Fréttasafn
2012
2011
des., nóv., okt., sep., ágú., júl., jún., maí, apr., mar., feb., jan.
2010
des., nóv., okt., sep., ágú., júl., jún., maí, apr., mar., feb., jan.
2009
des., nóv., okt., sep., ágú., júl., jún., maí, apr., mar., feb., jan.
2008
des., nóv., okt., sep., ágú., júl., jún., maí, apr., mar., feb., jan.
2007
des., nóv., okt., sep., ágú., júl., jún., maí, apr., mar., feb.
2006
2004
Fréttasafn
Fyrirsagnalisti
Fjárhagsáætlun samþykkt
Bæjarstjórn Kópavogs hefur samþykkt fjárhagsætlun fyrir bæjarsjóð árið 2010 með 44 milljóna króna rekstrarafgangi.
Gerðarlegt í Gerðarsafni
Fjórir hönnuðir voru ráðnir til Kópavogsbæjar í tengslum við vinnumarkaðsúrræði bæjarfélagsins og Vinnumálastofnunar til að taka þátt í nýsköpunarverkefni á vegum Gerðarsafns í Kópavogi.
Afgreiðslutímar á bæjarskrifstofum um jól og áramót
Þorláksmessa: Opið frá kl. 8.00–15.00
Aðfangadagur: Lokað
28. desember: Opið kl. 10.00–16.00
29. desember: Opið kl. 10:00–16:00
30. desember: Opið kl. 8.00–15.00
30. desember: Opið kl. 8.00–15.00
Gamlársdagur: Lokað
4. janúar 2010: Opið kl. 10.00–16.00
Viðurkenningar fyrir 25 ára starf
Gunnsteinn Sigurðsson, bæjarstjóri í Kópavogi, afhenti í dag átta starfsmönnum Kópavogsbæjar og einum í fjarveru hans sérstaka viðurkenningu fyrir dygg og góð störf í þágu bæjarins í 25 ár.
Heimsóknarmet í Sundlaug Kópavogs
María Níelsdóttir, innborinn Kópavogsbúi, var 500.000. gesturinn í Sundlaug Kópavogs. Hún kom í laugina rétt um hádegið og afhentu Gunnsteinn Sigurðsson, bæjarstjóri í Kópavogi, og Jakob Þorsteinsson, forstöðumaður sundlaugarinnar, henni blómvönd, árskort í líkamsrækt og sund og gjafapakka. Aldrei hafa eins margir gestir sótt laugina á einu ári.
Góður námsárangur
Forseti bæjarstjórnar, Ármann Kr. Ólafsson, afhenti útskriftarnemum í Menntaskólanum í Kópavogi viðurkenningar fyrir afbragðs árangur úr Viðurkenningarsjóði MK sem bæjarstjórn Kópavogs stofnaði árið 1993. Fjórir nemar hlutu viðurkenningu að þessu sinni, nýstúdentarnir Bryndís Freyja Petersen, sem var dúx skólans, og Ragnhildur Björk Theodórsdóttir og nýsveinar í framreiðslu, Silja Brá Guðlaugsdóttir, og matreiðslu, Bjarni Siguróli Jakobsson.
Gert ráð fyrir rekstrarafgangi 2010
Í tillögu að fjárhagsáætlun Kópavogsbæjar fyrir árið 2010, sem lögð var fram til fyrri umræðu í bæjarstjórn Kópavogs í dag, er gert ráð fyrir 25 milljóna króna rekstrarafgangi.
Ársrit Breiðabliks komið út
„Knattspyrnudeild Breiðabliks bætti fallegri skrautfjöður í hatt sinn á liðinni leiktíð þegar lið Fram var lagt að velli í æsispennandi úrslitaviðureign á Laugardalsvelli í bikarkeppninni í knattspyrnu,“ segir Gunnsteinn Sigurðsson bæjarstjóri meðal annars í ávarpi í nýútkomnu ársriti Breiðabliks sem er að finna á heimasíðu félagsins. „Þetta er í fyrsta sinn sem Breiðablik vinnur bikarinn í karlaflokki og fylgir með því eftir fjölda glæstra sigra í kvennaboltanum.“
Jól í Salnum – fjölbreyttir tónleikar á aðventunni
Tónleikahald í Salnum verður með blómlegasta móti í desember og kennir þar ýmissa grasa. Flytjendur eru Jón Ólafsson og Stefán Hilmarsson, rússneskir kósakkar, Ljótu hálfvitarnir, Sniglabandið, Viskustykki og sultutau, Megas og Senuþjófarnir og Lárusdætur.Barnamenningarverðlaun til Fjölsmiðjunnar
Þorbjörn Jensson, forstöðumaður Fjölsmiðjunnar við Kópavogsbraut, hlýtur Barnamenningarverðlaun Velferðarsjóðs barna árið 2009 fyrir ómetanlegt starf sitt í þágu ungmenna. Verðlaunaféð, 3,5 milljónir króna, verður nýtt til að efla uppbyggingu Fjölsmiðjunnar, meðal annars nýja tónlistardeild. Alls var úthlutað ríflega 26 milljónum króna úr Velferðarsjóði barna í dag en heildarúthlutunin úr sjóðnum í ár nemur alls um 160 milljónum króna.
Sigur í Útsvari
Lið Kópavogs í spurningakeppni Sjónvarpsins Útsvari fékk 79 stig gegn 44 stigum Mosfellsbæjar í fyrstu keppninni sem það tók þátt í á þessum vetri. Í liðinu eru Gísli Tryggvason, talsmaður neytenda, Helga Jónsdóttir leikskólastjóri og Kristján Guy Burgess, aðstoðarmaður utanríkisráðherra.
Jólastemmning á Hálsatorgi
Sannkölluð jóla- og fjölskyldustemmning myndaðist á Hálsatorgi þegar kveikt var á ljósunum á vinabæjarjólatrénu frá Norrköping í Svíþjóð. Fjölmenni tók þátt í jóladagskránni, laufabrauðabakstri og fjöldasöng svo að nokkuð sé nefnt, og gerði sér veitingarnar að góðu.
Jólahátíð á laugardag
Jólahátíð í Kópavogi verður á Hálsatorgi laugardaginn 28. nóvember og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa. Undanfarin ár hefur myndast sannkölluð fjölskyldustemning þennan dag enda höfðar dagskráin til allra aldurshópa.
Ljóðstafur Jóns úr Vör - skilafrestur til 11. desember
Lista- og menningarráð Kópavogs efnir til árlegrar ljóðasamkeppni undir heitinu „Ljóðstafur Jóns úr Vör“. Skilafrestur ljóða er til 11. desember næstkomandi.Veitt verða vegleg verðlaun og mun verðlaunaskáldið fá til varðveislu í eitt ár göngustaf Jóns úr Vör sem á verður festur skjöldur með nafni skáldsins.
Stórfundur kvenna
Jafnréttisnefnd Kópavogs boðar til opins kvennafundar vegna næstu bæjarstjórnarkosninga miðvikudaginn 25. nóvember. Fundurinn er haldinn í samstarfi við alla stjórnmálaflokka í bæjarstjórn Kópavogs með það að markmiði að auka hlut kvenna á vettvangi bæjarstjórnarmála.
„Í þannig bæ vil ég búa“
Fyrsti hverfafundur Skipulags- og umhverfissviðs vegna endurskoðunar aðalskipulags Kópavogs og Staðardagskrár 21 fór fram í Hörðuvallaskóla í gær.
Hönnunarkeppni unglinga
Stíllinn, hönnunarkeppni unglinga á landsvísu, verður haldin í Vetrargarðinum í Smáralind laugardaginn 21. nóvember frá kl. 13:00 – 18:00.
