Fréttasafn

Saga Capital Fjárfestingarbanki lauk í gær við opin skuldabréfaútboð fyrir Kópavogsbæ og sveitarfélagið Árborg. Seld voru skuldabréf fyrir Kópavogsbæ fyrir 3 milljarða króna og fyrir Árborg að upphæð einn milljarð króna.

Salurinn, fyrsta tónlistarhús landsins, er 10 ára. Það var tekið í notkun laugardaginn 2. janúar árið 1999. Meira en þúsund tónleikar hafa verið fluttir í Salnum auk fjölda hljóðritana, funda, námskeiða og ráðstefna. Hundruð þúsunda hafa heimsótt Salinn sem er einn af mikilvægustu vaxtarbroddum tónlistarlífsins í landinu. Hann hefur á þessum 10 árum margsannað gildi sitt og er starfsemin í stöðugri framþróun.

Áramótabrenna Kópavogs verður að venju við Smárahvammsvöll á gamlaárskvöld. Kveikt verður í bálkestinum klukkan 20:30 og flugeldasýning Hjálparsveitar skáta hefst klukkan 21:10. Valgeir Skagfjörð sér um að halda uppi fjörinu með hljóðfæraslætti og söng. Kynnir verður Samúel Örn Erlingsson.

Kópavogsbær hefur samið við Saga Capital Fjárfestingarbanka um sölu og umsjón á opnu skuldabréfaútboði á innlendum verðbréfamarkaði.

Vegna hækkunar á verði aðfanga ákvað bæjarstjórn Kópavogs í tengslum við afgreiðslu fjárhagsáætlunar fyrir árið 2009 að breyta fæðisgjöldum í grunnskólum og leikskólum í bæjarfélaginu.

Bæjarstjórn Kópavogs hefur samþykkt fjárhagsætlun fyrir bæjarsjóð árið 2009 með 200 milljóna króna rekstarafgangi.

Dómnefnd ljóðasamkeppni lista- og menningarráðs Kópavogs, „Ljóðstafur Jóns úr Vör“, er í óðaönn að fara yfir tæplega 300 ljóð sem bárust samkeppninni í ár og leggja á þau mat. Greint verður frá niðurstöðunum og veitt verðlaun í Salnum, Tónlistarhúsi Kópavogs, á afmælisdegi Jóns úr Vör miðvikudaginn 21. janúar 2009.

Íþróttahátíð íþrótta- og tómstundaráðs Kópavogs verður haldin mánudaginn 5. janúar næstkomandi kl. 18:30 í Salnum. Á hátíðinni verður lýst kjöri á íþróttakonu og íþróttakarli Kópavogs 2008. Flokkur ársins verður útnefndur, afreksstyrkir afhentir og íþróttafólki veittar viðurkenningar fyrir unnin afrek. Allir Kópavogsbúar eru velkomnir.

Afgreiðslutímar á bæjarskrifstofunum verða þannig kringum hátíðirnar:

Þorláksmessa opið kl. 08.00–15.00
Aðfangadagur lokað
Mánudagur 29. desember opið kl. 10.00–16.00
Þriðjudagur 30. desember opið kl. 08.00–16.00
Gamlársdagur lokað
Nýársdagur lokað
Föstudagur 2. janúar 2009 opið kl. 10.00–15.00

Samkvæmt ákvörðun bæjarráðs verður reglum um heimgreiðslur breytt frá og með næstu áramótum þannig að heimgreiðslur falla niður þegar barn nær tveggja ára aldri eða fyrr ef það fær vistun á leikskóla.

Karl Sigurbjörnsson, biskup Íslands, vígði safnaðarsal Lindakirkju 14. desember síðastliðinn, á þriðja sunnudegi í aðventu, 14. desember síðastliðinn.

Laugardaginn 29. nóvember var í Gerðarsafni opnuð sýning á verkum í eigu safnsins. Um er að ræða nýlega skúlptúra og málverk eftir Önnu Hallin, Gabríelu Friðriksdóttur, Hallgrím Helgason, Katrínu Sigurðardóttur, Olgu Bergman, JBK Ransu, Steingrím Eyfjörð og Valgerði Guðlaugsdóttur.

Í tillögu að fjárhagsáætlun Kópavogsbæjar fyrir árið 2009, sem var lögð fram til fyrri umræðu í bæjarstjórn Kópavogs í gær, er gert ráð fyrir hallalausum rekstri.

Ferlinefnd ákvað að veita Sundlaug Kópavogs á Rútstúni viðurkenningu fyrir gott aðgengi á Alþjóðadegi fatlaðra í gær. Þetta er í fjórða sinn sem viðurkenningin er veitt.

Jólaljósin á vinabæjarjólatré Kópavogsbúa voru tendruð við hátíðlega athöfn á Hálsatorgi í gær. Þetta er í 41. sinn sem tréð er afhent með vinarkveðju frá íbúum Norrköping í Svíþjóð. Sigurrós Þorgrímsdóttir, forseti bæjarstjórnar, tók formlega við trénu og fluttar voru vinarkveðjur frá bæjarstjóra Norrköping.

