Fréttasafn

Bæjarstjórn Kópavogs og starfsfólk bæjarins óskar bæjarbúum og landsmönnum öllum gleðilegra jóla og farsældar á nýju ári.

Bæjarstjórn Kópavogs ákvað að lækka almenn leikskólagjöld um 15% árið 2008.

Gunnar I. Birgisson, bæjarstjóri í Kópavogi, afhenti í dag níu starfsmönnum Kópavogsbæjar sérstaka viðurkenningu fyrir dygg og góð störf í þágu bæjarins í 25 ár.

Vatni frá Vatnsveitu Kópavogs var í dag hleypt á allt dreifikerfi Vatnsveitu Garðabæjar. Fyrir fáum vikum var vatni frá VK hleypt á Kauptún og síðar á Molduhraun.

Vefur Kópavogsbæjar er í úrvalssveit vefsíðna hjá sveitarfélögum á landinu.

Bæjarstjórn Kópavogsbæjar samþykkti einum rómi á fundi sínum í gærkvöld, hinn 18. desember 2007, viljayfirlýsingu um byggingu óperuhúss í Kópavogi.

Salurinn hefur látið hanna ný og falleg gjafakort sem gilda á tónleika í Salnum á komandi ári. Gjafakort er bæði hægt að fá opið að tiltekinni fjárhæð eða sem ávísun á valda tónleika.

Lögreglan í Kópavogi hvetur bæjarbúa, framkvæmdaraðila og fyrirtækjaeigendur til að fergja allt lauslegt eða flytja það inn í hús svo að það fjúki ekki í óveðrum og valdi tjóni. Veðurstofan spáir stormi um land allt.

Góð þátttaka var hjá nemendum í grunnskólum Kópavogs í jólagetraun lögreglunnar og Umferðarstofu fyrir nemendur í 1. til 5. bekk. Dregið var úr réttum lausnum á bæjarskrifstofu Kópavogs þann 13. desember.

Bæjarstjórn Kópavogsbæjar samþykkti fjárhagsáætlun fyrir árið 2008 á fundi sínum í gærkvöld. Gert er ráð fyrir ríflega 2,2 milljarða króna rekstrarafgangi.

Bæjarráð Kópavogs hefur samþykkt að fresta ákvörðun um gjaldfrjálsar strætisvagnasamgöngur í samræmi við erindi frá stjórn Strætós bs.

Nýr leikskóli var opnaður í Kópavogi í dag síðdegis. Leikskólinn, sem hefur hlotið nafnið Baugur, stendur við Baugakór. Í Kópavogsbæ eru nú reknir 19 leikskólar á vegum bæjarins og 3 á vegum einkaaðila.

Bæjarráð Kópavogs samþykkti í dag einróma útfærslur á sértækum aðgerðum í starfsmannamálum Kópavogsbæjar. Kostnaður vegna sértækra aðgerða í starfsmannamálum nemur að sögn bæjarstjórans á bilinu 210 til 220 milljónum króna.

Miðvikudagskvöldið 5. desember kl. 20 heldur Jónas Ingimundarson píanótónleika í Salnum í Tónlistarhúsi Kópavogs. Á tónleikunum leikur Jónas þrjú öndvegisverk Beethovens, Tunglskinssónötuna, Pathetiquesónötuna og Appassionata op. 57. Aðgangur er ókeypis.

Ferðaverkefnið í hættu
Ferðafélag Íslands styður Smáraskóla til að halda áfram vel heppnaðri og metnaðarfullri kennslu í ferðalögum og útivist sem var í hættu eftir að menntamálaráðuneytið tilkynnti að ekki mætti taka gjald af foreldrum nemenda fyrir ferðir á vegum skóla. Elstu nemendurnir fá ókeypis aðild að félaginu með öllu sem henni fylgir.

Út er kominn myndskreyttur bæklingur um íþróttir og íþróttamannvirki í Kópavogi. Með bæklingnum vilja bæjaryfirvöld vekja athygli á þeirri fjölbreyttu íþróttastarfsemi sem stunduð er í Kópavogi og þeirri umgjörð sem bærinn hefur búið þessum mikilvæga málaflokki.

Afbrotum fækkar

Nágrannavarsla í Sæbólshverfi skilar árangri og afbrotum í hverfinu fækkar. Tilkynningum hefur fjölgað til lögreglu frá íbúum hverfisins um ýmis atvik sem eiga sér stað í hverfinu. Forvarnarfulltrúi Kópavogsbæjar segir að það sé ánægjuleg þróun að sjá íbúa hverfisins vera vakandi yfir sínu nánasta umhverfi.

Í gær var haldin jólahátíð í Kópavogi í tilefni af tendrun jólaljósanna á vinarbæjarjólatré Kópavogsbúa.

Sjá myndir frá hátíðinni.

Sjá frétt sjónvarpsins frá hátíðinni í Kópavogi og á Ísafirði.

Dreymir þig um að fella með fjölskyldu þinni ykkar eigið jólatré? Eins og undanfarin ár heimilar skógræktarfélagið í Kópavogi ásamt skógræktarfélögunum í Mosfellsbæ, Kjalarnesi og Kjós skógarhögg að Fossá í Hvalfirði gegn hóflegu gjaldi.