Þríhnúkagígur – Hjarta eldfjallagarðs
Kópavogsbær, Náttúrufræðistofa Kópavogs og VSÓ Ráðgjöf efna til kynningar á einkar nýstárlegri hugmynd um nýtingu á Þríhnúkagíg í þágu ferðamennsku og fræðslu um náttúru Íslands. Kynningin fer fram í Salnum í dag, miðvikudaginn 18. nóvember, kl. 17.00.
Opnun nýrra íþróttamannvirkja í Fagralundi
Nýtt íþróttamannvirki á félagssvæði HK í Fagralundi í Fossvogsdal var opnað í dag. Um er að ræða íþróttahús sem nýtist handknattleiks- og blakfólki HK auk nemendum Snælandsskóla. Félagsaðstaða HK hefur jafnframt verið stórlega bætt sem og aðkoma að húsunum.
Íbúafundir: „Í þannig bæ vil ég búa!“
Íbúum í Kópavogi er boðið að koma að stefnumótun um þróun byggðar og samfélags í tengslum við endurskoðun aðalskipulags Kópavogs og Staðardagskrár 21 fyrir Kópavog. Skipulags- og umhverfissvið efnir til þriggja opinna funda þar sem óskað verður eftir hugmyndum og tillögum frá íbúum bæjarins um Kópavog framtíðarinnar undir yfirskriftinni: „Í þannig bæ vil ég búa.“
Þríhnúkagígur – Hjarta Eldfjallagarðs
Bæjarstjórn Kópavogs býður til kynningar á hugmyndum um nýstárlega nýtingu Þríhnúkagígs í þágu ferðamennsku og fræðslu um náttúru Íslands. Kynningin fer fram í Salnum í Kópavogi miðvikudaginn 18. nóvember kl. 17:00. Að fundinum standa bæjarstjórn Kópavogs, VSÓ Ráðgjöf og Náttúrufræðistofa Kópavogs. Fundurinn er opinn og allir eru velkomnir.Sjá nánar frétt Náttúrufræðistofu.
Forvarnaráðstefna í Kópavogi 16. nóvember
Forvarnanefnd Kópavogs býður til ráðstefnu um forvarnir í Salnum 16. nóvember næstkomandi kl. 15–17:30 í tilefni af nýrri forvarnastefnu Kópavogs. Yfirskrift ráðstefnunnar er: „Er allt í lagi hjá okkur?" Á ráðstefnunni verður stefnan kynnt. Fulltrúar frá stofnunum, deildum og félagasamtökum í Kópavogi, sem þátt tóku í mótun hennar, flytja erindi ásamt gestafyrirlesurum.
Forvarnaráðstefna 2009 - dagskrá
Styrkur afhentur Mæðrastyrksnefnd
Gunnsteinn Sigurðsson, bæjarstjóri í Kópavogi, og Ómar Stefánsson, formaður bæjarráðs, afhentu Mæðrastyrksnefnd Kópavogs styrk á dögunum sem var ákveðinn í bæjarstjórn í tilefni af 1000. fundi hennar í september. Styrkurinn nemur 1000 krónum á hvern fund sem haldinn hefur verið frá upphafi og er alls ein milljón króna.
Norræna bókasafnsvikan í Bókasafni Kópavogs
Norræna bókasafnavikan verður 9. — 15. nóvember í Bókasafni Kópavogs. Þemað verður stríð og friður á Norðurlöndum. Upphafsatriðið er mánudaginn 9. nóvember kl. 18:00 í fundarsalnum Kórnum á Bókasafni Kópavogs. Þá verða lesin ljóðin Skandinavisk förstås eftir Benny Andersen Gamli Stál eftir Runeberg í þýðingu Matthíasar Jochumssonar.
Íslenskir jazz-, rokk- og blúsgítarar í Tónlistarsafninu
Tónlistarsafn Íslands sýnir nokkra helstu jazz-, rokk- og blúsgítara landsins sem og helstu tegundir magnara sem notaðir voru í bransanum. Þetta er þriðja sýning Tónlistarsafnsins.Brúðuleikhús í bókasafninu
Brúðuleiksýning fyrir 2ja til 6 ára börn verður á Bókasafni Kópavogs 7. nóvember. Sýningin heitir Sólarsaga og er í flutningi Helgu Arnalds. Sýnt verður kl. 13:00 í Lindasafni, Núpalind 7, og kl. 15:00 í aðalsafni í Hamraborg 6a. Sýningin tekur 40 mínútur. Allir velkomnir meðan húsrúm leyfir. Aðgangur er ókeypis.
Kóparokk á föstudag
Kóparokk, tónlistarhátíð unglinga, fer fram í félagsmiðstöðinni Ekkó í Kársnesskóla föstudaginn 6. nóvember og hefst kl. 20:00.
Basar Kvenfélagasambands Kópavogs
Basar og kynning á starfi Kvenfélagasambands Kópavogs verður laugardaginn 7. nóvember kl. 13:00–16:00 að Digranesvegi 12. Á boðstólum verður bakstur, handunnar vörur, fatnaður, leikföng, kompudót og fleira. Allt á tombóluverði. Ágóði rennur til góðgerðarmála.
Sveitarfélögin forgangsraða þjónustu vegna inflúensu
Sveitarfélögin á höfuðborgarsvæðinu vinna nú öll eftir samræmdum viðbragðsáætlunum sem gerðar voru undir umsjón Slökkviliðs höfuðborgarsvæðisins til að tryggja órofna lykilþjónustu á meðan inflúensufaraldur gengur yfir.
Vímuvarnarvika gegn kannabisneyslu
Þemað á vímuvarnarviku 2009 er „kannabis – afleiðingar og leiðir í forvörnum“. Að vímuvarnarviku standa Forvarnir og fræðsla ásamt íþrótta-, æskulýðs- og félagasamtökum á Íslandi. Vikan var formlega sett á Grand hótel þriðjudaginn 20. október þar sem kynnt var staða þessa váboða frá sjónarhorni lögreglu, forvarnarfulltrúa í framhaldskóla, foreldri ungs kannabisfíkils og SÁÁ.
Viðbragðsáætlun vegna heimsfaraldurs inflúensu
Bæjarráð Kópavogs hefur samþykkt viðbragðsáætlun vegna heimsfaraldurs inflúensu og jafnframt stofnað neyðarstjórn sem tekur til starfa ef og þegar neyðarástand ríkir. Áætlunin hefur þegar tekið gildi.Smelltu á myndina til að lesa viðbragðsáætlunina.
Heimsmeistari í Snælandsskóla
Gunnsteinn Sigurðsson bæjarstjóri ásamt Önnu Birnu Snæbjörnsdóttur og Hannesi Sveinbjörnssyni frá fræðslusviði afhentu Brodda Kristjánssyni, íþróttakennara við Snælandsskóla og margföldum Íslandsmeistara í badminton, viðurkenningu fyrir glæsilegan árangur í badmintoníþróttinni.
Íbúafundur í Smáraskóla - Hugsum áður en við hendum!
Kópavogsbær og Íslenska gámafélagið boða til íbúafundar í Smáraskóla miðvikudaginn 14. október kl. 20.00 um sorphirðu á Nónhæð. Undanfarna mánuði hefur verið í gangi tilraunaverkefni í sorpflokkun á Nónhæðinni. Á fundinum verður farið yfir árangur af verkefninu og rætt um áframhaldandi samstarf við íbúa hverfisins.
Gisting í Kópavogi kynnt á ferðamálaráðstefnu
Hótelin í Kópavogi, Hótel Smári, Gistiheimilið BB44 og Hótel Merlin tóku sameiginlega þátt í árlegri ferðamálaráðstefnu Vest Norden sem haldin var í Kaupmannahöfn í september síðastliðnum.
Írsk menningarhátíð stendur sem hæst
Írsk menningarhátíð í Kópavogi stendur sem hæst en henni lýkur á sunnudag. Dagskránni hefur verið mjög vel tekið, ekki síður meðal grunnskólanemenda en annarra hátíðargesta, en Kópavogsbær hefur ávallt reynt að leiða saman yngstu kynslóðina og þá framúrskarandi listamenn sem heiðra hina erlendu menningardaga á hverju ári með nærveru sinni og þátttöku.
