Umhverfis- og samgöngunefnd

72. fundur 08. desember 2015 kl. 16:30 í Fannborg 6, fundarherbergi 2. hæð
Fundinn sátu:
  • Hreiðar Oddsson aðalmaður
  • Ísól Fanney Ómarsdóttir aðalmaður
  • Sigurður M Grétarsson aðalmaður
  • Einar Baldursson aðalmaður
  • Hreggviður Norðdahl áheyrnarfulltrúi
  • Gylfi Sigurðsson áheyrnarfulltrúi
  • Birgir Hlynur Sigurðsson
  • Karl Eðvaldsson
  • Bjarki Þórir Valberg
Fundargerð ritaði: Bjarki Valberg umhverfisfulltrúi
Dagskrá
Hjördís Ýr Johnson er forfölluð á fundinn. Varaformaður Hreiðar Oddson stýrir fundi.

Varaformaður ber upp við fundinn að undir önnur mál verði samþykkt að Sigríði Kr. Hrafnkelsdóttir frá Veru ráðgjöf ehf. verði með kynningu er varðar verkefnið Lýðheilsustefna í Kópavogi.
Umhverfis- og samgöngunefnd samþykkir tillöguna einróma.

1.1512057 - Mótun heildstæðrar samgöngustefnu

Frá 2799 fundi bæjarráðs 3. desember 2015:
Bæjarráð leggur til að mótuð verði heildstæð samgöngustefna fyrir Kópavog þar sem m.a. verður horft til lýðheilsuþátta, öryggis og loftgæða. Í stefnunni skal fjalla um Strætósamgöngur, göngu- og hjólreiða, bílaumferðar og tækninýjungar sem nýtast fyrir bættar samgöngur. Meðfylgjandi er greinargerð sem markar ramma fyrir verkefnið.
Vísað til umhverfis- og samgöngunefndar.
Umhverfis- og samgöngunefnd samþykkir einróma að formaður umhverfis- og samgöngunefndar tilnefni stýrihóp fyrir verkefnið sem lagður verði fram á næsta fundi nefndarinnar.

2.1503668 - Hjólreiðaáætlun Reykjavíkurborgar 2015

Lagt fram kynningarefni á lituðum lykilleiðum og merkingar á hjólaleiðum frá Samgöngudeild, Umhverfis- og skipulagssviði Reykjavíkurborgar.
Umhverfis- og samgöngunefnd samþykkir þátttöku á kynningarfundi Hjólreiðaáæltunar Reykjavíkurborgar 2015.

3.1511402 - Changers CO2 fit

Lagt fram erindi Birnu Guðmundsdóttur fyrir hönd þýska fyrirtækisins Changers Inc. dags. 11.11.2015.
Lagt fram og kynnt.

4.1309039 - Ferðamátakannanir grunnskóla Kópavogs

Lögð fram ferðamátakönnun sem framkvæmd var í grunnskólum Kópavogs vikunna 14.- 18. September 2015.
Lagt fram og kynnt.

5.1410045 - Ársfundir náttúruverndarnefnda sveitarfélaga og Umhverfisstofnunar og umsjónaraðila friðlýstra svæða

Lögð fram ástandskýrsla friðlýstra svæða í Kópavogi 2015 ásamt glærum frá ársfundi Umhverfisstofnunar og náttúruverndarnefnda sveitarfélaga 2015.
Lagt fram og kynnt.

6.1401589 - Fundargerðir samráðsfunda staðardagskrár 21 fulltrúa á höfuðborgarsvæðinu

Lögð fram fundargerð fundar staðardagskrár 21 fulltrúa dags. 23.11.2015.
Lagt fram og kynnt.

7.1409005 - Fyrirliggjandi verkefni - Umhverfis- og samgöngunefnd

Lagðar fram og kynntar breytingar á lögum um náttúruvernd nr. 60/2013.
Lagt fram og kynnt.

8.1512096 - Hönnunarreglur fyrir stoppistöðvar strætó

Lögð fram fyrsta útgáfa nýrra hönnunarreglna fyrir stoppistöðvar Strætó til kynningar frá Umbótahópi Strætó bs. dags. 1.11.2015.
Lagt fram og kynnt.

9.1512097 - Bláfánaumsókn 2016

Lagt fram umsóknareyðublað ásamt nauðsynlegum fylgiskjölum fyrir umsókn að Bláfána 2016.
Umhverfis- og samgöngunefnd samþykkir einróma að unnin verði umsókn að Bláfána 2016 fyrir Fossvogshöfn og vísar erindinu til bæjarráðs.

10.1502550 - Hraðamælingar lögreglunnar á höfuðborgarsvæðinu í Kópavogi 2015

Lagðar fram hraðamælingar lögreglunnar á höfuðborgarsvæðinu í Kópavogi 2015.
Lagt fram og kynnt.

11.1412128 - Lýðheilsustefna í Kópavogi

Sigríður Kr. Hrafnkelsdóttir kynnir tillögu að málþingi um hjólreiðar.
Lagt fram og kynnt.
Umhverfis- og samgöngunefnd þakkar Sigríði Kr. Hrafnkelsdóttur fyrir kynninguna.

12.1512130 - Áskorun til bæjarstjórnar frá Einari Baldurssyni.

Undirritaður skorar á bæjarstjórn Kópavogs að stíga markvissari skref um framtíðarfyrirkomulag á meðhöndlun og flokkun úrgangs á höfuðborgarsvæðinu.
Umhverfis- og samgöngunefnd tekur undir áskorunina og felur umhverfissviði að taka saman stöðu mála varðandi meðhöndlun úrgangs og kynna á næsta fundi nefndarinnar.

Fundi slitið.