Bæjarráð

Frá bæjarritara, lögð fram mánaðarskýrsla vegna starfsemi í janúar.

Frá fjármálastjóra, lagðir fram ársreikningar Kópavogsbæjar og stofnana bæjarins fyrir árið 2015.

Frá bæjarritara, dags. 19. apríl, lögð fram umsögn um styrkumsókn skákfélagsins Hróksins í formi leigu fyrir Salinn vegna skákviðburðar sem haldinn verður 21-22. maí nk.

Frá lögfræðideild, dags. 19. apríl, lagt fram erindi vegna beiðni eiganda að íbúð við Kópavogstún 5 um undanþágu frá kvöð um 60 ára og eldri vegna sölu eignarinnar.

Frá lögfræðideild, dags. 5. apríl, lagt fram bréf Sýslumannsins á höfuðborgarsvæðinu, dags. 4. apríl, þar sem óskað er umsagnar um umsókn Premier eignarhaldsfélag ehf., kt. 540201-2770, um nýtt rekstrarleyfi fyrir gististað í flokki II, að Marbakkabraut 3a, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um. Bæjarráð frestaði afgreiðslu málsins á fundi þann 14. apríl sl. Einnig lagt fram minnisblað lögfræðideildar um gististaði í íbúðahverfum, dags. 19. apríl, í tilefni af nýföllnum dómi héraðsdóms nr. E-2597/2015 um sama efni.

Frá deildarstjóra framkvæmdadeildar, dags. 18. apríl, lagt fram erindi þar sem óskað er heimildar bæjarráðs til að bjóða út malbik fyrir árið 2016 annars vegar og malbiksyfirlagnir í Kópavogi árið 2016 hins vegar.

Frá deildarstjóra framkvæmdadeildar, dags. 18. apríl, lagt fram erindi þar sem óskað er heimildar bæjarráðs til að bjóða út snjómokstur gatna í Kópavogi fyrir árið 2016, þar sem samningur við núverandi verktaka er útrunninn.

Frá deildarstjóra framkvæmdadeildar, dags. 18. apríl, lagt fram erindi þar sem óskað er heimildar bæjarráðs til að bjóða út þrif í sundlaug Kópavogs og sundlauginni Versölum, þar sem samningur við núverandi verktaak er útrunninn.

Frá Landskerfi bókasafna, dags. 14. apríl, lögð fram boðun á aðalfund Landskerfis bókasafna sem haldinn verður þriðjudaginn 10. maí nk. kl. 15:00.

Frá Hafnarfjarðarbæ, dags. 6. apríl, lagt fram erindi til stjórnar Strætó vegna breytinga á leiðarkerfi í Hafnarfirði, einkum akstursleiðar 21 sem keyrir í gegnum Kópavog.

Frá skipulagsstjóra, dags. 12. apríl, lögð fram útfærsla Arkís að breyttu deiliskipulagi Hafnarbrautar 12, dags. 11.4.2016, sbr. meðfylgjandi greinargerð dags. 11.4.2016. Arnar Þór Jónsson, frá Arkís, gerði grein fyrir bygginaráformum. Skipulagsnefnd taldi framlögð byggingaráform vera í samræmi við þau viðmið sem sett voru fram í samþykktu deiliskipulagi fyrir Hafnarbraut 12 og veitir lóðarhafa heimild til að skila gögnum til byggingarfulltrúa. Skipulagsnefnd samþykkti tillögu að breyttu deiliskipulagi með tilvísan til 3. mgr. 43. gr. skipulagslaga nr. 123/2010 og vísaði málinu til bæjarráðs og bæjarstjórnar. Bæjarráð frestaði afgreiðslu málsins á fundi þann 14. apríl sl.

58. fundur lista- og menningarráðs í 4. liðum.

18. fundur skólanefndar MK í 7. liðum.

154. fundur stjórnar Slökkviliðs höfuðborgarsvæðisins í 6. liðum.

Ólafur Þór Gunnarsson lagði fram eftirfarandi tillögu á fundi bæjarráðs þann 14. apríl: "Bæjarráð samþykkir að fela umhverfissviði að meta kosti og galla þess að bærinn setji upp s.k. hraðhleðslustöðvar fyrir rafbíla á helstu starfstsöðvum bæjarins og/eða við grunnskóla eða í hverju hverfi. Jafnframt verði metinn kostnaður og gerð áætlun um uppsetningu ef fýsilegt þykir." Bæjarráð frestaði afgreiðslu tillögunnar.