Aukasýning á RAGÚS - uppselt á aðrar sýningar
Vegna mikillar eftirspurnar hefur verið ákveðið að írski RAGÚS dans- og tónlistarhópurinn haldi aukasýningu á írskri menningarhátíð í Kópavogi. Hópurinn er þekktur fyrir að framkalla ekta írska stemningu sem verður ógleymanleg öllum áhorfendum enda varð fljótt uppselt á allar áformaðar sýningar. Aukasýningin verður á sunnudag 11. október kl. 14. Miðasala fer fram í Salnum.
Bikar-Blikar
Breiðablik varð í dag bikarmeistari í knattspyrnu karla þegar liðið lagði Fram 7–6 á Laugardalsvelli. Úrslitin réðust í spennandi vítaspyrnukeppni en eftir venjulegan leiktíma hafði staðan verið 1-1 og í framlengdum leik skoraði hvort líð eitt mark í viðbót.Til hamingju, Blikar!
Velkomin á Írska menningarhátíð!
Það verður sannkölluð írsk veisla hjá okkur Kópavogsbúum í október þegar við höldum írska menningarhátíð. Hátíðin stendur yfir frá 2. til 11. október og verður ýmislegt í boði fyrir alla fjölskylduna.
HK setur sér siðareglur
Handknattleiksfélag Kópavogs HK hefur fyrst íslenskra íþróttafélaga sett sér heildstæðar siðareglur. Hlutverk þeirra er að veita þeim sem koma að íþróttum almennar leiðbeiningar og vera þeim hvatning. Reglunum er beint til forráðamanna iðkenda, yngri og eldri iðkenda og þjálfara auk stjórnar- og starfsmanna.Urrari í sjóbúri
Urrari (Eutrigla gurnardus) er til sýnis í búri á Náttúrufræðistofu Kópavogs en hann er fallegur og sérstæður fiskur sem fólk hefur sjaldan eða aldrei séð lifandi.
Menningarstarf í Kópavogi
Lista- og menningarráð Kópavogs auglýsir eftir umsóknum um styrki til verkefna/viðburða á sviði menningar og lista í Kópavogi.
Vitundarvakning í samgöngumálum
Evrópskri samgönguvika 2009 lauk í gær en áherslan að þessu sinni var á loftslagsmál í borgum. Fleiri en 2000 borgir í Evrópu tóku þátt.
Kópavogur vagga pönksins
Fjölmennt var við setningu á sýningunni „Heilbrigð æska - pönkið og Kópavogurinn 1978 – 1983“ í Tónlistarsafni Íslands um helgina. Ómar Stefánsson, formaður bæjarráðs, opnaði sýninguna formlega og nefndi Kópavog vöggu pönksins á Íslandi, Sigurrós Þorgrímsdóttir, formaður lista- og menningarráðs, ávarpaði gestina og dr. Gunni fór nokkrum orðum um pönkið í bænum.
Verkefni Furugrundar tilnefnt til alþjóðlegra verðlauna
eTwinningverkefni leikskólans Furugrundar 1,2, Buckle my shoe er komið í úrslit Global Junior Challenge 2009 en sjálf úrslitin verða kynnt með viðhöfn í Róm þann 9. október næstkomandi.„Heilbrigð æska“ – pönkið og Kópavogurinn 1978 – 1983
Á morgun, laugardag, kl. 15.00 verður opnuð sýningin „Heilbrigð æska“, pönkið og Kópavogurinn 1978 – 1983 í Tónlistarsafni Íslands.
Samgönguvika í Kópavogi sett
Evrópska samgönguvikan var sett í gær. Kópavogur er meðal 2000 borga og bæja sem tekur þátt í henni en markmiðið er að huga að því sem betur má fara í umhverfismálum. Toyota á Íslandi afhenti Gunnsteini Sigurðssyni bæjarstjóra og Ómari Stefánssyni, formanni bæjarráðs, Toyota Prius tvinnbíla til reynslu en þeir eru sagðir eyða helmingi minna eldsneyti en sambærilegar bílar með því að þeir nýta rafmagn sem þeir framleiða sjálfir við akstur.
Hraðaeftirlit við grunnskóla
Á tímabilinu frá kl. 13.50 til 14.40 þann 16. september var vöktuð umferð með hraðamyndavél suður Vatnsendaveg fyrir sunnan Breiðahvarf. Þarna er 50 km hámarkshraði. Vöktun þessi er liður í eftirliti með hraðakstri við grunnskóla en skammt frá þessum stað er Vatnsendaskóli. Á ofangreindu tímabili vaktaði vélin 193 ökutæki. Af þeim voru 27 ljósmyndaðir eða 14% af vöktuðum ökutækjum á það miklum hraða að lögregla hefði að öllu jöfnu haft afskipti af þeim. Meðalhraði hinna brotlegu var 63,66 km. Hraðast var ekið á 68 km hraða.
Karatedeild Breiðabliks 25 ára
Karatedeild Breiðabliks fagnar 25 ára afmæli sunnudaginn 20. september næstkomandi og heldur „heilmikinn karatedag“.
Handavinnuhópur í bókasafninu
Prjóna- og handavinnuhópur er starfandi í Bókasafni Kópavogs, Hamraborg 6a, á hverjum miðvikudegi frá kl. 16:30 og fram undir kl. 18.30, eftir því sem hentar hverjum og einum.
Norðurlandameistarar Salaskóla í skák koma heim
Gunnsteinn Sigurðsson, bæjarstjóri í Kópavogi, tók á móti skáksveit Salaskóla í Leifsstöð síðdegis í dag, þegar hún kom heim frá Svíþjóð eftir að hafa unnið sigur á Norðurlandamóti grunnskóla í skák. Gunnsteinn afhenti fyrir hönd bæjarstjórnar Kópavogs hverjum hinna ungu skáksnillinga í sveitinni iPod Nano 8GB frá Apple á Íslandi að gjöf.
Árshlutareikningur janúar – júní 2009
Kópavogsbær sendi Kauphöll Íslands fyrir helgi, svo sem skylt er, óendurskoðað uppgjör um rekstur bæjarsjóðs fyrstu sex mánuði ársins, sem endurskoðendur bæjarins settu upp samkvæmt upplýsingum og gögnum sem þeir fengu send eða óskuðu eftir hjá bænum.
Samgönguvika í Kópavogi
Evrópska samgönguvikan hefur verið haldin vikuna 16. – 22. september síðan árið 2002. Í ár eru það yfir 2000 borgir og bæir sem taka þátt og fer þeim sífellt fjölgandi. Kópavogsbær hefur frá árinu 2007 tekið þátt í hjóladeginum sem haldinn er á laugardeginum.
1000. fundur bæjarstjórnar Kópavogs
Þúsundasti fundurinn í bæjarstjórn Kópavogs var haldinn kl. 16:00 í dag, þriðjudaginn 8. september 2009, í sal bæjarstjórnar í Fannborg 2.
Ný stjórn LSK
Ný stjórn Lífeyrissjóðs starfsmanna Kópavogs hefur verið skipuð. Stjórnina skipa Hlynur Jónsson héraðsdómslögmaður LL.M., stjórnarformaður, óháður, Guðríður Arnardóttir og Ármann Kr. Ólafsson, fulltrúar bæjarstjórnar Kópavogs, og Guðrún Pálsdóttir og Ragnar Snorri Magnússon, fulltrúar sjóðfélaga. Nýr framkvæmdastjóri sjóðsins er Auður Finnbogadóttir, viðskiptafræðingur MBA, og hóf hún störf þann 17. ágúst síðastliðinn.
