Bæjarráð

2710. fundur 28. nóvember 2013 kl. 08:15 - 10:15 í Fannborg 2, Bæjarráðsherbergi
Fundinn sátu:
  • Rannveig H Ásgeirsdóttir formaður
  • Ármann Kristinn Ólafsson aðalfulltrúi
  • Ómar Stefánsson aðalfulltrúi
  • Ólafur Þór Gunnarsson aðalfulltrúi
  • Hjálmar Hjálmarsson áheyrnarfulltrúi
  • Pétur Ólafsson aðalfulltrúi
  • Páll Magnússon bæjarritari
Fundargerð ritaði: Páll Magnússon bæjarritari
Dagskrá

1.1301023 - Heilbrigðiseftirlits Hafnarfjarðar - og Kópavogssvæðis, 25. nóvember

185. fundargerð í 11 liðum.

Lagt fram.

Kl. 8:20 mætti Hjálmar Hjálmarsson til fundar.

Bæjarráð boðar fulltrúa Kópavogsbæjar í stjórn heilbrigðiseftirlits á næsta fund bæjarráðs.

Bæjarráð óskar eftir að minnisblað um mengun í Fossvogslæk verði lagt fram í ráðinu.

2.1311020 - Framkvæmdaráð, 27. nóvember

58. fundargerð í 7 liðum.

Lagt fram.

3.1311079 - Dalsmári 5, Fífan gervigras endurnýjað, hreingerning

Föstudaginn 15. nóvember 2013 voru opnuð tilboð hreingerningu í Fífunni, skv. útboðsgögnum gerðum af framkvæmdadeild Kópavogsbæjar. Lagt er fram yfirlit tilboða. Útboðið var lokað. Deildarstjóri framkvæmdadeildar gerði grein fyrir verkefninu og opnunarfundi tilboðanna. Framkvæmdaráð samþykkir að samið verði við lægstbjóðanda Hreint ehf. Vísað til afgreiðslu bæjarráðs.

Bæjarráð samþykkir að gengið verði til samninga við lægstbjóðanda, Hreint ehf.

4.1311434 - Þríhnúkar, tímabundin aðstaða

Á fundi framkvæmdaráðs 27. nóvember 2013 var lagt fram erindi Heilbrigðiseftirlits Hafnarfjarðar- og Kópavogssvæðis dags. 26. nóvember 2013 vegna umsóknar 3H Travel ehf. um "leyfi fyrir móttöku ferðamanna til hellisskoðunar í Þríhnúkagíg." Framkvæmdaráð samþykkti að lýsa stuðningi við lagningu rafstrengs ofanjarðar og að gerður verði göngustígur að gígnum til að koma í veg fyrir umhverfispjöll og vísar málinu til afgreiðslu bæjarráðs.

Ómar Stefánsson lagði fram eftirfarandi bókun:

"Mitt mat er að starfsleyfi eigi að vera gefið út á Þríhnúka ehf. sem eru núverandi leyfishafar.

Ómar Stefánsson"

Ólafur Þór Gunnarsson, Pétur Ólafsson og Rannveig Ásgeirsdóttir taka undir bókun Ómars Stefánssonar.

Bæjarráð samþykkir að lýsa stuðningi við lagningu rafstrengs ofanjarðar og að gerður verði göngustígur að gígnum til að koma í veg fyrir umhverfisspjöll.

5.1311480 - Vatnsendahlíð, úthlutun lóða.

Framkvæmdaráð samþykkti með tveimur atkvæðum að auglýsa lóðir í Vatnsendahlíð til úthlutunar að undangengnum útdrætti sbr. samningi þar um.

Ólafur Þór Gunnarsson lagði fram eftirfarandi bókun:

"Undirritaður telur ekki tímabært að auglýsa lóðir til úthlutunar í Vatnsendahlíð.

Ólafur Þór Gunnarsson"

Ómar Stefánsson lagði fram eftirfarandi bókun:

"Ég tel tímabært að auglýsa lóðir til úthlutunar í Vatnsendahlíð.

Ómar Stefánsson"

6.1301028 - Stjórn Sambands íslenskra sveitarfélaga, 22. nóvember

810. fundargerð í 23 liðum.

Lagt fram.

7.1301050 - Stjórn Sorpu bs., 25. nóvember

328. fundargerð í 2 liðum.

Lagt fram.

8.1301024 - Svæðisskipulagsnefnd hbsv. (áður Samvinnunefnd um svæðisskipulag, 22. nóvember

39. fundargerð í 6 liðum.

Lagt fram.

9.1304297 - Beiðni um niðurfellingu fasteignagjalda

Lögð fram að nýju tillaga að afgreiðslu á beiðni um niðurfellingu fasteignagjalda, sem bæjarstjórn vísaði aftur til bæjarráðs.

Bæjarráð vísar málinu til bæjarritara til frekari úrvinnslu.

10.1311358 - Tillaga Samfylkingarinnar og VG um að falla frá hækkun gjaldskránna.

Bæjarstjórn vísaði tillögunni til bæjarráðs.

