Fréttasafn

Árviss vorhreinsun í Kópavogi hefst mánudaginn 28. apríl og stendur til 7. maí. Framkvæmdadeild Kópavogs hefur látið dreifa bæklingi í öll hús í Kópavogi með upplýsingum um þá þjónustu sem veitt er í íbúðarhverfum bæjarins.

Grænfánanum var flaggað á moltuhátíð í leikskólanum Álfaheiði í dag, á degi umhverfisins. Fulltrúar Landverndar afhentu leikskólanum fánann sem er alþjóðlegt merki um gott umhverfisstarf og menntun í skólum.

Ársreikningur Kópavogsbæjar fyrir árið 2007 sýnir meiri rekstrarafgang en gert var ráð fyrir í endurskoðaðri fjárhagsáætlun, þrátt fyrir meiri framkvæmdaumsvif en dæmi eru um í meira en 50 ára sögu bæjarins.

Lokakeppni íslenskra grunnskóla í BEST stærðfræðikeppninni (sem áður hét KappAbel) er haldin í Kópavogi í dag og á morgun, 22. og 23. apríl. Þema keppninnar 2007–2008 er „Stærðfræði og dýr“.

Björn Bjarnason dóms- og kirkjumálaráðherra hefur skipað Guðgeir Eyjólfsson, sýslumann í Keflavík, til að vera sýslumaður í Kópavogi frá og með 1. júní 2008.

Fræðsla fyrir forráðamenn barna í 7. bekk um jákvæðar forvarnir fer fram í þremur grunnskólum Kópavogsbæjar á morgun og hinn daginn. Fundirnir eru fræðandi og skemmtilegir og fjalla um málefni sem kemur öllum foreldrum við.

Kópavogsbær býður leikskólastjórum og aðstoðarleikskólastjórum í leikskólum í rekstri bæjarins upp á stjórnendanám til að efla fjárhagslegt og faglegt sjálfstæði leikskólastjóra í daglegum rekstri.

Nú styttist í sumardaginn fyrsta, 24. apríl, og að gömlum og góðum sið verður sumri fagnað með skrúðgöngu frá Digraneskirkju og hátíðahöldum í Smáranum fyrir alla fjölskylduna.

Kópavogsbær tekur þátt í stórsýningunni Verk og vit 2008 og dreifir upplýsingum fyrir kaupendur fasteigna í bænum, einkum íbúðakaupendur. Um er að ræða kort af bæjarhverfum með staðsetningu lóða og húsnúmerum en einnig margvíslegri þjónustu í hverfunum, útivistarmöguleikum og tengingum við önnur hverfi.

Lokað verður fyrir umferð um Fífuhvammsveg í Kópavogi milli Reykjanesbrautar og Dalvegar kl. 19.00 í kvöld, þriðjudaginn 15. apríl, til kl. 9.00 í fyrramálið og aftur kl. 19.00 annað kvöld, miðvikudaginn 16. apríl, til kl. 9.00 morguninn eftir vegna steypuframkvæmda á brú við Smáratorg.

Unnt er að koma ábendingum og athugasemdum um tillögurnar í hönnunarsamkeppni um óperuhús í Kópavogi á framfæri með einföldum hætti á sérstakri vefsíðu um niðurstöðu dómnefndar. Vísað er á síðuna á heimasíðu Kópavogsbæjar og Íslensku óperunnar.

Lokakeppni íslenskra grunnskóla í norrænu KappAbel stærðfræðikeppninni verður haldin í Kópavogi dagana 22.–23. apríl næstkomandi. Þema keppninnar 2007–2008 er stærðfræði og dýr.

Fræðandi og skemmtilegir fundir um jákvæðar forvarnir eru haldnir í öllum grunnskólum Kópavogsbæjar fyrir forráðamenn barna í 7. bekk.

Nýja Menningar- og tómstundamiðstöðin fyrir ungt fólk verður opnuð á vordögum og í tilefni af því hefur verið efnt til nafnasamkeppni.

Átak lögreglunnar gegn hraðakstri í Kópavogi er hafið. Af hraðamælingum lögreglu til þessa að dæma ekur þriðjungur ökumanna svo hratt eftir Kársnesbraut að þeir geti átt von á kæru en hins vegar virðist ástandið vera gott á Borgarholtsbraut.

Í sumar verður ungu fólki á aldrinum 18–24 ára gefinn kostur á að vinna að skapandi verkefnum í Kópavogi.

Kópavogur er í níunda sæti á lista sem sýnir jafnrétti kynjanna í 79 sveitarfélögum á Íslandi samkvæmt niðurstöðum Jafnréttisvogarinnar.

Dómnefnd í hönnunarsamkeppni um óperuhús í Kópavogi þótti engin þriggja tillagna uppfylla markmið keppninnar nægjanlega til að til að unnt yrði á þessu stigi að velja eina þeirra til útfærslu. Tveimur keppendum var gefinn kostur á að vinna tillögur sínar áfram í framhaldskeppni.

Á morgun, miðvikudaginn 9. apríl kl. 14, kynnir undirbúningsnefnd að byggingu óperuhúss í Kópavogi niðurstöðu dómnefndar í hönnunarsamkeppni um mannvirkið og framlagðar hugmyndir keppendanna. Kynningin fer fram í fordyri Salarins.

Sigurvegari í stóru upplestrarkeppninni að þessu sinni varð Kolbeinn Logi Ægisson í Kársnesskóla. Keppnin fór fram í Salnum í gær, 7. apríl.

Vegna bilunar, sem truflar rekstur Nesjavallavirkjunar, hefur þrýstingur á heitu vatni fallið sums staðar á höfuðborgarsvæðinu og gætir þess enn í þeim hlutum Kópavogs sem hæst standa. Búist er við að fullum þrýstingi verði náð mjög fljótlega.

Sýningin Sumar 2008 var opnuð í Fífunni síðdegis í dag en hún stendur fram á sunnudag. Þetta er sjöunda árið í röð sem sýningin er haldin. Björgvin G. Sigurðsson viðskiptaráðherra og Gunnar I. Birgisson bæjarstjóri fylgdu henni úr hlaði með ávarpsorðum.

Leikskólinn Furugrund fagnar 30 ára starfsafmæli sínu þann 8. apríl næstkomandi. Í tilefni afmælisins verður opið hús og sýning á skapandi vinnu barnanna í leikskólanum. Sérstök afmælishátíð er kl. 14.30.