Tómstundastarfið byrjar vel
Tómstundastarf félagsmiðstöðva ÍTK er hafið og fer vel af stað. Í fyrstu viku greindu forstöðumenn félagsmiðstöðvanna meiri áhuga meðal unglinganna og voru heimsóknir fleiri en oft áður. Lofar það góðu um framhaldið.
Vetrarstarf prjóna- og handavinnuklúbbsins
Prjóna- og handavinnuklúbburinn er að hefja vetrarstarf í Bókasafni Kópavogs. Hann verður á hverjum miðvikudegi frá kl. 16:30.
Ganga um Kópavogsdal á umhverfisdegi
Umhverfisráð Kópavogs stendur fyrir göngu um Kópavogsdalinn á árlegum umhverfisdegi bæjarins, fimmtudaginn 3. september næstkomandi.
Of hratt ekið um Grænutungu
Fjórir af hverjum tíu ökumönnum í Grænutungu í Kópavogi virðast stíga of fast á bensíngjöfina og ekki virða 30 km hámarkshraða á klukkustund.
Heimsókn frá Wuhan, vinabæ Kópavogs
Sendinefnd frá Wuhan-borg, sem varð vinabær Kópavogs í tengslum við kínverska menningarhátíð árið 2007, kom í heimsókn 12. ágúst sl. Gunnsteinn Sigurðsson, bæjarstjóri, tók á móti kínversku erindrekunum en heimsóknin var liður í að efla vinabæjarsambandið og samstarfið á sviði menningarmála.
Jafnréttisviðurkenning Kópavogsbæjar
Upplýsingatæknifyrirtækið Teris hlaut í dag árlega jafnréttisviðurkenningu Kópavogsbæjar fyrir jafnréttisstefnu þess og eftirfylgni hennar í starfsemi sinni.
Velkomin í Salinn!
Ellefta starfsárið í Salnum fer nú í hönd en hann fagnaði 10 ára starfsafmæli sínu í janúar síðastliðnum. Í vetur verður boðið upp á glæsilega og fjölbreytta dagskrá sem endranær.Dyr draumanna og möndölur í Gerðarsafni
Föstudaginn 28. ágúst kl. 20:00 verða tvær sýningar opnaðar í Listasafni Kópavogs-Gerðarsafni. Dyr draumanna heitir málverkasýning finnsku listakonunnar Elena Schuvaloff-Maijala og sýningin Mandala snýst um hringinn og krystalinn.
Umhverfisviðurkenningar 2009
.jpg)
Gata ársins 2009 í Kópavogi er Brekkusmári í Nónhæð. Bæjarstjórn Kópavogs og umhverfisráð afhentu umhverfisviðurkenningar og útnefndu götu ársins við hefðbundna athöfn í Salnum, tónlistarhúsi Kópavogs, fimmtudaginn 20. ágúst. Eftir athöfnina var farið í vettvangsferð í rútu á þá staði sem viðurkenningu hlutu.
Fjölgun í Kópavogi
Íbúum í Kópavogi hefur fjölgað um 600 á sama tíma og íbúum á landinu öllu hefur fækkað. 120 ár eru síðan fólki fækkaði síðast hér á landi. Íbúar í Kópavogi eru nú 30.395.
Skólasetning haustið 2009
Skólasetning verður mánudaginn 24. ágúst í öllum grunnskólum Kópavogs. Nemendur í 10. bekk Hörðuvallaskóla eiga skólasókn í Vatnsendaskóla. Nánari upplýsingar eru á heimasíðum skólanna.
Upplýsingasíða um inflúensu
Tengill á vefsvæðið www.influensa.is hefur, tímabundið, verið settur á heimasíðu Kópavogsbæjar. Vefsvæðið er ætlað til fræðslu og upplýsingagjafar fyrir almenning og fagaðila um svínaflensu meðal annars. Vefsvæðið er samvinnuverkefni sóttvarnalæknis, almannavarnadeildar Ríkislögreglustjóra, Matvælastofnunnar og Umhverfisstofnunnar.
Kraftlyftingamót Breiðabliks
Húsfyllir var á fyrsta Kópavogsmóti kraftlyftingadeildar Breiðabliks í bekkpressu 25. júlí síðastliðinn. Var gerður góður rómur að setningarræðu Ármanns Kr. Ólafssonar, forseta bæjarstjórnar.
Ný siglingaraðstaða opnuð við Naustavör
Nýja siglingaraðstaðan við Naustavör 20 var formlega tekin í notkun við hátíðlega athöfn um síðustu helgi. Ármann Kr. Ólafsson, forseti bæjarstjórnar í Kópavogi, og Alexander Arnarsson, varaformaður ÍTK, opnuðu hana með því að klippa á borða.
Sumar 2009: Ný heimasíða
Í sumar hefur verið unnið að uppsetningu nýrrar heimasíðu sem mun geyma upplýsingar um það sumarstarf sem í boði er í Kópavogi. Vinnu við heimasíðuna er ekki lokið að öllu leyti en hún er í þróun.
Tillögur um breytingar á samþykktum LSK
Á aukafundi Lífeyrissjóðs starfsmanna Kópavogsbæjar, LSK, sem haldinn verður föstudaginn 7. ágúst næstkomandi, verða lagðar fram tillögur um breytingar á samþykktum sjóðsins. Auglýsing um aukafundinn og breytingartillögurnar eru birtar með þessari frétt.
Ný siglingaraðstaða í Kópavogi
Ármann Kr. Ólafsson, forseti bæjarstjórnar í Kópavogi, og Alexander Arnarsson, varaformaður ÍTK, opna formlega nýja aðstöðu fyrir siglingarfólk að Naustavör 20 í Kópavogi við hátíðlega athöfn laugardaginn 25. júlí nk. kl. 13.00.
Bæjarstjórinn tók við vináttu- og friðarkyndli
Alþjóðlega friðarboðhlaupið „World Harmony Run“ kom til Kópavogs í gær, fimmtudaginn 16. júlí.
Óskað eftir tilnefningum til jafnréttisverðlauna
Jafnréttisnefnd Kópavogsbæjar auglýsir eftir tilnefningum vegna árlegrar jafnréttisviðurkenningar. Jafnréttisnefnd er það kappsmál að efla jafnrétti í sveitarfélaginu, bæði innan stjórnsýslu bæjarfélagsins sem og meðal fyrirtækja og stofnana sem í bænum starfa.
Gunnsteinn Sigurðsson tekur við starfi bæjarstjóra
Gunnsteinn Sigurðsson tók við starfi bæjarstjóra í Kópavogi 1. júlí. Gunnsteinn er 59 ára, kennari að mennt, hefur starfað við kennslu í meira en tvo áratugi og verið skólastjóri í Lindaskóla síðan 1997. Gunnsteinn er 10. bæjarstjóri Kópavogs og tekur við starfinu af Gunnari Birgissyni.
Samstarfsverkefni eldri og yngri Kópavogsbúa verðlaunað
Hvatningarverðlaun Heimilis og skóla í ár hlaut samstarfsverkefni Kópavogsskóla og Gjábakka sem miðar að því „að brúa bilið á milli kynslóða“. Verðlaunin afhenti Katrín Jakobsdóttir menntamálaráðherra í Þjóðmenningarhúsinu 4. júní samtímis því sem hún afhenti foreldraverðlaun og dugnarðarforkaverðlaun samtakanna.
Fyrsti gæsluvöllurinn í Kópavogi 50 ára
Föstudaginn 26. júní næstkomandi verður haldið upp á 50 ára afmæli Holtsvallar í Kópavogi og um leið svokallaðan Stelludag, sem haldinn er árlega á Holtsvelli.
