Fréttasafn

Næstum því þriðjungi ökutækja var ekið of hratt um Reykjanesbraut síðdegis í gær þar sem fram fara vegaframkvæmdir. Þetta leiddi sérstök vöktun lögreglu með hraðamyndavél í ljós.

Hin árlega sala á „Neyðarkalli frá björgunarsveitum“ fer fram um helgina. Ólafur Ragnar Grímsson, forseti Íslands, hefur átakið kl. 14 á morgun, föstudag, við Smáralind í Kópavogi. Hjálparsveit skáta í Kópavogi stendur vaktina á fimm stöðum í bænum, við Smáralind, Smáratorg, Vínbúðina við Dalveg, Krónuna í Lindum og Byko Breidd.

Gunnar I. Birgisson bæjarstjóri og Ómar Stefánsson, formaður bæjarráðs, undirrituðu í morgun fyrir hönd Kópavogsbæjar stofnskjal Skákstyrktarsjóðs Kópavogs.

Gerplustúlkur komu heim með silfurverðlaun í farteskinu frá Evrópumótinu í hópfimleikum sem fram fór í Ghent í Belgíu 24. og 25. október síðastliðinn. Haldin var móttaka þeim til heiðurs í Íþróttamiðstöðinni að Versölum á þriðjudagskvöld.

Tónleikagestir Salarins fá að njóta tónlistarhæfileika gítarleikarans Ögmundar Þórs Jóhannessonar 1. nóvember næstkomandi klukkan 17. Ögmundur er uppalinn í Kópavogi en býr nú í Berlín og kennir og leikur á gítar víðsvegar um heiminn.

Til að styðja Kópavogsbúa í því erfiða ástandi sem skapast hefur við hrun á fjármálamarkaði hefur Kópavogsbær í samstarfi við ýmsa aðila sett á laggirnar ráðgjafaver í síma 800-5500. Átakið nefnist Hönd í hönd.

Félagsþjónustan í Kópavogi opnaði formlega frístundaheimili fyrir fatlaða nemendur í 5. til 10. bekk í grunnskólum Kópavogs í dag. Úrræðið er til húsa í Smáraskóla við Dalsmára.

Kópavogsbær og HugurAx hafa gengið til samstarfs um innleiðingu Kópavogsbæjar á Bakverði, tímaskráningarlausn HugarAx. Bakvörður mun þjóna öllum starfsmönnum Kópavogsbæjar og halda utan um alla viðveruskráningu starfsmanna.

Ólafur Ragnar Grímsson, forseti Íslands, heimsótti í dag bæjarskrifstofur Kópavogs, Menntaskólann í Kópavogi og Gjábakka til að ræða um erfiðleika af völdum efnahagskreppu.

Kópavogsbær og körfuknattleiksdeild Breiðabliks bjóða Kópavogsbúum á fyrsta leik Breiðabliks í Iceland Expressdeildinni gegn Skallagrími úr Borgarnesi í kvöld kl. 19.15! Tilefnið er 40 ára afmæli körfuknattleiksdeildarinnar og vígsla á nýju gólfi í Smáranum.

Síma-, heimsóknar- og afgreiðslutíma á launadeild Kópavogsbæjar verður milli kl. 8.30 og 13.00 alla virka daga frá og með 20. október næstkomandi. Tilgangurinn er að auka skilvirkni og öryggi í launavinnslu.

Leikfélag Kópavogs frumsýnir leikritið Skugga-Svein í nýrri útfærslu þegar nýja leikhúsið við Funalind verður tekið formlega í notkun sunnudaginn 19. október næstkomandi kl. 20.00. Leikhúsinu hefur verið gefið nafnið Leikhúsið.

Ljóðahópur sem kennir sig við þjóðskáldið Jónas Hallgrímsson, Jónasarhópurinn, verður með gestasýningu á dagskrá í minningu skáldsins í Gjábakka, Fannborg 8, í kvöld kl. 20.

Suður-amerísk menningarhátíð í Kópavogi hlaut frábærar viðtökur. Gestir létu ekki dökkt útlit í efnahagsmálum slá sig út af laginu því að þeir flykktust í þúsundavís í menningarstofnanir Kópavogs til að fylgjast með fjölbreyttum viðburðum hátíðarinnar. Þótt dagskránni hafi lokið í gær halda sýningar í Gerðarsafni og Safnahúsi Kópavogs áfram til 16. nóvember.

