Skipulagsnefnd

Frá byggingarfulltrúa:
Lagt fram erindi Studio apartments, dags. 13.1.2015, vegna synjunar skipulagsnefndar á erindi félagsins um að breyta veitingastað að Hamraborg 3 í gistiheimili.

Lagður fram uppdráttur Alark arkitekta dags. 12.1.2016 þar sem fram koma fyrrnefndar breytingar á Hamraborg 3. Í breytingunni felst að í norðurhluta rýmisins verða tvö gistirými. Í suðurhluta rýmisins verður verslunarrými sem snýr út að Hamraborg.

Frá byggingarfulltrúa:
Að lokinni kynningu er lögð fram að nýju tillaga VA Arkitekta f.h. lóðarhafa dags. 4.11.2015 þar sem óskað er eftir breytingum að Nýbýlavegi 78. Í breytingunni felst að núverandi hús á lóðinni, byggt árið 1961, verði rifið. Þess í stað verði reist íbúðarhús með 6 íbúðum á tveimur hæðum og kjallara. Á lóð verða 6 bílastæði ásamt bílgeymslum fyrir tvo bíla sbr. teikningum dags. 4.11.2015. Á fundi skipulagsnefndar 30.11.2015 var samþykkt með tilvísan í 44. gr. skipulagslaga nr. 123/2010 að grenndarkynna framlagða tillögu fyrir lóðarhöfum Nýbýlavegar 56, 58, 60, 62, 64, 66, 68, 70, 72, 74, 76 og 80; Túnbrekku 2 og 4; Lundarbrekku 2 og 4. Kynningu lauk 18.1.2016. Athugasemd barst frá Halldóri Ingvarssyni og Hjördísi Ólafsdóttur, Nýbýlavegi 68, dags. 18.1.2016; frá Lundabrekku 2, 13 undirskriftir, dags. 18.11.2016; frá Nýbýlavegi 72, 4 undirskriftir, dags. 18.1.2016; frá Nýbýlavegi 76, 1 undirskrift, dags. 18.1.2016; frá Nýbýlavegi 80, 3 undirskriftir, dags. 18.1.2016; frá Túnbrekku 2, 3 undirskriftir, dags. 18.1.2016; frá Túnbrekku 4, 6 undirskriftir, dags. 18.1.2016.

Lögð fram breytt tillaga VA arkitekta fh. lóðarhafa dags. 10. febrúar 2016 þar sem dregið hefur verið úr byggingarmagni á lóð og fyrirkomulagi bílastæða breytt.
Lögð fram umsögn skipulags- og byggingardeildar dags. 15. febrúar 2016.

Í upphafi árs 2015 fór fram grenndarkynning á íbúðarhúsnæði við Kársnesbraut 7. Kynntar voru hugmyndir lóðarhafa um tvö íbúðarhús með 9 íbúðum alls. Athugasemdir bárust við kynnta tillögu og var umsókn lóðarhafa hafnað í skipulagsnefnd 4. maí 2015. Í kjölfar höfnunar voru haldnir samráðsfundir með næstu nágrönnum, lóðarhafa Kársnesbrautar 7 og hans hönnuði. Á fundunum var farið yfir breyttar tillögur lóðarhafa þar sem komið var til móts við athugasemdir sem bárust á kynningartíma og þær athugasemdir sem komu fram á samráðsfundum.

Lagðar fram tillögur THG arkitekta f.h. lóðarhafa dags. 26.11.2015 að uppbyggingu að Kársnesbraut 7. Settar eru fram þrjár tillögur (Tillögur A, B og C) með 1-2 húsum á lóðinni, allar tillögur gera ráð fyrir 6 íbúðum á lóðinni. Tillögur gera ráð fyrir nýtingarhlutfalli upp á 0,38 - 0,46 sbr. uppdráttum dags. 26.11.2015.

Í Tillögu A er gert ráð fyrir tveimur húsum með þremur íbúðum hvort og liggja húsin samsíða Kársnesbrautinni. Bílastæði eru milli húsanna tveggja og á suðurhluta lóðar. Heildarbyggingarmagn á lóð er um 702 m2 og nýtingarhlutfall er 0,40.

Í Tillögu B er gert ráð fyrir einu húsi með sex íbúðum, húsið er á norðurhluta lóðar, samsíða Kársnesbrautinni. Bílastæði eru á suðurhluta lóðar.
Heildarbyggingarmagn á lóð er um 660 m2 og nýtingarhlutfall er 0,38.

Í Tillögu C er gert ráð fyrir tveimur húsum með þremur íbúðum hvort. Syðra húsið er samsíða Ásbrautinni en nyrðra húsið er samsíða Kársnesbrautinni. Bílastæði eru á milli húsanna tveggja og undir syðra húsinu. Heildarbyggingarmagn á lóð er um 798 m2 og nýtingarhlutfall er 0,46.

