Bæjarráð

2706. fundur 31. október 2013 kl. 08:15 - 10:15 í Fannborg 2, Bæjarráðsherbergi
Fundinn sátu:
  • Rannveig H Ásgeirsdóttir formaður
  • Ármann Kristinn Ólafsson aðalfulltrúi
  • Ómar Stefánsson aðalfulltrúi
  • Ólafur Þór Gunnarsson aðalfulltrúi
  • Hjálmar Hjálmarsson áheyrnarfulltrúi
  • Pétur Ólafsson aðalfulltrúi
  • Páll Magnússon bæjarritari
  • Margrét Björnsdóttir varafulltrúi
Fundargerð ritaði: Páll Magnússon bæjarritari
Dagskrá

1.1310017 - Forvarna- og frístundanefnd, 29. október

19. fundargerð í 4 liðum.

Lagt fram.

2.1301049 - Stjórn slökkviliðs hbsv., 18. október

125. fundargerð í 4 liðum.

Lagt fram.

3.1309514 - Möguleiki á barnaskíðalyftu. Tillaga frá Arnþóri Sigurðssyni.

Lögð fram að nýju eftirfarandi tillaga:
"Undirritaður leggur til að kannaður verði möguleiki á því að koma upp barnaskíðalyftu við brekkuna við Digraneskirkju.
Arnþór Sigurðsson"
Bæjarráð frestaði afgreiðslu tillögunnar á fundi sínum þann 26. september sl.

Bæjarráð felur íþróttaráði að kanna möguleika á barnaskíðalyftu í bænum.

4.1310275 - Áheyrnarfulltrúar í nefndum. Tillaga frá Hjálmari Hjálmarssyni.

Lögð fram að nýju eftirfarandi tillaga:
"Í ljósi nýrrar bæjarmálasamþykktar óskar undirritaður eftir því að Næstbesti flokkurinn fái áheyrn að eftirtöldum 5 nefndum: umhverfis- og samgöngunefnd, jafnréttis- og mannréttindanefnd, lista- og menningarráð, framkvæmdaráð og forvarna- og frístundanefnd. Áheyrnarfulltrúar njóti sömu kjara og kjörnir fulltrúar.
Hjálmar Hjálmarsson"
Bæjarráð frestaði afgreiðslu tillögunnar á fundi sínum þann 17. október sl.

Bæjarráð hafnar tillögunni með þremur atkvæðum. Tveir bæjarfulltrúar sátu hjá við afgreiðsluna.

Ármann Kr. Ólafsson, bæjarstjóri, lagði fram eftirfarandi bókun:

"Tillagan er felld í ljósi þess að við samþykkt bæjarmálasamþykktar var sérstaklega kveðið á um að áheyrnarfulltrúar verði launaðir eftir kosningar 2014 eftir samhljóða samþykki í bæjarstjórn.

Ármann Kr. Ólafsson"

Ómar Stefánsson og Rannveig Ásgeirsdóttir taka undir bókun Ármanns Kr. Ólafssonar.

5.1210302 - Samkomulag um innlausn, Skeljabrekka 4.

Mál sem frestað var í bæjarstjórn 24. september, drög að samkomulagi um innlausn Skeljabrekku 4.

Bæjarráð felur bæjarstjóra að ganga frá samkomulagi um innlausn á Skeljabrekku 4.

Sviðsstjóri umhverfissviðs og bæjarlögmaður sátu fundinn undir þessum lið.

6.1309198 - Hestheimar 14-16. Beiðni um breytt eignarhald

Lagður fram til staðfestingar samningur milli Kópavogsbæjar, annars vegar og Hestamannafélagsins Spretts o.fl., hins vegar, um breytt eignarhald á Hestheimum 14 - 16.

Bæjarráð samþykkir samninginn með þremur atkvæðum. Tveir fulltrúar sátu hjá við afgreiðslu málsins.

Sviðsstjóri umhverfissviðs og bæjarlögmaður sátu fundinn undir þessum lið.

7.1105502 - Úrskurðarnefnd félagsþjónustu og húsnæðismála

Frá bæjarlögmanni, dags. 30. október, umsögn sem óskað var eftir í bæjarráði varðandi kröfu um endurgreiðslu framfærslustyrks og tillaga að afgreiðslu.

Bæjarráð samþykkir tillöguna og felur bæjarlögmanni að ljúka málinu í samræmi við stefnukröfur.

Bæjarlögmaður sat fundinn undir þessum lið.

8.1310155 - Sérúrræði í kennslu. Fyrirspurn frá Hjálmari Hjálmarssyni.

Lagt fram að nýju svar við fyrirspurn í bæjarráði þann 10. október sl. varðandi Tröð og sérúrræði í kennslu. Bæjarráð frestaði umræðu um málið á fundi sínum þann 17. október.

Lagt fram.

 

Sviðsstjóri menntasviðs sat fundinn undir þessum lið.

9.1303141 - Viðræður um rekstur Hrafnistu á Boðanum

Frá sviðsstjóra menntasviðs, umsögn um erindi Hrafnistu um rekstur á Boðanum og tillaga um skipan starfshóps.

Bæjarráð samþykkir tillögu sviðsstjóra menntasviðs um skipan starfshóps. Bæjarráð skipar sviðsstjóra menntasviðs, sviðsstjóra umhverfissviðs og deildarstjóra frístundadeildar í starfshópinn.

 

Sviðsstjóri menntasviðs sat fundinn undir þessum lið.

10.1302785 - Fasteignagjöld á Glaðheimasvæði.