Yfirlýsing frá kjörnum stjórnarmönnum LSK
Eftirfarandi yfirlýsing var send fjölmiðlum í dag í tilefni af fréttatilkynningu og aðgerðum fjármálaráðuneytisins:„Kjörnir stjórnarmenn Lífeyrissjóðs starfsmanna Kópavogsbæjar (LSK) af hálfu bæjarstjórnar og starfsmanna, lýsa furðu sinni á hörðum aðgerðum Fjármálaeftirlitsins (FME) og fjármálaráðuneytisins, sem skipað hafa umsjónarmann með sjóðnum, þrátt fyrir að stjórn hans og framkvæmdastjóri hafi ítrekað og að eigin frumkvæði upplýst fulltrúa FME um fjárfestingar hans.
Frábær fjölskylduskemmtun
Mannfjöldinn, sem kom saman á Rútstúni til að taka þátt í fjölskylduskemmtuninni og fylgjast með þjóðhátíðardagskránni, var ekki minni en metárið í fyrra þegar þjóðhátíðargestir voru um 16 þúsund. Bæjarstjórinn lagði út af kreppunni í þjóðhátíðarávarpi sínu.
Dagskrá 17. júní
Dagskrá þjóðhátíðardagsins í Kópavogi hefst á tónum brassbanda frá Skólahljómsveit Kópavogs. Böndin aka um bæinn og óska Kópavogsbúum gleðilegrar hátíðar.
Greinargerð um viðskipti við Frjálsa miðlun
Endurskoðunarskrifstofan Deloitte hf. hefur skilað greinargerð um viðskipti Kópavogsbæjar við Frjálsa miðlun ehf. á árunum 2003 til 2008 samkvæmt beiðni bæjarráðs Kópavogs.Skýrsluna má lesa hér.
Viðauka Deloitte má lesa hér.
Helmingslækkun gjalda á sumarnámskeið ÍTK
ÍTK hefur fengið styrk frá Velferðarsjóði barna vegna sumarnámskeiða 2009. Styrkurinn felur í sér að öll námskeiðsgjöld lækka um helming.
Jazz- og blúshátíð Kópavogs hafin
Jazz- og blúshátíð Kópavogs 2009 var sett í ungmennahúsinu Molanum við Hábraut í Kópavogi kl. 14.00 í dag. Samtímis var kynnt stofnun nýs félags um jazz- og blúsflutning í Kópavogi. „Við fögnum samstarfi milli lista- og menningarráðs Kópavogsbæjar annars vegar og Björns Thoroddsen og Jazz- og blúshátíðarinnar hins vegar,“ sagði Sigurrós Þorgrímsdóttir, forseti bæjarstjórnar og formaður lista- og menningarráðs, við setninguna.
Evrópskt skólasamstarf
Leikskólinn Furugrund í Kópavogi hefur undanfarin ár verið mjög öflugur þátttakandi í evrópsku skólasamstarfi. Í janúar síðastliðnum varð skólinn fyrstur íslenskra skóla útnefndur til Evrópuverðlauna í eTwinning. Hlaut skólinn annað sæti fyrir verkefnið 1.2. Buckle my shoe, verkefni sem fjallar um stærðfræði með börnum á leikskólaaldri.
Carnival í boði Gerplu
Árleg vorsýning íþróttafélagsins Gerplu fer fram laugardaginn 6. júní næstkomandi. Þemað er Carnival og er sýningin með eindæmum stór í ár. Í Gerplu æfa um 1.600 iðkendur þannig að það er af nógu að taka. Sýningin er í formi leiksýningar svo það má með sanni segja að hún sé frábrugðin öðrum fimleikasýningum hér á landi.
Sænsk þjóðhátíð
Komdu og skoðaðu sænskt efni á Bókasafni Kópavogs í tilefni af þjóðhátíðardegi Svía.Hinn 6. júní er þjóðhátíðardagur Svíþjóðar. Í tilefni af því sýnum við sænskar bækur, kvikmyndir, geisladiska o.fl. frá 2. júní til 14. júní.
Fimmtudaginn 4. júní kl. 17:00 heldur Haukur F. Hannesson erindið Svíþjóð - með augum Íslendings. Boðið verður upp á kaffi og sænskar kanilbollur. Allir velkomnir!
Traustur rekstur þrátt fyrir áföll í efnahagslífinu
Aðstæður á fjármálamarkaði setja mark sitt á uppgjör Kópavogsbæjar vegna ársins 2008. Ársreikningurinn, sem er til fyrri umræðu í bæjarstjórn Kópavogs í dag, sýnir tæplega 1 milljarðs kr. afgang af aðalsjóði áður en horft er til fjármagnskostnaðar og gjaldfærslu lífeyrisskuldbindinga. Daglegur rekstur var í samræmi við fjárhagsáætlun, tekjur heldur meiri en gjöldin nálægt áætlun. Sé hins vegar samstæðan skoðuð, A og B hluti ársreikningsins, er niðurstaðan neikvæð sem nemur 9.620.421.000 kr. Jazzhátíð Kópavogs
Jazzhátíð Kópavogs verður haldin dagana 4. til 6. júní og verður þar mikið um dýrðir. Tvennir stórtónleikar verða í Salnum þar sem stjórnandi hátíðarinnar, Björn Thoroddsen, sýnir á sér tvær hliðar.
Kópavogsskóli 60 ára
Í tilefni af því að 60 ár eru liðin frá því að kennsla hófst í elsta hluta Kópavogsskóla er foreldrum nemenda og öðrum sem áhuga hafa boðið í heimsókn í skólann föstudaginn 22. maí frá kl. 08:00 til 12:30.
Kópavogsdögum lokið
Stefán Hilmarsson, heiðurslistamaður Kópavogsbæjar árið 2008, sló botninn í Kópavogsdaga í gærkvöld með tónleikum í Salnum. Efnisskráin spannaði að mörgu leyti feril Stefáns í rúma tvo áratugi og var honum ákaft fagnað.
Leiðsögn um sýningu Baltasars
Baltasar og Árni Bergmann verða með leiðsögn um málverkasýningu Baltasar Mýtur og táknmyndir og Sjö orð Krists á krossinum í Gerðarsafni sunnudaginn 17. maí kl. 15.00.
Sálrænn stuðningur við palestínsk börn
Molaportið fékk frábærar viðtökur á Kópavogsdögum um liðna helgi. Rótaractfélagar söfnuðu 120 þúsund krónum til styrktar átaki Rauða kross Íslands „Sálrænn stuðningur við skólabörn í Palestínu“.
Hesthúsalóðir
Opið er fyrir umsóknir um byggingarétt á hesthúsalóð á Kjóavöllum. Hægt er að kynna sér lóðirnar á yfirlitskortum og sækja um þær rafrænt.
Kópavogur setur sér siðareglur
Kópavogsbær hefur fyrst sveitarfélaga á Íslandi sett sér siðareglur sem gilda um kjörna bæjarfulltrúa og stjórnendur hjá bæjarfélaginu. Bæjarstjórn Kópavogs samþykkti siðareglurnar einróma á fundi sínum í gær.
Óskað tilnefninga vegna umhverfisviðurkenninga
Umhverfisráð óskar nú, eins og undanfarin ár, eftir tilnefningum bæjarbúa vegna viðurkenninga ráðsins. Umhverfisviðurkenningar verða veittar í ágúst 2009. Heiðurslistamaður Kópavogs 2009
Hjálmar H. Ragnarsson tónskáld var kjörinn heiðurslistamaður Kópavogsbæjar fyrir árið 2009.
Tónlistarsafn Íslands opnað almenningi
Tónlistarsafn Íslands var opnað formlega með hátíðlegri dagskrá á Kópavogsdögum um helgina. Katrín Jakobsdóttir menntamálaráðherra óskaði þjóðinni til hamingju með safn sem geymdi minjar um tónlistarlíf sem stæðist samanburð við hvaða land sem væri. Gunnar I. Birgisson bæjarstjóri sagði að safnið yrði lifandi og myndi miðla af efni sínu bæði á Netinu og í útvarpi.