Bæjarráð frestar afgreiðslu til næsta fundar.

11.1311358 - Tekjur vegna gjaldskrárhækkana. Tillaga frá Ármanni Kr. Ólafssyni

Frá fjármála- og hagsýslustjóra, dags. 26. nóvember, upplýsingar sem óskað var eftir um fyrirhugaðar tekjur af hækkun leikskólagjalda og matargjalda í leik- og grunnskólum.

Bæjarráð frestar afgreiðslu til næsta fundar.

12.1311380 - Hagasmári 1. Steindórsplan ehf. (Hlöllabátar). Beiðni um umsögn vegna umsóknar um rekstrarleyfi

Frá bæjarlögmanni, dags. 25. nóvember, lagt fram bréf sýslumannsins í Kópavogi, dags. 21. nóvember, þar sem óskað er úmsagnar um umsókn Steindórsplans ehf., kt. 650612-0940, um nýtt/endurnýjað rekstrarleyfi til að mega reka veitingastað í flokki I, á staðnum Hlöllabátar, Smáralindinni, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Fyrirsvarsmaður er Helgi Guðmundsson, kt. 130571-5579.

Bæjarráð samþykkir umsóknina fyrir sitt leyti og staðfestir að

staðsetning er í samræmi við gildandi skipulag og afgreiðslutími er í samræmi við ákvæði 1. mgr. 25. gr. reglugerðar nr. 1127/2007 um lögreglusamþykktir.

13.1311319 - Athugasemdir við útboð á vegum Kópavogsbæjar

Erindi varðandi útboð á vegum Kópavogsbæjar, sem óskað var eftir að tekið yrði upp að nýju.

Bæjarstjóri skýrði frá fundi með fulltrúum Samtaka iðnaðarins.

 

Bæjarráð felur bæjarstjóra að svara erindi Samtaka iðnaðarins.

 

Sviðsstjóri umhverfissviðs og deildarstjóri framkvæmdadeildar sátu fundinn undir þessum lið.

14.1311183 - Melahvarf 3, innlausn lóðarhluta.

Frá sviðsstjóra umhverfissviðs, dags. 27. nóvember, tillaga að innlausnarverði lóðarhluta Melahvarfi 3, samþykkt af málsaðilum, til staðfestingar bæjarráðs.

Bæjarráð samþykkir tillöguna.

Sviðsstjóri umhverfissviðs og deildarstjóri framkvæmdadeildar sátu fundinn undir þessum lið.

15.1311359 - Viðtalstímar bæjarfulltrúa. Fyrirspurn um kostnað frá Guðríði Arnardóttur.

Frá fjármála- og hagsýslustjóra, dags. 26. nóvember, svar við fyrirspurn um kostnað vegna viðtalstíma bæjarfulltrúa sl. ár.

Lagt fram.

16.1311219 - Umsókn um styrk vegna stefnumótunar UMSK

Frá íþróttafulltrúa, dags. 26. nóvember, umsögn um styrkbeiðni vegna stefnumótunar UMSK, sem óskað var eftir í bæjarráði 14. nóvember sl.

Bæjarráð vísar erindinu til bæjarritara til afgreiðslu.

17.1310213 - Nýr samstarfssamningur um rekstur Skíðasvæða höfuðborgarsvæðisins

Frá fjármála- og hagsýslustjóra, dags. 27. nóvember, umsögn um nýjan samstarfssamning um rekstur skíðasvæða höfuðborgarsvæðisins.

Bæjarráð samþykkir samninginn en beinir því til stjórnar SSH að skerpt verði á skilgreiningu og skilning á gr. 2.5.

18.1311422 - Frumvarp til laga um náttúruvernd (brottfall laganna), 167. mál. Óskað eftir umsögn

Frá nefndasviði Alþingis, dags. 25. nóvember, óskað umsagnar um frumvarp til laga um náttúruvernd (brottfall laganna), 167. mál.

Ólafur Þór Gunnarsson og Pétur Ólafsson lögðu fram eftirfarandi tillögu:

?Bæjarráð Kópavogs sér ekki ástæðu til að afturkalla nýsett náttúruverndarlög (L.nr. 60/2013) og leggst því gegn frumvarpinu.

Greinargerð:

Engin knýjandi rök eru fyrir afturköllun laganna, heldur er nú, líkt og var við samþykkt þeirra, ástæða til að fagna komandi gildistöku þeirra. Efling almannaréttar, ítrekun banns við utanvegaakstri, innleiðing varúðarreglunnar og aukin vernd náttúrufyrirbæra skipta öll miklu máli fyrir komandi kynslóðir. Ein stærsta atvinnugrein landsins, ferðaþjónustan, mun njóta góðs af lögunum og eflast með gildistöku þeirra. Sá tími á að vera liðinn í íslenskri lagasetningu  að framkvæmdir og rask sem valda náttúruspjöllum hafi forgang gagnvart gildi náttúruverndar, útivistar og þess að tryggja að við búum komandi kynslóðum sambærileg gæði lands og við höfum notið.

