Fréttasafn

Starfsmenn Sundlaugar Kópavogs og sérfræðingar norska fyrirtækisins Davo AS eru að ljúka uppsetningu og fínstillingu á eftirlitsmyndavélakerfi sem nemur hreyfingarleysi líkama á sundlaugarbotni.

Stúlkurnar í skólakór Kársness hlutu gullverðlaun í flokknum samkynjaraddir í St. Petersburgh Grand Prix, alþjóðlegri kórakeppni í Pétursborg í Rússlandi.

Sýslumaðurinn í Kópavogi hefur hafnað kröfu húsfélagsins í Lundi 1 um að loka fyrir umferð til vesturs um hringtorg á gatnamótum Nýbýlavegar og Lundar í Kópavogi en fallist á kröfu um stöðvun frekari framkvæmda við veginn á um 150 m kafla næst húsinu sem afmarkast að austan af vesturenda trjálundar og að vestan af suðausturhorni bensínstöðvarlóðar.

Aldrei fyrr hafa jafnmargir komið saman á Rútstúni í Kópavogi 17. júní og í þetta sinn. Talið er að 16 þúsund manns hafi notið fjölskylduskemmtunarinnar, leiktækja, söng- og skemmtiatriða og þjóðhátíðarávarpa.

Frestur til að skila tilnefningum vegna árlegrar jafnréttisviðurkenningar Kópavogsbæjar hefur verið framlengdur til 23. júní næstkomandi.

Bæjarráð Kópavogs hefur lagt til við Vegagerðina og Byggingarfélag Gylfa og Gunnars (BYGG) að gera ákveðnar breytingar á framkvæmdum í Lundi og við Nýbýlaveg í því skyni að auka bilið milli vegarins og fjölbýlishúss við Lund númer 1.

Mikið verður um dýrðir í Kópavogi 17. júní næstkomandi þegar þjóðhátíðardegi verður fagnað og fánar dregnir að húni vítt og breitt um bæinn.

Forvarnanefnd Kópavogsbæjar hefur afhent grunnskólum Kópavogs bekkjarsett af bókinni „Höndlaðu hamingjuna á unglingsárunum“. Bækurnar eru eign hvers skóla en eiga að nægja fyrir einn bekk í einu.

Lista- og menningarráð Kópavogs afhenti Barna- og unglingageðdeild 100 þúsund krónur að gjöf í liðinni viku. Um er að ræða verðlaunaféð úr samkeppni um nafn á nýja ungmennahúsið í Kópavogi sem enginn krafðist.

„Djass- og blúshátíð Kópavogs er komin til að vera,“ segir Björn Thoroddsen tónlistarmaður, spurður um reynsluna af tónlistarveislunni 6.–8. júní sem hann skipulagði ásamt Jóhanni Ísberg.

Gunnar I. Birgisson bæjarstjóri tók á föstudag fyrstu skóflustunguna að nýrri félagsaðstöðu Siglingafélagsins Ýmiss og Siglingaklúbbsins Kópaness við Vesturvör í Kópavogi.

Skólanefnd Kópavogs afhenti Hvammshúsi Hvatningarverðlaunin árið 2008 fyrir gott og skapandi skólastarf undanfarinn áratug.

Gunnar I. Birgisson bæjarstjóri setti í dag Jazz- og blúshátíð Kópavogs í Gullsmára þar sem fjöldi fólks var saman kominn til að hlýða á Andreu Gylfadóttur, Björn Thoroddsen og Jón Rafnsson flytja þekkt sönglög í jazzaðri útsetningu.

SAMAN hópurinn stendur fyrir ljósmyndasamkeppni til 8. ágúst og vegleg verðlaun verða í boði.

Vordagar voru haldnir í gær í Vatnsendaskóla þar sem börnin gengu á fjöll, gistu í skálum, fóru í hjólaferðir og sundferðir, gróðursettu og grilluðu. En kajakferðir út á Elliðavatn mæltust einna best fyrir.

Kópavogsbær hefur tekið 35.000.000 evrur að láni hjá Stokkhólmsútibúi hins franska Dexia Bank. Það samsvarar liðlega fjórum milljörðum íslenskra króna. Tilgangurinn er að greiða upp eldri lán sem ekki eru eins hagstæð.

Metaðsókn varð að Bryggjudegi á laugardaginn var. Íbúum Bryggjuhúsa telst til að um 2000 manns hafi notið dagskrárinnar á hafnarsvæðinu þrátt fyrir svolitla hafgolu.

Tónlistarunnendur eru hvattir til að kynna sér vandlega þá fjölbreyttu viðburði sem framundan eru í Salnum og ná sér í miða fyrr heldur en seinna. Lokað verður vegna sumarleyfa í júlí og byrjun ágúst.

Dagana 6. – 8. júní verður haldin jazz- og blueshátíð í Kópavogi sem ráðgert er að verði árlegur viðburður. Unnendur þessarar tónlistar fá færi á að njóta fremstu listamanna á þessu sviði í Salnum á tvennum tónleikum auk þess sem eru barnatónleikar í AMOKKA.

Séra Gunnar Sigurjónsson, sóknarprestur í Digranessókn, varði titil sinn „sterkasti prestur heims“ í keppni í lyftingum við finnskan og danskan prest á föstudag.