Frá fjármála- og hagsýslustjóra, dags. 25. október, svar við fyrirspurn í bæjarráði um kostnað vegna fasteigna á Glaðheimasvæðinu.

Lagt fram.

Hjálmar Hjálmarsson lagði fram eftirfarandi fyrirspurn:

"Hafa tryggingargjöld verið endurgreidd frá því að fyrirspurnin var lögð fram í febrúar sl.

Hjálmar Hjálmarsson"

11.1310165 - Vaxtakostnaður Kópavogsbæjar.

Frá fjármála- og hagsýslustjóra, dags. 25. október, svar við fyrirspurn í bæjarráði um árlegan vaxtakostnað bæjarins.

Lagt fram.

12.1304052 - Reglur um fjárhagsaðstoð. Endurskoðun mars 2013

Frá velferðarsviði, tillaga að breytingu á reglum um fjárhagsaðstoð, sem samþykkt var á fundi félagsmálaráðs þann 15. október sl.

Bæjarráð samþykkir tillöguna.

13.1310426 - Framlög vegna nýbúafræðslu 2014

Frá Jöfnunarsjóði sveitarfélaga, dags. 24. október, áætluð framlög vegna nýbúafræðslu fyrir árið 2014.

Bæjarráð vísar erindinu til sviðsstjóra menntasviðs til afgreiðslu.

14.1310427 - Fjármál sveitarfélaga - EFS óskar eftir upplýsingum

Frá Eftirlitsnefnd með fjármálum sveitarfélaga, dags. 23. október, óskað upplýsinga um framkvæmd fjármálastjórnunar bæjarins.

Bæjarráð vísar erindinu til fjármála- og hagsýslustjóra til úrvinnslu.

15.1310424 - Dagur gegn einelti 8. nóvember

Frá mennta- og menningarmálaráðherra og félags- og húsnæðismálaráðherra, dags. 16. október, upplýsingar um fyrirhugaða dagskrá Dagsins gegn einelti þann 8. nóvember nk.

Lagt fram.

16.1310460 - Beiðni um rekstrarstyrk fyrir árið 2014

Frá Stigamótum, dags. 20. október, styrkbeiðni fyrir starfsárið 2014.

Bæjarráð vísar erindinu til félagsmálaráðs til afgreiðslu.

17.1306629 - Könnun um bæjarfjall. Tillaga frá Ómari Stefánssyni.

Ómar Stefánsson lagði fram eftirfarandi fyrirspurn:

"Í bæjarráði  20. júní síðastliðnum  var samþykkt tillaga frá mér að gerð yrði könnun á heimasíðu Kópavogsbæjar um hvaða fjall kæmi til greina sem opinbert bæjarfjall Kópavogs.   Það var ekki gert.  Nú rúmum fjórum mánuðum síðar óska ég eftir því að bæjarstjóri sjái til þess að lagt verði fram á næsta fund bæjarráðs skriflegar útskýringar á því hversvegna það var ekki gert.

Ómar Stefánsson"

18.1304352 - Notkun opins hugbúnaðar. Fyrirspurn frá Ómari Stefánssyni.

Ómar Stefánsson lagði fram eftirfarandi fyrirspurn:

"Í bæjarráði 20. júní síðastliðnum var lagt fram svar við fyrirspurn frá mér varðandi notkun á opnum hugbúnaði .  Þar var boðað að í skýrslu sem stefnt var á að ljúka í ágúst væri reynt að svara eftirfarandi spurningum:

1.            Hvaða starfsmenn/stofnanir gætu hugsanlega nýtt sér alfarið opinn hugbúnað í sinni vinnu?

2.            Með hvaða hætti er hægt að tryggja sama öryggi með opnum hugbúnaði og gert er með núverandi hugbúnaði?

3.            Með hvaða hætti væri hægt að færa stofnanir úr núverandi hugbúnaði yfir í opinn hugbúnað, hvað myndi það kosta, hvað myndi sparast og hvaða hindranir þyrfti að ryðja úr vegi svo þetta sé mögulegt?

Hvenær má eiga von á að boðuð skýrsla verði lögð fram í bæjarráði?

Ómar Stefánsson"

19.1306168 - Opið aðgengi að gögnum. Tillaga frá Pétri Ólafssyni.

Pétur Ólafsson lagði fram eftirfarandi fyrirspurn:

"Í upphafi júnímánaðar lagði undirritaður fram tillögur um stórfellda opnun gagna bæjarins. Í tillögunni var fjallað um að bærinn skyldi leita ráðgjafar um það hvernig bæjarfélagið geti tekið þátt í þeirri þróun um birtingu upplýsinga og myndræna miðlun þeirra.

Ennfremur að skoðað verði að birta rekstrarreikninga, yfirlit yfir gjöld bæjarsjóðs eftir hagrænni skiptingu og tekjur. Auk þess að birta frávik frá fjárhagsáætlunum og einstaka rekstrar- og efnahagsreikninga stofnana bæjarins. Að auki að fjárhagsáætlun bæjarins verði birt inn á datamarket líkt og áætlanir Rekjavíkurborgar og ríkis hafa gert undanfarin ár.

Það er flókið og erfitt að nálgast fjárhagsáætlun á vef bæjarins. Taka verður mið af því að almenningur á kröfu á að vita um hverja krónu sem fer í gegnum bæjarkerfið enda um almannafé að ræða.

Undirritaður auglýsir eftir svörum við þessum athugasemdum sem flestar eru frá 6. júní sl.

Pétur Ólafsson"

Fundi slitið - kl. 10:15.