Fréttasafn

Sigurganga liðs Kópavogs í spurningakeppninni Útsvari í Sjónvarpinu heldur áfram. Í kvöld lagði það lið Akraness að velli með 88 stigum gegn 48.

Kópavogsbær og Slysavarnafélagið Landsbjörg hafa í samstarfi við Securitas tekið út fjölmarga öryggisþætti og gert úrbætur á þeim heimilum eldri borgara í Kópavogi sem slíka öryggisskoðun þáðu. Jafnframt var metið hvort viðkomandi væru einmana eða byggju við slæmar aðstæður og þörfnuðust aðstoðar félagsmálayfirvalda.

Breyting á svæðisskipulagi höfuðborgarsvæðisins vegna Vatnsendahlíðar verður kynnt í Lindarskóla í kvöld, fimmtudaginn 27. mars, kl. 19.30. Allir eru velkomnir.

Byrjað er að taka við umsóknum um sumarstörf hjá Kópavogsbæ hér á heimasíðunni. Þar er um að ræða störf fyrir þá sem fæddir eru 1991 og fyrr. Störfin eru í áhaldahúsi (bæjarvinnu), við vinnuskóla, skólagarða, íþróttavelli, leikjanámskeið og gæsluvelli. 

Guðný Guðmundsdóttir konsertmeistari stendur á tímamótum og í tilefni af því að hún fagnar sextugsafmæli á árinu 2008 heldur hún glæsilega tónleika í Salnum fimmtudagskvöldið 27. mars kl. 20.

Í apríl næstkomandi mun lögreglan mæla hraða með myndavélabúnaði í ómerktri lögreglubifreið víða í hverfum og á stofnbrautum í Kópavogi.

Miðvikudaginn 26. mars verður byrjað að taka við umsóknum um sumarstörf hjá Kópavogsbæ. Þar er um að ræða störf fyrir þá sem eru fæddir 1991 og fyrr. Störfin eru í áhaldahúsi (bæjarvinnu), við vinnuskóla, skólagarða, sundlaugar, íþróttavelli, leikjanámskeið og gæsluvelli.

Íslenska landsliðið í fótbolta vann sinn stærsta sigur á því færeyska í 23 ár í Kórnum við Vallakór í gær, 3-0. Þetta var í fyrsta sinn sem A-landslið karla lék landsleik innanhúss.

Gunnar I. Birgisson bæjarstjóri og Lenín Moreno, varaforseti Ekvadors, áttu með sér fund í Quito, höfuðborg landsins, á miðvikudag í tengslum við undirbúning á ekvadorskri menningarhátíð í Kópavogi í haust.

Bæjarráð Kópavogsbæjar hefur samþykkt nýtt skipurit fyrir rekstur bæjarfélagsins.

Landslið Íslands og Færeyja í knattspyrnu mætast í vináttulandsleik í knatthúsinu Kórnum við Vallakór í Kópavogi sunnudaginn 16. mars næstkomandi klukkan 16.00. Þetta verður fyrsti A-landsleikur karla sem leikinn er innandyra hér á landi.

Jóhanna Sigurðardóttir, félags- og tryggingamálaráðherra, og Gunnar I. Birgisson, bæjarstjóri í Kópavogi, gáfu í dag út sameiginlega yfirlýsingu um búsetu og þjónustu við fólk með geðfötlun í Kópavogi.

„Það er gott að búa í Kópavogi,“ segir Jónas Ingimundarson píanóleikari í sérblaði Fréttablaðsins um bæinn. „Tónlistarlífið er til vitnis um það. Salurinn er hátíðasalur Kópavogsbæjar og þar er listahátíð frá 7. september til 11. maí.“ Salurinn hefur gefið út fréttatilkynningu um alla tónleika á dagskrá í mars.