Ólafur Þór Gunnarsson, Pétur Ólafsson"

Hjálmar Hjálmarsson tekur undir tillögu Ólafs Þórs Gunnarssonar og Péturs Ólafssonar

Bæjarráð vísar málinu til sviðsstjóra umhverfissviðs og umhverfis- og samgöngunefndar til umsagnar.

19.1311436 - Frumvarp til laga um barnaverndarlög, 186. mál. Óskað eftir umsögn

Frá nefndasviði Alþingis, dags. 25. nóvember, óskað umsagnar um frumvarp til laga um barnaverndarlög (rekstur heimila fyrir börn), 186. mál.

Bæjarráð vísar málinu til sviðsstjóra velferðarsviðs og barnaverndarnefndar til umsagnar.

20.1311386 - Vegna bókunar í fundargerð bæjarráðs 14.11.2013 um útdrátt skv. eignarnámssátt

Frá Sigurbirni Þorbergssyni, dags. 20. nóvember, athugasemd varðandi lóðaúthlutanir í Vatnsendahlíð.

Bæjarráð vísar erindinu til bæjarlögmanns til úrvinnslu.

21.1210301 - Rekstur sjúkraflutninga á höfuðborgarsvæðinu.

Frá slökkviliði höfuðborgarsvæðisins, dags. 25. nóvember, varðandi framkvæmd verkloka vegna sjúkraflutninga og greiðsluáskorun.

Lagt fram.

22.1311504 - Endurskoðun á bílakosti. Tillaga frá Ólafi Þór Gunnarssyni.

Ólafur Þór Gunnarsson lagði fram eftirfarandi tillögu:

"Bæjarráð Kópavogs samþykkir að við endurnýjun á bílakosti bæjarins næstu misseri verði fyrst og fremst horft til bifreiða sem ekki nota kolefnaeldsneyti, eða nota það í litlum mæli.

Greinargerð:

Nú fást á markaði rafmagns- og tengiltvinnbílar frá flestum  helstu framleiðendum bifreiða. Verð slíkra kosta hefur farið lækkandi og rekstrarkostnaður er hverfandi borið saman við hefðbundna kolefnaeldsneytisbíla. Það eru mikilvæg skilaboð til samfélagsins að stór opinber aðili eins og Kópavogur taki ákvörðun sem þessa.

Ólafur Þór Gunnarsson"

Ármann Kr. Ólafsson, bæjarstjóri, lagði fram eftirfarandi bókun:

"Öll bílakaup Kópavogsbæjar hafa tekið mið af því að minnka útblásturmengun og má benda á að eldsneytiseyðsla bílaflota Þjónustuvers hefur minnkað um helming á tveimur árum.

Ármann Kr. Ólafsson"

Bæjarráð vísar tillögu Ólafs Þórs Gunnarssonar til umhverfis- og samgöngunefndar til úrvinnslu.

 

23.1311501 - Listaverk á netið. Tillaga frá Pétri Ólafssyni.

Pétur Ólafsson lagði fram eftirfarandi tillögu:

"Undirritaður leggur til að öll listaverk í eigu bæjarins verði sett til miðlunar á netið. 

Greinargerð. 

Listaverkaeign bæjarins er talsverð en hún er að hluta til lokuð inn í geymslum. Líklegt má telja að flestar upplýsingar séu til eins og safnalög gera ráð fyrir um stærð, lögun og efni ásamt ljósmyndum. Hægur leikur væri að hlaða þessum myndum inn á netið, jafnvel mætti hugsa sér þetta sem sumarstarf fyrir ungmenni næsta sumar.

Pétur Ólafsson"

 

Rannveig Ásgeirsdóttir tekur undir tillögu Péturs Ólafssonar

 

Bæjarráð vísar tillögunni til lista- og menningarráðs til úrvinnslu.

24.1311502 - Aukning sameiginlegra verkefna SSH. Tillaga frá Pétri Ólafssyni.

Pétur Ólafsson lagði fram eftirfarandi tillögu:

"Bæjarráð Kópavogs óskar eftir því að stjórn SSH láti skoða stórfellda aukningu sameiginlegra verkefna sveitarfélaga á höfuðborgarsvæðinu. 

Greinargerð

Sveitarfélögin á höfuðborgarsvæðinu hafa góða reynslu af sameiginlegum rekstri á borð við Sorpu og Strætó. Sóknarfæri eru víða og er SSH kjörinn vettvangur til að kortleggja af fullri alvöru stórfellda aukningu á samstarfi milli sveitarfélaga á höfuðborgarsvæðinu sem hafa vart sýnileg bæjarmörk. Leiðarljósið skal vera betri nýting almannafjár.

Pétur Ólafsson"

 

Ómar Stefánsson lagði fram eftirfarandi bókun:

"Bendi sérstaklega á byggingareftirlit og heilbrigðiseftirlit.

Ómar Stefánsson"

 

Bæjarráð samþykkir tillögu Péturs Ólafssonar.

Fundi slitið - kl. 10:15.