Baltasar í Gerðarsafni - Kópavogsdagar settir
Kópavogsdagar, menningarhátíð Kópavogsbæjar, voru settir á laugardaginn var í tengslum við opnun myndlistarsýningar Baltasars í Listasafni Kópavogs – Gerðarsafni. Á sýningunni, sem ber heitið Mýtur og táknmál, eru helgimyndir sem nú er sýndar almenningi í fyrsta sinn.
Kópavogsdagar 9. – 15. maí
Kópavogsdagar, menningarhátíð Kópavogsbæjar, hefst 9. maí og stendur óslitið til 15. maí. Dagskrárliðir Kópavogsdaga eru hátt í 200, viðburðirnir fjölbreyttir og allir ættu að finna eitthvað við sitt hæfi.Dagskrána í heild sinni er að finna á sérstökum vef www.kopavogsdagar.is en hún byggist að hluta til á starfsemi lista- og menningarstofnana bæjarfélagsins og að hluta til á listsköpun bæjarbúa og félagasamtaka auk annarra viðburða.
Ársfundur Lífeyrissjóðs Kópavogsbæjar
Ársfundur Lífeyrissjóðs Kópavogsbæjar 2009 verður haldinn fimmtudaginn 28. maí næstkomandi í bæjarstjórnarsal Kópavogs, Fannborg 2, 1. hæð, og hefst hann kl. 17.00.
Samantekt hraðavöktunar
Umferðarmenningin virðist eilítið skárri í Kópavogi en í fyrra ef marka má vöktun lögreglunnar. Brotahlutfall á Borgarholtsbraut hefur þó aukist. Lögreglan hefur tekið saman helstu niðurstöður úr vöktun sinni með hraðamyndavél.
Frestur til athugasemda við forvarnarstefnu
Forvarnarnefnd Kópavogs lætur hér með birta drög að forvarnarstefnu bæjarfélagsins og gefur bæjarbúum kost á að koma með athugasemdir við hana eða hugmyndir til 15. maí næstkomandi.
Fjölgun starfa í Kópavogi
Bæjarráð Kópavogs hefur samþykkt að ráða allt að 750 manns í sumarstörf hjá Kópavogsbæ sem er ríflega tvöföldun frá sumrinu 2008. Í sumarstörfin er ráðið starfsfólk sem er 17 ára eða eldra.
Umsóknir um sumarstörf í vinnuskóla
Vinnuskóli Kópavogs hefur opnað fyrir umsóknir um sumarstörf. Aðeins þeir unglingar sem sækja um fyrir 24. maí geta búist við að hefja störf þann 15. júní þegar starfsemi Vinnuskólans hefst.
Töfraflauta Mozarts í Lindakirkju
Óperudeild Söngskóla Sigurðar Demetz flytur Töfraflautuna eftir Mozart í Lindakirkju 8. maí næstkomandi kl. 20.00 og fær til liðs við sig frábæra söngvara, þau Sigrúnu Hjálmtýsdóttur í hlutverki næturdrottningarinnar og Bjarna Thor Kristinsson í voldugu hlutverki Sarastros.
Barnaleikritið Rúi og Stúi í Leikhúsinu
Leikfélag Kópavogs frumsýnir barnaleikritið Rúa og Stúa fimmtudaginn 30. apríl kl. 18.00 í Leikhúsinu við Funalind.Smellið á „Lesa meira“ til að fá upplýsingar um sýningardaga.
Betri kjörsókn en 2007
Kjörsókn í Kópavogi var alls 76,71% í alþingiskosningunum á laugardag eða 1,9% betri en árið 2007. Uppfærðar tölur um kjörsókn voru birtar á klukkustundar fresti á heimasíðu Kópavogsbæjar meðan á kjörfundi stóð.
Gleðilegt sumar
Dagskrá sumardagsins fyrsta var með hefðbundnu sniði í Kópavogi. Að lokinni skátamessu í Lindakirkju gengu skátar fyrir skrúðgöngu frá Digraneskirkju í íþróttahúsið Smárann þar sem beið bæjarbúa skemmtidagskrá.
Sumarbæklingur ÍTK 2009
Í sumarbæklingi íþrótta- og tómstundaráðs Kópavogs fyrir árið 2009 er að finna mörg áhugaverð bæði ný og rótgróin tómstunda- og íþróttanámskeið fyrir börn og unglinga. Leikja- og reiðnámskeið ÍTK, skapandi námskeið, smíðavellir og siglingarnámskeiðið eru á sínum stað og við bætast fjögur ný námskeið, leiklistarnámskeið, leikja- og sundnámskeið, ævintýra- og útivistarnámskeið og námskeið í stuttmyndagerð.
Námskeið fyrir foreldra leikskólabarna
Haldin verða uppeldisnámskeið fyrir foreldra leikskólabarna í Kópavogi, hið fyrsta í maí. Sérstök áhersla verður á gildi þess að byrja sem allra fyrst á ævi barnsins að vinna skipulega að góðum og árangursríkum uppeldisháttum. Námskeiðin eru foreldrum að kostnaðarlausu. Fjöldi er takmarkaður við 30 manns.Kópavogsbúar gera hreint fyrir sínum dyrum
Sem endranær verða starfsmenn Kópavogsbæjar á ferðinni í lok apríl og byrjun maí við að hreinsa garðaúrgang sem eigendur lóða og landssvæða setja utan við lóðarmörk sín.
Vinnumarkaðsúrræði í Kópavogi
Vinnumálastofnun hefur samþykkt umsóknir um 11 stöðugildi í Kópavogsbæ tengd átaksverkefnum vegna samdráttar á vinnumarkaði. Hún hefur jafnframt umsóknir um 32 stöðugildi í viðbót til úrvinnslu. Kópavogsbær mun sækja um allt að 80 stöðugildi til Vinnumálastofnunar til að bregðast við atvinnuleysi.
Stórstjörnur í Salnum - Dalton Baldwin og Julie Boulianne
Hinn heimsþekkti og dáði listamaður, píanóleikarinn Dalton Baldwin, kemur fram á TÖFRA-tónleikum í TÍBRÁ í Salnum laugardaginn 25. apríl kl. 17. Með honum er ung kanadísk söngstjarna, Julie Boulianne mezzósópran, og saman flytja þau lög eftir Hahn, Ravel, Poulenc, Berlioz og Rossini auk kanadískra söngva. Tónleikarnir eru haldnir í minningu tónlistarunnandans og barnalæknisins Halldórs Hansen.
Sumardagurinn fyrsti - dagskrá
Fimmtudaginn 23. apríl verður sumardeginum fyrsta fagnað með skátamessu í Lindakirkju kl 11:00. Skrúðganga skátafélagsins Kópa heldur af stað frá Digraneskirkju kl. 13:30 í Smárann þar sem fram fer hátíðardagskrá fyrir íbúa bæjarins.
Jónas Ingimundarson í Salnum - ókeypis aðgangur
Þriðjudagskvöldið 21. apríl kl. 20 býður Salurinn upp á síðustu Slaghörpuna í bili. Auður Gunnarsdóttir kemur í heimsókn, karlakórinn gamlir Fóstbræður lítur inn og síðast en ekki síst kemur leynigestur frá Grænlandi, tenór, sem tekur þátt í söngnum. Efnisskráin verður að mestu leyti íslenskt efni, sum þekktustu og vinsælustu sönglögin okkar.
Kosningasíða
Kjörstaðir í Kópavogi verða tveir í Alþingiskosningunum á laugardaginn kemur. Hver og einn getur athugað hvort hann eigi að kjósa í Smáranum eða Hörðuvallaskóla og í hvaða kjördeild á sérstakri kosningasíðu sem opnast ef smellt er á myndina hér við hliðina.
Fræðsludagur HSSK
Laugardaginn 18. apríl næstkomandi verða fræðsludagar í húsnæði Hjálparsveitar skáta í Kópavogi við Kópavogshöfn en þeir eru haldnir í tilefni af því að sveitin verður 40 ára í haust.
