Umhverfis- og samgöngunefnd

Á fundi umhverfis- og samgöngunefndar 5. mars 2012 voru lögð fram drög að greinargerð Aðalskipulags Kópavogs 2012 - 2024 og Staðardagskrár 21. Fulltrúar frá Landmótun og skipulags- og byggingardeild Kópavogs kynntu vinnu við endurskoðun aðalskipulags Kópavogs og Staðardagskrá 21.
Umhverfis- og samgöngunefnd fól starfsmönnum umhverfissviðs að taka saman ábendingar nefndarmanna og koma þeim áfram til skipulagsnefndar.
Lagt fram á ný.

Frá fulltrúum Samfylkingarinnar og Vinstri grænna: Á fundi umhverfis- og samgöngunefndar 23. janúar 2012 var lögð fram verkefnaáætlun í umhverfis- og samgöngumálum 2012 - 2014. Málinu var frestað. Við leggum fram þá áætlun á ný og óskum eftir að hún sé tekin til umfjöllunar.

Á fundi bæjarráðs 16. febrúar 2012 var samþykkt tillaga menningar- og þróunarráðs um stofnun starfshóps til að fjalla um skipulag, umhverfi og nýtingu Kópavogstúns og bygginga á svæðinu. Óskað er eftir fulltrúa frá umhverfis- og samgöngunefnd í starfshópinn og að starfsmaður umhverfissviðs verði ritari hópsins að höfðu samráði við sviðsstjóra.
Frestað.
Lagt fram á ný.