Bæjarráð

Frá bæjarritara, lögð fram mánaðarskýrsla vegna starfsemi í apríl.

Frá bæjarritara, dags. 16. mars, tillaga að afgreiðslu umsóknar Leikfélags Kópavogs um styrk til greiðslu fasteignaskatts. Lagt er til að styrkumsókn að upphæð kr. 691.740.-, verði samþykkt enda fellur starfsemi félagsins að reglum Kópavogsbæjar um styrkveitingar.

Frá lögfræðideild, dags. 29. maí, lagt fram bréf Sýslumannsins á höfuðborgarsvæðinu þar sem óskað er umsagnar um umsókn Á-B ehf., kt. 500914-0330, um nýtt rekstrarleyfi til að mega reka veitingahús og skemmtistað í flokki III, á staðnum SPOT, að Bæjarlind 6, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá sviðsstjóra umhverfissviðs, dags. 29. maí, lögð fram umsókn um lóðina Þrúðsali 11 frá Sigurlaugu Lilju Ólafsdóttur, kt. 250386-3039 og Jóni Heiðari Ingólfssyni, kt. 071083-5009. Lagt er til að bæjarráð mæli með við bæjarstjórn að samþykkja úthlutun lóðarinnar til umsækjanda, enda uppfyllir hann reglur til úthlutunar.

Frá sviðsstjóra umhverfissviðs, dags. 29. maí, lögð fram umsókn um lóðina Þrúðsali 13 frá Helgu Rós Benediktsdóttur, kt. 190788-3269 og Sveinbirni Inga Erlendssyni, kt. 031288-2239. Lagt er til að bæjarráð mæli með við bæjarstjórn að samþykkja úthlutun lóðarinnar til umsækjanda, enda uppfyllir hann reglur til úthlutunar.

Frá bæjarstjóra, fundinn sátu Runólfur Ágústsson, verkefnastjóri hraðlestrarverkefnisins og Björn Þór Guðmundsson, fulltrúi Landsbanka, og héldu kynningu um hraðlestrarsamgöngur á milli Keflavíkurflugvallar og Reykjavíkur.

Frá SSH, lögð fram samþykkt stjórnar SSH vegna kjarasamninga grunnskólakennara sem samþykkt var á fundi stjórnar SSH þann 1. júní 2015.

Frá lóðarhafa Landsenda 19-21, dags. 15. maí, lagt fram bréf þar sem óskað er eftir að tímamörk lóðarleigusamnings fyrir lóðina Landsenda 19-21 um fullklárað hús og jöfnun lóðar verði felld úr gildi, með vísan til dráttar sem hefur orðið á framkvæmdum Kópavogsbæjar við gerð aðkomuvegar austan og sunnan lóðarmarka. Skil á framkvæmdaáætlun fyrir lóðina sem uppfylli lóðarleigusamning sé háð því að Kópavogsbær standi við þau fyrirheit að hefja framkvæmdir við aðkomuveg svo lóðin yrði framkvæmdahæf, sem sé forsenda þess að hægt sé að nýta hesthúsin við Landsenda.

Frá varasjóði húsnæðismála, dags. 21. maí, lagt fram erindi vegna stöðvunar verkefnis um framlag til sveitarfélaga vegna sölu á félagslegum íbúðum á almennum markaði úr Varasjóði húsnæðismála. Sjóðurinn hefur nú hætt móttöku og afgreiðslu umsókna frá sveitarfélögum vegna sölu félagslegra íbúða á almennum markaði.

Frá Skákstyrktarsjóði Kópavogs, dags. 5. maí, lagt fram erindi þar sem tilkynnt er um að sjóðurinn geti ekki lengur tekið við erindum sem berast Kópavogsbæ og er mælst til þess að Kópavogsbær áframsendi framvegis engar styrkumsóknir. Einnig tilkynnt um að sjóðurinn verði að leggja af styrkveitingum til leik- og grunnskóla í Kópavogi í ljósi bágrar fjárhagsstöðu.

Frá skólastjóra Hörðuvallaskóla, dags. 30. maí, lagt fram erindi þar sem óskað er eftir styrk vegna þátttöku skáksveitar skólans á Norðurlandamóti í Danmörku.

1393. fundur félagsmálaráðs í 8. liðum.

58. fundur leikskólanefndar í 13. liðum.

1260. fundur skipulagsnefndar í 15. liðum.

Frá skipulagsstjóra, dags. 2. júní, lagt fram að nýju erindi THG arkitekta f.h. lóðarhafa þar sem óskað er eftir breyttu deiliskipulagi Boðaþings 14-16 og 18-20, að lokinni grenndarkynningu. Skipulagsnefnd samþykkir framlagða tillögu að breyttu deiliskipulagi og vísar erindinu til bæjarráðs og bæjarstjórnar.

Frá skipulagsstjóra, dags. 2. júní, lagt fram að nýju erindi Púkk arkitekta f.h. lóðarhafa að breyttu deiliskipulagi Gulaþings 25, þar sem komið er til móts við innsendar athugasemdir. Skipulagsnefnd samþykkir framlagða tillögu að breyttu deiliskipulagi þar sem komið er til móts við innsendar athugasemdir og vísar erindinu til bæjarráðs og bæjarstjórnar.

Frá lögfræðideild, dags. 2. júní, lögð fram umsögn vegna breytinga á nýrri lögreglusamþykkt Kópavogsbæjar.