Hefur þig dreymt um að fara með fjölskyldu þinni í skógarhögg þar sem þið veljið ykkar eigið jólatré og höggvið það sjálf? Einstaklingum sem og starfsmannahópum gefst nú, eins og undanfarin ár, frábært tækifæri til að koma í desember að Fossá í Kjós og ná sér í jólatré.

Í tilefni af Alþjóðadegi fatlaðra þann 3. desember næstkomandi mun ferlinefnd Kópavogs veita í fjórða sinn viðurkenningu fyrir gott aðgengi. Athöfnin fer fram í Gerðarsafni kl. 15.00.

Laugardaginn 29. nóvember verður jólahátíð í Kópavogi á Hálsatorgi og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa.

Gleðin og fegurðin var við völd í íþróttahúsinu Smáranum á sunnudag þar sem fram fór nemendasýning Dansskóla Sigurðar Hákonarsonar. „Nú eru að mörgu leyti erfiðir tímar og allt sem lyftir geði okkar og léttir lundina fær nýtt, eða á ég að segja endurnýjað, gildi,“ sagði Gunnar I. Birgisson bæjarstjóri í ávarpi af þessu tilefni. „Þess vegna er svo gaman að sjá hve margir áhugasamir þátttakendur eru hér á nemendasýningunni.“

Sérstakir fjölskyldutónleikar með lögum af hljómplötunni Gilligill eru í Salnum á sunnudögum fram að jólum, næst sunnudaginn 23. nóvember.

Þrjár söngkonur sem kalla sig SOPRANOS efna til tónleika í Salnum föstudagskvöldið 21. nóvember kl. 20 til að skemmta og glæða áhugann á sígildri sönglist.

Kópavogsbær hefur tekið í notkun IP símkerfi frá Nýherja sem bætir þjónustu við íbúa og einfaldar aðgengi þeirra að stofnunum bæjarins.

Valdefling í verki, fræðsludagar um geðheilbrigðismál, verða haldnir í Haukaheimilinu á Ásvöllum í Hafnarfirði fimmtudaginn 20. og föstudaginn 21. nóvember. Aðgangur er ókeypis og allir eru velkomnir.

Lið Kópavogsbæjar vann lið Akraness í Útsvari, spurningakeppni Sjónvarpsins, í gærkvöld með 95 stigum gegn 65.

Höfundar lesa úr jólabókunum í Bókasafni Kópavogs næstkomandi fimmtudag, 20. nóvember, kl. 17.15.

„Allt hefur áhrif, einkum við sjálf“ er sameiginlegt þróunarverkefni Lýðheilsustöðvar og sveitarfélaga, þar á meðal Kópavogs, sem hefur að markmiði að bæta lýðheilsu. Kópavogur hefur tekið þátt í undirbúningi verkefnisins frá ársbyrjun 2005 sem nú er komið á koppinn.

Í tilefni af útkomu barnaplötunnar Gilligill verða haldnir sérstakir Gilligill–tónleikar í Salnum í Kópavogi, alla sunnudaga fram að jólum klukkan 13.00 og 15.00. Fyrstu tónleikarnir verða 16. nóvember.

Stíllinn er einn af stórviðburðum Samfés og fer fram í íþróttahúsinu Smáranum laugardaginn 22. nóvember næstkomandi. Þetta í áttunda sinn sem keppnin er haldin. Þemað er „framtíðin“.

Margmiðlunarefni með upplýsingum í máli og myndum um ársreikning og rekstur bæjarfélagsins árið 2007 hefur verið birt hér á heimasíðu Kópavogsbæjar. Markmiðið er að gera upplýsingar um Kópavog aðgengilegri en áður og nýta rafræna tækni með hliðsjón af almennri tölvunotkun og tengingu við Netið.

Kópavogsbær býður ásamt ráðgjafaátakinu Hönd í hönd, Kópavogsdeild Rauða krossins og Neytendasamtökunum upp á ókeypis fjármálanámskeið fyrir Kópavogsbúa.

Lista- og menningarráð Kópavogs efnir til árlegrar ljóðasamkeppni undir heitinu „Ljóðstafur Jóns úr Vör“. Skilafrestur ljóða er til 1. desember næstkomandi.

Terem kvartettinn, þjóðargersemi Rússlands að mati gagnrýnenda sem auk þess að hafa fengið blessun páfa og móður Theresu, verður ásamt þjóðargersemi Íslands, Diddú, í Salnum laugardaginn næsta, 15. nóvember.

Út er komið ársrit Héraðsskjalasafns Kópavogs 2006–2007. Efni ritsins eru skýrslur um starfsemi og sögu Héraðsskjalasafns Kópavogs frá stofnun þess árið 2000 til ársins 2007 auk útgáfu skráa yfir opinber skjöl og einkaskjöl í vörslu skjalasafnsins.