Laugardaginn 1. desember verður jólahátíð í Kópavogi á Hálsatorgi og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa.


Smelltu hér til að stækka auglýsinguna.

Í tillögu að fjárhagsáætlun Kópavogsbæjar fyrir árið 2008, sem lögð var fram til fyrri umræðu í bæjarstjórn Kópavogs nú síðdegis, er gert ráð fyrir ríflega 2,2 milljarða króna rekstrarafgangi.

Atvinnuhúsnæði
Úthlutun á byggingarétti

Kópavogsbær auglýsir byggingarétt til úthlutunar á lóðum 1, 3, 5 og 7 við Tónahvarf II (götuheitið ekki endanlegt) undir atvinnuhúsnæði á tveimur hæðum. Lóðirnar eru frá u.þ.b. 4800 m2 til 6400 m2.

Mjög góð mæting foreldra var á fræðslufund í Hjallaskóla í morgun. Kynntar voru niðurstöður úr rannsókn Rannsóknar og greiningar um hagi og líðan barna í Kópavogi, auk þess sem Hugo Þórisson, sálfræðingur skólans, var með mjög áhugavert erindi. Framundan eru fundir í öllum grunnskólum bæjarins á morgnana kl 8.10 - 9.10.

Kópavogsbær hefur tekið í notkun eigið vatnsból í Vatnsendakrikum í Heiðmörk. Fram að þessu hefur Kópavogsbær keypt vatn af Orkuveitu Reykjavíkur (áður Vatnsveitu Reykjavíkur) en bæjarfélagið verður framvegis sjálfu sér nægt um vatn og hefur auk þess gert samning um vatnsöflun fyrir Garðabæ til 40 ára.

Samningar um styrki til skólastarfs í Kópavogsskóla næstu 2 til 3 ár voru undirritaðir á þriðjudaginn var. Þeir grundvallast á samkomulagi foreldraráðs, skólastjóra og Kópavogsbæjar um aukið svigrúm foreldraráðsins.

Vegna rangs fréttaflutnings DV um að rannsókn sýni að það séu „flestir glæpir í Kópavoginum“ áréttar lögreglustjóri höfuðborgarsvæðisins að fjöldi hegningarlagabrota miðað við íbúafjölda í bæjarfélaginu sé undir meðaltali.

Miðvikudag og fimmtudag fengu nemendur 8., 9. og 10. b í Smáraskóla fræðslu um skaðsemi og þá hættu sem fylgir vímuefnanotkun. Auk þess var foreldrafundur um kvöldið. Foreldrar mættu mjög vel og var góður rómur gerður að fundinum.

Út er komin námskrá fyrir elstu börnin í leikskólum Kópavogs. Útgáfuhóf var haldið í anddyri Salarins í Kópavogi föstudaginn 16. nóvember síðastliðinn á degi íslenskrar tungu.

Öflugt foreldrarölt, daglegir þjófnaðir í verslanamiðstöðvum, hraðakstur og hlutfallsleg fækkun hegningarlagabrota í Kópavogi var á dagskrá á samráðsfundi lögreglunnar og bæjaryfirvalda í fyrri viku.

Kópavogsbær og Handknattleiksfélag Kópavogs endurnýjuðu í gær rekstrarsamning sinn um Íþróttahúsið Digranes og félagssvæði HK í Fagralundi. Gunnar Ingi Birgisson bæjarstjóri skrifaði undir samningana fyrir hönd bæjarins en Sigurjón Sigurðsson, formaður HK, fyrir hönd félagsins.

Leikskólastjórar leikskólanna Arnarsmára, Efstahjalla, Fögrubrekku, Kópasteins, Marbakka og Núps hafa gert samstarfssamning við Kennaraháskóla Íslands um menntun kennara árin 2007–2010.

Gunnar I. Birgisson bæjarstjóri og Ómar Stefánsson, formaður bæjarráðs, kynntu í dag á blaðamannafundi einróma samþykkt bæjarráðs um sértækar aðgerðir í starfsmannamálum. Tilgangurinn er að auka stöðugleika í starfsmannahaldi, bregðast við samkeppni á vinnumarkaði og laða starfsfólk að lausum stöðum hjá bænum.

Á fundi bæjarráðs þann 12. nóvember, kl. 15:00, fór fram úthlutun á byggingarrétti í Vatnsendahlíð í Kópavogi. Tillögur bæjarráðs um úthlutun voru lagðar fyrir bæjarstjórn Kópavogs þann 13. september s.l. og voru þær samþykktar.


Meðfylgjandi er listi yfir þá aðila sem gefinn er kostur á byggingarrétti í Vatnsendahlíð í Kópavogi.

Vatnsendahlíð úthlutun

Lokaráðstefna Evrópuverkefnisins Jafnréttisvogin eða „Tea for two – Illustrating Equality“ fjallar um að gera jafnréttisstarf sveitarfélaganna sýnilegt og fer hún fram á ensku. Hún verður haldin föstudaginn 16. nóvember næstkomandi á Hótel Loftleiðum. Ráðstefnan er öllum opin án endurgjalds og stendur frá kl. 13 til kl. 17.

