Fréttasafn

Bæjarráð Kópavogs hefur samþykkt að fresta ákvörðun um gjaldfrjálsar strætisvagnasamgöngur í samræmi við erindi frá stjórn Strætós bs.

Í gær var haldin jólahátíð í Kópavogi í tilefni af tendrun jólaljósanna á vinarbæjarjólatré Kópavogsbúa.

Gissur Páll Gissurarson tenórsöngvari hlaut 500 þúsund króna styrk úr Styrktarsjóði Önnu Karólínu Nordal. Þetta er í sjötta sinn sem úthlutað er úr styrktarsjóðnum í Salnum í Tónlistarhúsi Kópavogs.

Með ársskýrslu Kópavogsbæjar, sem dreift er í hús í Kópavogi um þessar mundir, fylgir tölvudiskur þar sem farið er yfir lykiltölur úr rekstri bæjarins á árinu 2006 í töluðu máli og lifandi myndum. Myndina má einnig skoða hér á heimasíðunni.

Í kjarasamningi Félags leikskólakennara og Launanefndar sveitarfélaga eru bókanir sem heimila sveitarfélögum að koma fram með sérstakar fjárveitingar vegna manneklu og annarra sérstakra aðstæðna sem upp kunna að koma í rekstri og faglegu starfi leikskólanna.

Boðið verður upp á fjölbreytta dagskrá við Menningartorfuna á Hálsatorgi í Kópavogi. Menningarhátíðin er hluti af menningardagskrá Kópavogbæjar á Landsmóti UMFÍ sem stendur nú yfir.

Í kjölfar Alþingiskosninganna 12. maí sl. hafa sprottið nokkrar umræður um framkvæmd kosninga. Sem formaður og ritari kjörstjórnar Kópavogs viljum við taka þátt í þeirri umræðu og benda á hvað betur má fara.

Dagskrá þjóðhátíðardagsins í Kópavogi hefst á tónum brassbanda frá Skólahljómsveit Kópavogs. Böndin aka um bæinn og óska Kópavogsbúum gleðilegrar hátíðar.

Félagsþjónusta Kópavogs hefur ákveðið að frá og með 1. ágúst 2007 verða niðurgreiðslur vegna daggæslu barna í heimahúsum greiddar beint til foreldra í formi heimagreiðslna og frá þeim tíma verða foreldrar að annast sjálfir allar greiðslur til dagforeldra fyrir daggæslu barna sinna.

Íþróttafélagið Gerpla hélt fjórar glæsilegar Vorsýningar dagana 18. og 19. maí fyrir troðfullu húsi á hverri sýningu.  Er þetta í fyrsta skiptið sem skipta þurfti Vorsýningu félagsins upp í fjóra hluta til þess að allir iðkendur félagsins gætu komið fram en þeir eru nú orðnir 1.375 í reglubundnum æfingum undir lok vetrarstarfsins. 

Að gefnu tilefni vill Kópavogsbær koma því á framfæri að auglýstir tónleikar útvarpstöðvarinnar Flass fyrir börn og unglinga þann 19. maí verða ekkí í íþróttahúsinu í Smáranum í Kópavogi.

Guðlaug Snorradóttir, deildarstjóri nýbúadeildar Hjallaskóla, ásamt starfsfólki deildarinnar hlaut hvatningarverðlaun Heimilis og skóla fyrir óeigingjarnt starf í þágu nýbúa. Í lýsingu Heimilis og skóla segir eftirfarandi: “Þrátt fyrir erfiðar aðstæður, sökum mismunandi tungumála, hefur Guðlaug og hennar fólk lagt metnað sinn í að efla tengsl foreldra við deildina og skólann.

Í síðustu viku lauk samræmdum prófum í grunnskólum Kópavogs. Slík tímamót gefa tilefni til að fagna á heilbrigðan og jákvæðan hátt. Fyrir nokkrum árum var neikvæð hópamyndum og unglingadrykkja fylgifiskur við lok prófa. Með einstöku samstarfi ÍTK, grunnskóla, lögreglu og Samkóp (samtök foreldrafélaga), hefur tekist að snúa við blaðinu og lokum samræmdra prófa er nú fagnað á mun gleðilegri hátt.

Út er komin lokaskýrsla um þróunarverkefni sem unnið var í samstarfi Fræðsluskrifstofu Kópavogs og Greiningar- og ráðgjafarstöðvar ríkisins. Verkefnið lýtur að þróun líkans eða umgjarðar um vinnubrögð sem hafa má að leiðarljósi í þjónustu við leikskólanemendur sem greinst hafa með einhverfu og fjölskyldur þeirra.

Ráðstefna verður haldin um verndun náttúrufars Skerjafjarðar föstudaginn 2. mars klukkan 13-17 í Íþróttamiðstöð Álftaness. Ráðstefnan er öllum opin.

Niðurstöður samræmdra prófa 10. bekkjar sl. vor eru nú komnar á vefsíður namsmat.is. Við athugun á niðurstöðum prófanna kemur í ljós að grunnskólarnir í Kópavogi eru allir að skila góðum árangri og í mörgum greinum að raða sér í toppsæti á landsvísu.

Kynningarfundur á 25. Landsmóti Ungmennafélags Íslands í Kópavogi fór fram í Smáranum 6. febrúar og er talið að hátt í 100 manns hafi sótt fundinn. Í lok fundarins undirrituðu helstu styrktaraðilar mótsins undir samning þar að lútandi en fyrirtækin eru Sparisjóður Kópavogs, Toyota, Rúmfatalagerinn, Bónus, Norvik og Vífilfell. Stuðningur umræddra fyrirtækja er ómetanlegur og rausnarlegur og léttir á öllum undirbúningi fyrir Landsmótið.

FÖSTUDAGSKVÖLDIÐ 19.JANÚAR 2007 KL. 20

STEFÁN HÖSKULDSSON FLAUTULEIKARI OG ELIZAVETA KOPELMANN PÍANÓLEIKARI