11-17.

Umsögn, fylgiskjal 18. Fyrri hluti.

Umsögn, fylgiskjal 18. Seinni hluti.

Umsögn, fylgiskjöl 19-23.