Nýtt verkefni sem miðar að því að auka og efla jafnréttis- og kynjasjónarmið í starfi leikskóla og grunnskóla er að hefja göngu sína. Kópavogsbær er aðili að verkefninu ásamt félagsmálaráðuneytinu, Jafnréttisstofu, jafnréttisráði, Reykjavíkurborg, Hafnarfjarðarkaupstað og Akureyrarkaupstað.

Bæjarráð Kópavogsbæjar staðfesti í dag ákvörðun skipulagsnefndar frá 6. nóvember 2007 þar sem hafnað var tillögu að breyttu skipulagi á hafnarsvæðinu vestast á Kársnesi. Ákvörðunin grundvallast á innsendum athugasemdum.

Styrktarsjóðurinn Faðmur - Heilaheill fyrir börn þeirra foreldra sem hafa fengið heilablóðfall stendur fyrir skemmtidagskrá í Salnum fimmtudagskvöldið 8. nóvember og hefst fjörið kl. 20. Sjóðnum er ætlað að standa straum af útgjöldum sem snúa að áhugamálum og námi barnanna svo sem minnst röskun verði á þeirra daglega lífi.

Árlegir styrktartónleikar á vegum Vina Indlands verða haldnir í Salnum, Tónlistarhúsi Kópavogs, miðvikudagskvöldið 7. nóvember næstkomandi kl. 20. Vinir Indlands hyggjast reisa heimili fyrir börn sem misstu foreldra sína í flóðbylgjunni miklu í Suðaustur-Asíu.

Bæjarráð Kópavogs hefur fallist á tillögu garðyrkjustjóra bæjarins um að setja upp hjólabrettasvæði sunnan við íþróttahúsið Smárann og Fífuna, við hlið gervigrasvallar.

Í Gerðarsafni stendur yfir sýning á kínverskum fornminjum sem var opnuð þann 30. september í upphafi Kínverskrar menningarhátíðar í Kópavogi. Sýningunni lýkur innan skamms eða sunnudaginn 11. nóvember. Fer því hver að verða síðastur til þess að skoða þessa fágætu gripi.

Í dag, laugardag, var undirritaður rekstrar- og samstarfssamningur milli Kópavogsbæjar og Leikfélags Kópavogs auk þess sem leikfélagið tók formlega við nýju húsnæði undir starfsemi sína að Funalind 2 í Kópavogi. Um er að ræða fyrsta eiginlega leikhúsið í Kópavogi sem er ætlað fyrst og fremst til leiksýninga.

Hvar eru börnin? spurði Morgunblaðið í fyrirsögn á dögunum og benti á að fjöldi barna í Reykjavíkurborg hefði staðið í stað í 9 ár. Morgunblaðið svaraði líka spurningunni. Börnin eru í Kópavogi! Hér hefði þeim fjölgað um næstum 30% á sama tíma.

Lindaskóli hélt upp á 10 ára afmæli sitt á miðvikudag með fjölbreyttri dagskrá.

Endurskoðuð fjárhagsáætlun Kópavogsbæjar fyrir árið 2007 var samþykkt á fundi bæjarstjórnar 23. október sl. Niðurstöðutölur í rekstri og fjárfestingum eru í samræmi við upphaflega fjárhagsáætlun. Gert er ráð fyrir að bæjarsjóður skili um 2,1 milljarði króna í rekstrarafgang.

Margrét Friðriksdóttir, skólameistari Menntaskólans í Kópavogi, tók í dag við viðurkenningu jafnréttisráðs úr hendi Jóhönnu Sigurðardóttur félagsmálaráðherra við athöfn á hótel Hilton Reykjavík Nordica.

Jafnréttisnefnd Kópavogs heldur málþing um konur í sveitarstjórnum undir yfirskriftinni „ég þori, get og vil!“ fimmtudaginn 25. október kl. 17–19 á neðri hæð Gerðarsafns. Tilefnið er að hálf öld er liðin frá því að Hulda Jakobsdóttir varð bæjarstjóri í Kópavogi og þar með fyrsta konan til að gegna stöðu bæjarstjóra á Íslandi.

Öryggiskerfi Sundlaugar Kópavogs hefur verið vandlega yfirfarið eftir sviplegt slys síðastliðið vor sem dró ungan pilt í skólasundi til dauða. Samantekt um öryggismálin er birt á heimasíðu bæjarfélagsins.

Ólafur Ragnar Grímsson, forseti Íslands, heimsótti um helgina Dvöl, athvarf Kópavogsdeildar Rauða krossins fyrir geðfatlaða.

Lögreglumenn af svæðisstöðinni í Kópavogi fóru í göngueftirlit á Smáratorgi á föstudagsmorgun, en verið var að opna leikfangaverslunina Toys "R" us. Mjög mikill mannfjöldi var utan við verslunina í langri röð sem hlykkjaðist frá versluninni inn á bílastæði við McDonalds.