Hvetjandi og áhugavert unglingastarf fór fram á landsmóti Samfés þar sem tveir fulltrúar Íþrótta- og tómstundaráðs Kópavogs voru kjörnir í ungmennaráð.

Leikskólinn Furugrund í Kópavogi hlaut fyrstu verðlaun í flokki leikskóla fyrir eTwinning verkefni sem talin eru hafa tekist sérlega vel skólaárið 2007–2008. Verðlaunin voru veitt fyrir stærðfræðiverkefnið Buckle my shoe.

Leiðsögn verður um sýninguna „Ekvador að fornu og nýju“ í Gerðarsafni – Listasafni Kópavogs á laugardag og sunnudag kl. 15. Sýningin er liður í Suður-amerískri menningarhátíð sem nú stendur yfir í Kópavogi.

Dvöl, athvarf fyrir geðfatlaða, fagnar í dag 10 ára afmæli sínu. Haldið var upp á daginn með afmælisboði í safnaðarheimili Digraneskirkju. Gunnar I. Birgisson bæjarstjóri afhenti Dvöl 100 þúsund króna peningjagjöf frá Kópavogsbæ í tilefni dagsins.

Um þessar mundir fer Tölum saman fræðslan fram í öllum grunnskólum Kópavogs. Forvarnarfulltrúi Kópavogsbæjar hvetur foreldra og börn til að nýta sér fræðsluna og vera virk í að skapa heilbrigt og jákvætt umhverfi fyrir börn og unglinga.

Kynningar- og fræðslukvöld um einstæða náttúru Galapagos og menningu Ekvador verður í Salnum í kvöld, fimmtudaginn 9. október, kl. 20 á Suður-amerískri menningarhátíð.

Dansflokkurinn Jacchigua steig friðardansinn við setningu Ekvador - suður-amerískrar menningarhátíðar í Listasafni Kópavogs - Gerðarsafni í dag. Bæjarstjóri Kópavogs, Gunnar I. Birgisson, setti hátíðina, Oswaldo Munoz, ræðismaður Íslands í Ekvador, flutti snjallt ávarp og forseti Íslands, herra Ólafur Ragnar Grímsson, opnaði sýninguna Ekvador að fornu og nýju, sem er yfirlitssýning listmuna og málverka frá 4000 f. Kr. til okkar daga.

Ráðherra orkumála í Ekvador, Alecksey Mosquera, heimsótti Íslensku sjávarútvegssýninguna í Fífunni í dag en hann er á landinu í tilefni af ekvadorski menningarhátíð í Kópavogi 4.–12. október.

Ekvador - suður-amerísk menningarhátíð í Kópavogi verður formlega sett í Gerðarsafni á morgun, sunnudag, en þegar í dag hófust skrautsýningar dansflokksins Jacchigua (borið fram Hatsígúa) í Salnum. Myndin var tekin á æfingu í morgun.

Bæjarráð Kópavogs hefur ákveðið að fresta losun umframefna á landfyllingu vestast á Kársnesi uns niðurstaða liggur fyrir um skipulag svæðisins. Jafnframt er áréttað að starfsemin sé innan ramma laga og skipulags.

ÓB-ráðgjöf býður upp á tveggja daga námskeið um foreldrahlutverkið sem hjónin og sálfræðingarnir John og Julie Gottman hönnuðu. Kópavogsbær kostar námskeiðið sem er gjaldfrjálst fyrir verðandi og nýorðna foreldra í Kópavogi.

Gunnar I. Birgisson bæjarstjóri og Ómar Stefánsson, formaður bæjarráðs, buðu í dag 175 ára ættarhöfðingja og töframann Shuar-indíánaþjóðflokksins í Ekvador velkominn í Kópavog. Hann er heiðursgestur suður-amerísku menningarhátíðarinnar sem hefst um helgina og tekur á móti gestum í Náttúrufræðistofu Kópavogs.

Íslenska sjávarútvegssýningin árið 2008 var opnuð formlega í Smáraskóla í Kópavogi í morgun. Af því tilefni hleypti sjávarútvegs- og landbúnaðarráðherra af 140 ára gamalli fallbyssu með þvílíkum hvelli að jörðin nötraði og þjófavarnarkerfi bifreiðanna á bílastæðinu vældu í einum kór.

Fyrri hluta október verður Kópavogskirkja lýst upp í bleikum lit í tilefni af árveknisátaki um brjóstakrabbamein. Sigurrós Þorgrímsdóttir, forseti bæjarstjórnar Kópavogs, kveikti á lýsingunni í kvöld, miðvikudagskvöld, kl. 19.30.