Þáttaskil hafa orðið í margverðlaunuðu foreldrastarfi í Kópavogsskóli með nýjum grunnskólalögum. Ólafur Guðmundsson, fyrrverandi skólastjóri Kópavogsskóla, hefur tekið saman yfirlit um foreldrastarfið gegnum tíðina.

Talsvert hefur dregið úr áfengisdrykkju og reykingum 10. bekkinga í Kópavogi. Þetta sýna niðurstöður úr rannsókn Rannsóknar & greiningar á högum og líðan elstu nemenda í grunnskólum Kópavogs. Níu af hverjum tíu finnst félagslíf fyrir unglinga í bænum gott.

Gunnar I. Birgisson, bæjarstjóri í Kópavogi, og Ómar Stefánsson, formaður bæjarráðs, tóku í dag á móti sendinefnd frá Wuhan, vinabæ Kópavogs í Kína, til að ræða frekari menningarsamskipti í framhaldi af Kínverskri menningarhátíð í bænum árið 2007.

Meira en níutíu prósent íbúa í Kópavogi telja sig mjög eða frekar örugg í bænum ein á ferli þegar skyggja tekur. Þetta kemur fram í viðhorfskönnun lögreglunnar á höfuðborgarsvæðinu og er að mati lögreglustjórans staðfesting á því að það sé gott að búa í Kópavogi.

Næstum því þriðjungi ökutækja var ekið of hratt um Reykjanesbraut síðdegis í gær þar sem fram fara vegaframkvæmdir. Þetta leiddi sérstök vöktun lögreglu með hraðamyndavél í ljós.

Hin árlega sala á „Neyðarkalli frá björgunarsveitum“ fer fram um helgina. Ólafur Ragnar Grímsson, forseti Íslands, hefur átakið kl. 14 á morgun, föstudag, við Smáralind í Kópavogi. Hjálparsveit skáta í Kópavogi stendur vaktina á fimm stöðum í bænum, við Smáralind, Smáratorg, Vínbúðina við Dalveg, Krónuna í Lindum og Byko Breidd.

Gunnar I. Birgisson bæjarstjóri og Ómar Stefánsson, formaður bæjarráðs, undirrituðu í morgun fyrir hönd Kópavogsbæjar stofnskjal Skákstyrktarsjóðs Kópavogs.

Gerplustúlkur komu heim með silfurverðlaun í farteskinu frá Evrópumótinu í hópfimleikum sem fram fór í Ghent í Belgíu 24. og 25. október síðastliðinn. Haldin var móttaka þeim til heiðurs í Íþróttamiðstöðinni að Versölum á þriðjudagskvöld.

Tónleikagestir Salarins fá að njóta tónlistarhæfileika gítarleikarans Ögmundar Þórs Jóhannessonar 1. nóvember næstkomandi klukkan 17. Ögmundur er uppalinn í Kópavogi en býr nú í Berlín og kennir og leikur á gítar víðsvegar um heiminn.

Til að styðja Kópavogsbúa í því erfiða ástandi sem skapast hefur við hrun á fjármálamarkaði hefur Kópavogsbær í samstarfi við ýmsa aðila sett á laggirnar ráðgjafaver í síma 800-5500. Átakið nefnist Hönd í hönd.

Félagsþjónustan í Kópavogi opnaði formlega frístundaheimili fyrir fatlaða nemendur í 5. til 10. bekk í grunnskólum Kópavogs í dag. Úrræðið er til húsa í Smáraskóla við Dalsmára.

Kópavogsbær og HugurAx hafa gengið til samstarfs um innleiðingu Kópavogsbæjar á Bakverði, tímaskráningarlausn HugarAx. Bakvörður mun þjóna öllum starfsmönnum Kópavogsbæjar og halda utan um alla viðveruskráningu starfsmanna.

Ólafur Ragnar Grímsson, forseti Íslands, heimsótti í dag bæjarskrifstofur Kópavogs, Menntaskólann í Kópavogi og Gjábakka til að ræða um erfiðleika af völdum efnahagskreppu.

Kópavogsbær og körfuknattleiksdeild Breiðabliks bjóða Kópavogsbúum á fyrsta leik Breiðabliks í Iceland Expressdeildinni gegn Skallagrími úr Borgarnesi í kvöld kl. 19.15! Tilefnið er 40 ára afmæli körfuknattleiksdeildarinnar og vígsla á nýju gólfi í Smáranum.

Síma-, heimsóknar- og afgreiðslutíma á launadeild Kópavogsbæjar verður milli kl. 8.30 og 13.00 alla virka daga frá og með 20. október næstkomandi. Tilgangurinn er að auka skilvirkni og öryggi í launavinnslu.

Leikfélag Kópavogs frumsýnir leikritið Skugga-Svein í nýrri útfærslu þegar nýja leikhúsið við Funalind verður tekið formlega í notkun sunnudaginn 19. október næstkomandi kl. 20.00. Leikhúsinu hefur verið gefið nafnið Leikhúsið.