Fréttasafn

Jónína Leósdóttir rithöfundur hlaut Ljóðstaf Jóns úr Vör fyrir ljóð sitt „Miðbæjarmynd“ í árlegri ljóðasamkeppni lista- og menningarráðs Kópavogs. Jónína Leósdóttir er sjötti handhafi verðlaunanna frá stofnun samkeppninnar árið 2002.

Dagatal með sorphirðudögum í Kópavogi hefur verið birt á heimasíðu bæjarins.

Bókasafn Kópavogs tekur höndum saman við ritlistarvefinn Rithringur.is um stofnun ritsmiðju á bókasafninu sem öllum mun verða frjáls aðgangur að.

Einhver mesti fiðlusnillingur heims, Frakkinn Laurent Korcia, leikur ásamt norska píanistanum Christian Ihle Hadland á tónleikum í Tíbrár tónleikaröðinni í Salnum kl. 20.00 í kvöld.

Dómnefnd ljóðasamkeppni lista- og menningarráðs Kópavogs, Ljóðstafur Jóns úr Vör, hefur farið yfir rúmlega 250 ljóð sem bárust samkeppninni í ár og lagt á þau mat. Greint verður frá niðurstöðunum og veitt verðlaun næstkomandi mánudag, 21. janúar 2008, í Salnum, Tónlistarhúsi Kópavogs, klukkan 20.

Á heimasíðu Kópavogsbæjar er nú tengill á þjónustusíðuna Ísland.is sem er leiðarvísir að opinberri þjónustu og liður í að auðvelda almenningi aðgang að henni. Þar er einnig að finna upplýsingar fyrir innflytjendur.

Samkvæmt athugun Neytendasamtakanna, sem birt er í dagblaðinu „24 stundum“ í dag, er fullorðinsgjald í sundlaugarnar hvergi lægra en í Kópavogi.

Starfsmenn áhaldahúss Kópavogsbæjar fara þessa dagana um bæinn og hirða jólatré og rusl eftir flugelda sem íbúar hafa komið fyrir við lóðamörk. Hreinsunarátakið stendur fram að helgi að minnsta kosti.

Tómstunda-og menningarsvið Kópavogsbæjar auglýsir eftir umsóknum um tónleikahald í TÍBRÁ, tónleikaröð Salarins, 2008–2009. Umsóknarfrestur er til 10. janúar næstkomandi.

Viktor Kristmannsson, fimleikamaður úr Gerplu, og Fríða Rún Einarsdóttir, fimleikakona úr Gerplu, voru kjörin íþróttakarl og íþróttakona Kópavogs fyrir árið 2007 á íþróttahátíð Kópavogs sem fram fór í Salnum í Kópavogi í dag.

Lið Kópavogs í Útsvari, spurningakeppni Sjónvarpsins, vann sannfærandi sigur í grannaslag við lið Álftaness í kvöld. Lokatölurnur urðu 73 stig gegn 45.

Óhjákvæmilega fellur mikið rusl til um áramót þegar um það bil 800 tonnum af flugeldum er skotið á loft. Krakkarnir við Þinghólsbraut hafa tvenn áramót í röð tekið til í götunni sinni og næsta nágrenni.

Íþróttahátíð íþrótta- og tómstundaráðs Kópavogs verður haldin sunnudaginn 6. janúar næstkomandi kl. 15:00 í Salnum í Kópavogi.

Ganga má að því vísu á sunnudaginn 6. janúar næstkomandi kl. 16 að boðið verði upp á fagra hópfimleika af besta tagi í íþróttamiðstöðinni Versölum þegar danskar fimleikastúlkur og liðssveit Gerplu sýna hvað í þeim býr. Aðgangur er ókeypis.

Nemendur í grunnskólum í Kópavogi komu best út allra íslenskra nemenda í PISA-könnuninni þar sem lesskilningur fimmtán ára barna var mældur. Þeir eru einnig í hópi þeirra bestu í stærðfræði og náttúrufræði.

Frá haustinu 2000 hafa 277 grunnskólanemendur í Kópavogi verið greindir með leshömlun (dyslexiu) og fengið viðeigandi aðstoð. Þetta er árangurinn af sérstöku verkefni sem felst í að finna nemendur sem eiga við lestrarörðugleika að stríða eins snemma á skólagöngunni og kostur er.

Fjölmennt var og góður andi á áramótabrennu Kópavogs við Smárahvammsvöll þótt orðið hafi að fresta henni um einn dag vegna veðurs. Gamla árið, 2007, var þannig kvatt á nýju ári, 2008, eins og annars staðar á höfuðborgarsvæðinu.