Umferðavöktun
Lögreglan heldur áfram umferðarvöktun sinni í Kópavogi. Í dag var fylgst með umferð um Grænatún og Digranesveg en þar hefur ástandið ekkert batnað frá því í fyrra.
Leikverk um Facebook
Unglingadeild Leikfélags Kópavogs frumsýndi laugardaginn 4. apríl nýtt spunaleikverk um heitasta netfyrirbæri síðari ára, Facebook.
Sívaxandi aðsókn að Bókasafni Kópavogs
Þróun á gestakomum og útlánum hjá Bókasafni Kópavogs gefur vísbendingar um að fólk nýti sér bókasöfn í ríkara mæli þegar efnahagsástandið versnar.
Aðsóknarmet í Náttúrufræðistofu Kópavogs
Á árinu 2008 heimsóttu 10.207 gestir Náttúrufræðisafn Kópavogs í Hamraborg 6a og hafa þeir ekki verið fleiri á einu ári frá upphafi.
Nýr forstöðumaður upplýsingatæknideildar
Sæmundur Valdimarsson var valinn úr hópi 44 umsækjenda í starf forstöðumanns upplýsingatæknideildar Kópavogsbæjar.
Tónleikar í Salnum: "Eins og litlar sögur og góð máltíð"
Óbótónleikar í Salnum: Kópavogsbúinn Matthías Nardeau og Anna Guðný Guðmundsdóttir - laugardaginn 4. apríl kl. 17.
?Svipstundir? - ljósmyndasýning í Molanum
„Svipstundir“, ljósmyndasýning Guðrúnar Huldu Pálsdóttur, stendur yfir í Gallerí Sykri í ungmennahúsinu Molanum í Kópavogi.
Þriðjungur ekur of hratt á Kársnesbraut
Liðlega þrír af hverjum tíu bílstjórum sem aka um Kársnesbraut aka of hratt og geta átt von á afskiptum lögreglu.
Fyrsta skóflustunga að leiguíbúðum fyrir aldraða
Sjómannadagsráð reisir 95 leiguíbúðir fyrir 60 ára og eldri í Kópavogi. Gunnar I. Birgisson, bæjarstjóri í Kópavogi, og Guðmundur Hallvarðsson, formaður Sjómannadagsráðs, tóku í dag, föstudaginn 27. mars, fyrstu skóflustunguna að nýjum leiguíbúðunum við Boðaþing steinsnar frá þjónstumiðstöð sem Kópavogsbær reisir fyrir aldraða í samstarfi við ríkið.
Flestir aka of hratt eftir Borgarholtsbraut
Lækkun hámarkshraða á Borgarholtsbraut úr 50 í 30 km hraða á klukkustund hefur ekki borið tilætlaðan árangur. Umferðarhegðun á Kópavogsbraut og í Dalsmára er betri en fyrir ári.
Starfsdagur dagforeldra
Þátttaka í árlegum starfsdegi dagforeldra var mjög góð þar sem boðið var upp á heimsókn í ungbarnaleikskóla og fyrirlestra leikskólaráðgjafa og sérkennsluráðgjafa.
Leikskólarnir fá töfl úr Skákstyrktarsjóði
Skákstyrktarsjóður Kópavogs hefur úthlutað öllum leikskólum sem starfræktir eru í Kópavogi fjórum töflum til eignar ásamt bókinni Skákþjálfun eftir Alexander Koblenz. Þetta er í fyrsta sinn sem úthlutað er úr skákstyrktarsjóðnum en hann var stofnaður á haustmánuðum 2008.
?Fiskur í steini? í Náttúrufræðistofu Kópavogs
Lísa K. Guðjónsdóttir opnar sýningu sína „Fiskur í steini“ í Náttúrufræðistofu Kópavogs 19. mars næstkomandi. Frá árinu 2000 hefur Lísa unnið í grjót en það er fyrst nú, á árinu 2009, sem hún sýnir steinskúlptúra sína opinberlega.
Lið Kópavogs vann sigur í Útsvari
Vösk sveit Kópavogs í spurningakeppni Sjónvarpsins Útsvari hreppti sigurlaunin í úrslitaviðureigninni við Fljótsdalshérað á föstudag. Lið Kópavogs hefur farið með sigur af hólmi bæði árin sem keppt hefur verið í Útsvari.
Umsóknarvefur vegna sumarstarfa
Tekið verður við umsóknum um sumarstörf hjá Kópavogsbæ hér á heimasíðunni frá og með mánudaginn 16. mars. Störfin eru fyrir þá sem eru fæddir árið 1992 og fyrr. Umsóknarfrestur er til 5. apríl næstkomandi.
Styrkveitingar á sviði lista og menningar
Lista- og menningarráð Kópavogs auglýsir eftir ábendingum um framúrskarandi listnema, umsóknum um starfsstyrki listamanna árið 2009 og um styrki til verkefna eða viðburða á sviði menningar og lista í bæjarfélaginu. Frestur er veittur til 10. apríl næstkomandi.
Ungmenni vilja samveru
Ungmenni vilja verja tíma með foreldrum og fjölskyldu. Þau vilja samveru með fjölskyldu bæði í útiveru, ferðalögum, íþróttum og heima við. Hversdagslegir hlutir eins og að borða saman eru efstir á óskalistanum á þessu ári eins og á því síðasta. Þessar eru niðurstöður Forvarnardagsins sem haldinn var í nóvember 2008.
Innritun í grunnskóla Kópavogs næsta vetur
Innritun 6 ára barna (fædd 2003) fyrir skólaárið 2009 – 2010 fer fram í grunnskólum Kópavogs mánudaginn 9. og þriðjudaginn 10. mars.
Jafnræðisvika í Menntaskólanum í Kópavogi
Jafnræðisdagar verða í Menntaskólanum í Kópavogi 9. – 12. mars næstkomandi. Dagarnir eru samvinnuverkefni MK og jafnréttisnefndar Kópavogsbæjar.
Gæðakerfi tekið í notkun
Innleiðing gæðakerfis í stjórnsýslu Kópavogsbæjar hófst í morgun með námskeiði fyrir stjórnendur á hinum margvíslegu sviðum bæjarskrifstofanna. „Tilgangurinn er að bæta enn frekar þá þjónustu og upplýsingagjöf sem bæjarbúar njóta,“ sagði Gunnar I. Birgisson bæjarstjóri þegar hann fylgdi verkefninu úr hlaði með ávarpi.
Undirritun samninga um þjónustu við atvinnulausa
Samningar Kópavogsbæjar við sundlaugar Kópavogs, Bókasafn Kópavogs og líkamsræktarstöðvarnar Mecca Spa, Nautilus, Sporthúsið og World Class Turninn um þjónustu við atvinnulausa Kópavogsbúa voru undirritaðir í dag.Öskudagur
Kópavogsbær fékk fjölda barna í heimsókn á öskudag sem sungu og þágu góðgæti. Þar á meðal voru Saga Sól og Guðný Margrét í gervi húss og Iðunn í búningi listmálara.Þjónusta við atvinnulausa
Bæjarráð Kópavogs hefur samþykkt að Kópavogsbær greiði fyrir sex mánaða bókasafnskort og sömuleiðis þriggja mánaða kort til að stunda líkamsrækt, hvort heldur er í sundlaugum bæjarins eða líkamsræktarmiðstöðvum, fyrir Kópavogsbúa sem eru á atvinnuleysisbótum og ekki njóta samsvarandi styrkja frá stéttarfélagi.
Húmor og fyndni í Bókasafni Kópavogs
Bjarni Harðarson, fyrrverandi alþingismaður, er væntanlegur í Bókasafn Kópavogs fimmtudagskvöldið 19. febrúar til að tala um íslenska fyndni. Heimsókn hans er liður í röð erinda um húmor og fyndni sem haldin eru í bókasafninu.