Í öllum tillögum verði gert ráð fyrir hljóðvegg á norðurhluta lóðarinnar.

Greint frá samráðsfundum sem haldnir voru 26.1.2016 og 11.2.2016.

Lagt fram erindi Gláma-Kím arkitekta, dags. 26.1.2016, f.h. lóðarhafa þar sem óskað er eftir breyttu deiliskipulagi Kópavogsbakka 2. Í breytingunni felst að 72 m2 ónýtt sökkulrými í kjallara verður tekið í notkun. Við breytinguna verður heildarstærð hússins 565,5 m2 og nýtingarhlutfall hækkar úr 0,63 í 0,73 sbr. erindi dags. 26.1.2016.

Lögð fram með tilvísan í 1. mgr. 30. gr. skipulagslaga nr. 123/2010 og Svæðisskipulag höfuðborgarsvæðisins 2040 sem tók gildi 14. júní 2015 lýsing á skipulagsverkefninu: Breyting á aðalskipulagi nr. 2: Vaxtamörk byggðar, dags. 3. janúar 2016.

Lögð fram með tilvísan í 1. mgr. 30. gr. skipulagslaga nr. 123/2010 og Svæðisskipulag höfuðborgarsvæðisins 2040 sem tók gildi 14. júní 2015 lýsing á skipulagsverkefninu: Breyting á aðalskipulagi nr. 3: Vatnsvernd, dags. 3. janúar 2016

Lögð fram með tilvísan í 1. mgr. 30. gr. skipulagslaga nr. 123/2010 og Svæðisskipulag höfuðborgarsvæðisins 2040 sem tók gildi 14. júní 2015 lýsing á skipulagsverkefninu: Breyting á aðalskipulagi nr. 4: Niðurfelling Kópavogsgangna, dags. 3. janúar 2016.

Lögð fram með tilvísan í 1. mgr. 30. gr. skipulagslaga nr. 123/2010 lýsing á skipulagsverkefninu: Breyting á aðalskipulagi nr. 5: Sveitarfélagamörk í þéttbýli og upplandi Kópavogs, dags. 3. janúar 2016.

Lögð fram með tilvísan í 1. mgr. 30. gr. skipulagslaga nr. 123/2010 og Svæðisskipulag höfuðborgarsvæðisins 2040 sem tók gildi 14. júní 2015 lýsing á skipulagsverkefninu: Breyting á aðalskipulagi nr. 6: Miðhverfi skilgreining, dags. 3. janúar 2016.

Lögð fram með tilvísan í 1. mgr. 30. gr. skipulagslaga nr. 123/2010 lýsing á skipulagsverkefninu: Breyting á aðalskipulagi nr. 7: Auðbrekka, dags. 3. janúar 2016.

Lögð fram með tilvísan í 1. mgr. 30. gr. skipulagslaga nr. 123/2010 lýsing á skipulagsverkefninu: Breyting á aðalskipulagi nr. 8 Smárinn vestan Reykjanesbrautar dags. 3. janúar 2016.

Lagður fram úrskurður frá úrskurðarnefnd umhverfis- og auðlindamála frá 21. janúar 2016 vegna kæru á ákvörðum bæjarstjórnar Kópavogs frá 28. maí 2013 vegna breytingar á deiliskipulagi Vatnsendahlíðar - Þing 2, 3 og 4.

Lagður fram úrskurður frá úrskurðarnefnd umhverfis- og auðlindamála frá 29. janúar 2016 vegna kæru á ákvörðun bæjarstjórnar Kópavogs frá 10. september 2013 vegna breytingar á deiliskipulagi Kópavogsbakka 2 og 4.

Tillaga frá Margréti Júlíu Rafnsdóttur og Ásu Richardsdóttur:
Skipulagsnefnd Kópavogs samþykkir að vinna nýtt deiliskipulag fyrir Kópavogsdal en núgildandi skipulag er frá 1990.

Nefndin beinir því til bæjarstjórnar að tryggja fjármagn og mannafla til þessarar vinnu.

Skipulagsnefnd Kópavogs vill leggja áherslu á fjölbreytta aðstöðu til útivistar fyrir almenning og græn svæði í Kópavogsdal.

Vinna þarf framtíðarsýn um Kópavogsdal, sem er í þágu allra bæjarbúa.

Tillaga frá Sverri Óskarssyni:
Lagt er til að fyrri drög að deiliskipulagi Smiðjuvegar 44-66 verði lögð fram á næsta fundi skipulagsnefndar.

Fyrirspurn frá Guðmundi Geirdal:
Óskað er eftir að skipulags- og byggingardeild fari yfir hæðartölur vegna áhrifa af hækkandi stöðu sjávar.

Fyrirspurn frá Sigríði Kristjánsdóttur:
Lagt er til að skoðað verði hvernig hægt sé að helga Fossvoginn til útivistanotkunar fyrir sjósund og siglingar.