Bæjarráð

Frá bæjarstjóra vegna erindis WOW air, dags. 30. september sl., þar sem óskað var eftir viðræðum við Kópavogsbæ um úthlutun lóðar á Kársnesi undir nýjar höfuðstöðvar WOW air. Bæjaráð vísaði á fundi sínum þann 8. okt. erindinu til bæjarstjóra til úrvinnslu. Lagt er til að bæjarráð feli bæjarstjóra að ganga til viðræðna við fulltrúa WOW air um staðsetningu nýrra höfuðstöðva félagsins vestast á Kársnesi á svæði sem er sunnan Vesturvarar 40 og 48 og vestan Vesturvarar 29. Svæðið er að hluta deiliskipulagt fyrir atvinnustarfsemi og því ljóst að gera þarf breytingar á skipulagi umrædds svæðis svo hugmyndir félagsins um 9.000 til 12.000 m2 atvinnu- og skrifstofuhúsnæði nái fram að ganga. Bæjarráð vísar erindi WOW air um hugmyndasamkeppni um breytingar á skipulagi svæðisins svo og hönnun höfuðstöðva félagsins vestast á Kársnesi til skipulagsnefndar til úrvinnslu.

Frá bæjarritara, lagðar fram mánaðarskýrslur vegna starfsemi í ágúst og september.

Frá skipulagsstjóra, dags. 2. nóvember, lagt fram erindi til upplýsinga um stöðu mála varðandi undirbúning að uppbyggingu á Glaðheimareit skv. beiðni bæjarráðs.

Frá lögfræðideild, dags. 27. október, lagt fram bréf vegna úrskurðar úrskurðarnefndar umhverfis- og auðlindamála í máli nr. 86/2013.

Frá Jöfnunarsjóði sveitarfélaga, dags. 28. október, lögð fram áætlun um úthlutun framlaga til sveitarfélagsins vegna nýbúafræðslu fyrir fjárhagsárið 2016.

Frá Jöfnunarsjóði sveitarfélaga, dags. 28. október, lögð fram áætlun um úthlutun framlaga vegna sérþarfa fatlaðra nemenda í grunnskólum sveitarfélagsins fjárhagsárið 2016.

Frá Samgöngustofu, dags. 27. október, lagt fram erindi þar sem óskað er umsagnar um umsókn Thor bílaleigu ehf. um að reka ökutækjaleigu að Dalvegi 24 í Kópavogi.

Frá Yfirfasteignamatsnefnd, dags. 26. október, lagt fram erindi þar sem tilkynnt er um að nefndinni hafi borist kæra frá Tréfagi ehf. vegna Víkurhvarfs 2 og óskað eftir umsögn Kópavogsbæjar varðandi kæruna.

Frá lögreglustjóranum á höfuðborgarsvæðinu, dags. 29. október, lögð fram tilkynning um að fallist sé á tillögur bæjarráðs Kópavogs um að banna stöðu ökutækja á Smiðjuvegi og Skemmuvegi.

Frá nemendum í Kársnesskóla, lagt fram erindi þar sem óskað er eftir að gerð verði aðstaða fyrir hjólabretti, BMX og línuskauta í hverfinu.

170. fundur afgreiðslna byggingarfulltrúa í 4. liðum.

49. fundur barnaverndarnefndar í 9. liðum.

205. fundur heilbrigðisnefndar í 2. liðum.

206. fundur heilbrigðisnefndar í 56. liðum.

6. fundur skólanefndar tónlistarskólans Tónsala í 3. liðum.

227. fundur stjórnar Strætó í 4. liðum.

Frá bæjarstjóra, dags. 3. nóvember, lagt fram erindi um stöðu lóðarleigusamnings um lóðina Vesturvör 2 þar sem lagt er til, í ljósi breyttrar notkunar á svæðinu, að Kópavogsbær beiti 12. gr. samningsins og innleysi lóðarréttindin til sín.