Fréttasafn

Vegna hækkunar á verði aðfanga ákvað bæjarstjórn Kópavogs í tengslum við afgreiðslu fjárhagsáætlunar fyrir árið 2009 að breyta fæðisgjöldum í grunnskólum og leikskólum í bæjarfélaginu.

Samkvæmt ákvörðun bæjarráðs verður reglum um heimgreiðslur breytt frá og með næstu áramótum þannig að heimgreiðslur falla niður þegar barn nær tveggja ára aldri eða fyrr ef það fær vistun á leikskóla.

Höfundar lesa úr jólabókunum í Bókasafni Kópavogs næstkomandi fimmtudag, 20. nóvember, kl. 17.15.

Kópavogsbær býður ásamt ráðgjafaátakinu Hönd í hönd, Kópavogsdeild Rauða krossins og Neytendasamtökunum upp á ókeypis fjármálanámskeið fyrir Kópavogsbúa.

Gunnar I. Birgisson bæjarstjóri og Ómar Stefánsson, formaður bæjarráðs, undirrituðu í morgun fyrir hönd Kópavogsbæjar stofnskjal Skákstyrktarsjóðs Kópavogs.

Tónleikagestir Salarins fá að njóta tónlistarhæfileika gítarleikarans Ögmundar Þórs Jóhannessonar 1. nóvember næstkomandi klukkan 17. Ögmundur er uppalinn í Kópavogi en býr nú í Berlín og kennir og leikur á gítar víðsvegar um heiminn.

Hvetjandi og áhugavert unglingastarf fór fram á landsmóti Samfés þar sem tveir fulltrúar Íþrótta- og tómstundaráðs Kópavogs voru kjörnir í ungmennaráð.

Ráðherra orkumála í Ekvador, Alecksey Mosquera, heimsótti Íslensku sjávarútvegssýninguna í Fífunni í dag en hann er á landinu í tilefni af ekvadorski menningarhátíð í Kópavogi 4.–12. október.

Ákveðið hefur verið að auðkenna íslenskar sjávarafurðir sem unnar eru úr afla í íslenskri lögsögu og merkið vísar til íslensks uppruna afurðanna. Merkið verður kynnt á Íslensku sjávarútvegssýningunni í Fífunni og Smáranum sem stendur frá 2. til 4. október.

Á hjóladaginn 20. september hefur hjólalest á leið frá Hafnarfirði til Reykjavíkur viðkomu við Gerðarsafn í Kópavogi þar sem hægt er að slást í för og taka á áfangastað þátt í hápunkti dagskrár í tilefni af evrópskri samgönguviku.

Vöktun lögreglu með hraðamyndavél í dag, gær og fyrradag við Vatnsendaskóla, Smáraskóla og Salaskóla virðist staðfesta fyrri mælingar um að allt að því fjórir af hverjum tíu ökumönnum aki allt of hratt nálægt grunnskólum í Kópavogi.

Skipulags- og umhverfissvið Kópavogs boðar til kynningar á skipulagi fyrir Glaðheima og Skógarlind 2 (Lindir IV). Kynningin fer fram í Smáraskóla fimmtudaginn 18. september og hefst kl. 20.00. Jafnframt hefur verið gefinn út bæklingurinn Lindir IV - Byggð í mótun 1982–2008. (Smellið á myndina hér til hliðar).

Umhverfisráð Kópavogs stendur fyrir síðsumarsrölti til að kynna framtíðarskipulag og náttúrufar á svæðinu frá Heimsenda (hesthúsahverfinu) upp í Guðmundarlund fimmtudaginn 4. september næstkomandi kl. 17.30.

Ferlinefnd Kópavogsbæjar óskar eftir ábendingum um hönnuði, fyrirtæki eða þjónustuaðila í Kópavogi sem verðskulda viðurkenningu fyrir gott aðgengi fatlaðra.

Gunnar I. Birgisson bæjarstjóri setti í dag Jazz- og blúshátíð Kópavogs í Gullsmára þar sem fjöldi fólks var saman kominn til að hlýða á Andreu Gylfadóttur, Björn Thoroddsen og Jón Rafnsson flytja þekkt sönglög í jazzaðri útsetningu.

Vordagar voru haldnir í gær í Vatnsendaskóla þar sem börnin gengu á fjöll, gistu í skálum, fóru í hjólaferðir og sundferðir, gróðursettu og grilluðu. En kajakferðir út á Elliðavatn mæltust einna best fyrir.

Kópavogsbær hefur gert samning við Dansíþróttafélag Kópavogs um árlegan 3 milljóna króna rekstrarstyrk. Forsvarsmenn dansíþróttafélagsins

Kópavogsdagar hefjast laugardaginn 3. maí. Þá „blásum við í lúðra og bjóðum til fjölbreyttrar menningarveislu í söfnum, á Listatúni og Hálsatorgi,“ segir Sigurrós Þorgrímsdóttir, formaður lista- og menningarráðs.

Árviss vorhreinsun í Kópavogi hefst mánudaginn 28. apríl og stendur til 7. maí. Framkvæmdadeild Kópavogs hefur látið dreifa bæklingi í öll hús í Kópavogi með upplýsingum um þá þjónustu sem veitt er í íbúðarhverfum bæjarins.

Ársreikningur Kópavogsbæjar fyrir árið 2007 sýnir meiri rekstrarafgang en gert var ráð fyrir í endurskoðaðri fjárhagsáætlun, þrátt fyrir meiri framkvæmdaumsvif en dæmi eru um í meira en 50 ára sögu bæjarins.

Dómnefnd í hönnunarsamkeppni um óperuhús í Kópavogi þótti engin þriggja tillagna uppfylla markmið keppninnar nægjanlega til að til að unnt yrði á þessu stigi að velja eina þeirra til útfærslu. Tveimur keppendum var gefinn kostur á að vinna tillögur sínar áfram í framhaldskeppni.

Sigurganga liðs Kópavogs í spurningakeppninni Útsvari í Sjónvarpinu heldur áfram. Í kvöld lagði það lið Akraness að velli með 88 stigum gegn 48.

Leikskólanefnd telur heppilegast eins og sakir standa að Kópavogsbær taki við rekstri á leikskólanum Hvarfi sem einkaaðilar hafa rekið á grundvelli þjónustusamnings við bæinn. Bæjarráð hefur staðfest afgreiðslu leikskólanefndar.

Íþróttahátíð íþrótta- og tómstundaráðs Kópavogs verður haldin sunnudaginn 6. janúar næstkomandi kl. 15:00 í Salnum í Kópavogi.