Fjölþætt samstarf við OR innsiglað
Gunnar I. Birgisson, bæjarstjóri í Kópavogi, og Hjörleifur B. Kvaran, forstjóri Orkuveitu Reykjavíkur, hafa gengið frá samkomulagi um samstarf við sameiginlegar framkvæmdir, götulýsingu og rafmagnskaup fyrir stofnanir sveitarfélagsins af Orkuveitunni.
Dagatal í tilefni af afmæli Kvennasamnings
Jafnréttisstofa hefur gefið út dagatal í tilefni 30 ára afmælis samnings um afnám allrar mismunar gagnvart konum eða Kvennasáttmálans sem var samþykktur af allsherjarþingi Sameinuðu þjóðanna 18.desember 1979. Myndin er frá afhendingu dagatalsins í Hörðuvallaskóla.
Frábær árangur á Íslandsmóti í skák
Stúlkur í grunnskólum í Kópavogi sóttu bæði gull og silfur á Íslandsmót grunnskólasveita í skák í stúlknaflokki. Salaskóli sigraði en Hjallaskóli varð í öðru sæti.
Reglur um tónlistarnám í öðru sveitarfélagi
Tómstunda- og menningarsvið Kópavogsbæjar fer með umboð sveitarfélagins vegna greiðslu kostnaðar af tónlistarkennslu í öðru sveitarfélagi. Tónlistarnemendur í Kópavogi þurfa að sækja um námsvist í öðru sveitarfélagi í samræmi við reglur sem hafa verið birtar á heimasíðu bæjarfélagsins.
Lífshlaupið hafið
Lífshlaupið, sem hófst í dag, er hvatningar- og átaksverkefni Íþrótta- og Ólympíusambands Íslands. Lífshlaupið höfðar til allra landsmanna og er ætlað að skapa skemmtilega stemningu og auka félagsandann á vinnustöðum.
Lokað í innheimtu og bókhaldi á morgun
Vegna uppfærslu á tölvukerfi bæjarskrifstofa Kópavogs verður lokað í innheimtu og bókhaldi bæjarins á morgun, föstudaginn 6. febrúar.
Dagur leikskólans 2009
Dagur leikskólans 6. febrúar er nú haldinn hátíðlegur öðru sinni. Yfirskrift dagsins í leikskólum Kópavogs er að „varpa ljósi á barnið í leikskólanum“ eins og fram kemur í auglýsingu þeirra um þennan dag.
Auglýst eftir umsóknum í skákstyrktarsjóð
Fyrsta úthlutun úr Skákstyrktarsjóði Kópavogs fer fram í mars næstkomandi en umsóknarfrestur rennur út í lok febrúarmánaðar.
Góð og örugg notkun á netinu
Handbók félagsmiðstöðva ÍTK komin út
Í handbók félagsmiðstöðva Íþrótta- og tómstundaráðs Kópavogs er gerð grein fyrir starfi félagsmiðstöðvanna og fjallað um markmiðin með unglingastarfinu. Þá er þar einnig að finna upplýsingar um stjórnendur og starfsfólk.
Sigurvegarar í Söngkeppni ÍTK fara í Höllina
Harpa Ósk Björnsdóttir og Glódís Perla Viggósdóttir úr félagsmiðstöðinni Igló, Snælandsskóla, unnu 1. sætið í Söngkeppni ÍTK á miðvikudagskvöldið, 28. janúar síðastliðinn. Þrjú efstu sætin unnu til þátttöku í söngkeppni Samfés á Samféshátíðinni í Laugardalshöll helgina 20.–21. febrúar næstkomandi.
Skíðaganga á golfvellinum
Áhugamenn um skíðagöngu eru boðnir velkomnir á golfvöll GKG. Skíðagöngubraut hefur verið troðin um golfvöllinn Garðabæjarmegin á landi golfklúbbsins. Hægt er að leggja bílum við golfskálann eða æfingasvæðið og skemmta sér með skíðagöngu á meðan snjórinn dugar.
Jafnréttisnefnd gefur bækur
Jafnréttisnefnd Kópavogsbæjar ákvað í tilefni af þátttöku bæjarins í verkefninu „Jafnrétti í skólum” að gefa skólastjórum leik- og grunnskóla bæjarins bækur um jafnrétti í skólastarfi. Formaður jafnréttisnefndar, Una María Óskarsdóttir, afhenti bækurnar, á fundum skólastjóra bæjarins nýlega.
Kópavogsbúar 30 þúsund
Íbúar í Kópavogi urðu 30 þúsund 10. janúar síðastliðinn þegar Jóhannesi Kr. Kristjánssyni og Brynju Gísladóttur fæddist sonur.
Tónlistarsafn Íslands sett á fót í Kópavogi
Þorgerður Katrín Gunnarsdóttir menntamálaráðherra fyrir hönd menntamálaráðuneytisins og Gunnar I. Birgisson bæjarstjóri fyrir hönd Kópavogsbæjar undirrituðu í dag samning um stofnun og rekstur Tónlistarsafns Íslands í Kópavogi. „Söguleg stund,“ sagði Jónas Ingimundarson, píanóleikari og tónlistarráðunautur Kópavogs.
Anton Helgi fékk Ljóðstafinn 2009
Anton Helgi Jónsson rithöfundur hlaut Ljóðstaf Jóns úr Vör fyrir ljóð sitt „Einsöngur án undirleiks“ í árlegri ljóðasamkeppni lista- og menningarráðs Kópavogs. Anton Helgi er sjöundi handhafi verðlaunanna frá stofnun samkeppninnar árið 2002.
Þjónustusamningur um Aðalþing
Kópavogsbær hefur gert þjónustusamning við Sigöldu ehf. um rekstur leikskóla við Aðalþing í Kópavogi. Aðalþing verður um 120 barna leikskóli sem gert er ráð fyrir að taki til starfa í febrúar eða mars næstkomandi. Ljóðstafur Jóns úr Vör á miðvikudag
Verðlaun í ljóðasamkeppninni Ljóðstafur Jóns úr Vör verða veitt í áttunda sinn miðvikudaginn 21. janúar kl. 20 í Salnum. Aðgangur er ókeypis og allir velkomnir.
Umsóknir í TÍBRÁ
Auglýst hefur verið eftir umsóknum um þátttöku í tónleikaröðinni TÍBRÁ í Salnum starfsárið 2009–2010.
Samið við dansfélagið Hvönn um aðstöðu í Kórnum
Kópavogsbær hefur gert samning við dansfélagið Hvönn um afnot af æfingahúsnæði í fjölnotahúsinu Kórnum.
Samið við GKG um aðstöðu í Kórnum
Kópavogsbær hefur gert samning við Golfklúbb Kópavogs- og Garðabæjar (GKG) um afnot af æfingahúsnæði í fjölnotahúsinu Kórnum.
Hugarheill gegn þunglyndi og óyndi
Forvarnanefnd Kópavogs hefur samið við dr. Eirík Örn Arnarson sálfræðing um verkefnið Hugarheill, Hugur og heilsa, fyrir grunnskóla Kópavogs en það er forvörn gegn þunglyndi. Markmiðið er að verkefnið skili góðum árangri sem forvörn gegn þunglyndi eða óyndi í grunnskólum Kópavogs og að verkefnið verði að árlegu verkefni fyrir 9. bekkinga.
Útsvar í kvöld
Í kvöld kl. 20.15 eigast við lið Kópavogs og Skagafjarðar í Útsvari, spurningaleik Sjónvarpsins.
Ljóðasamvinna kynslóðanna
Átta ára nemendur í Kópavogsskóla og eldri borgarar í félagsmiðstöðinni Gjábakka í Kópavogi sameina krafta sína og gefa út ljóðabók.
Sorphirðudagar í Kópavogi 2009
Dagatal með sorphirðudögum í Kópavogi hefur verið birt á heimasíðu bæjarins. Litapunktar á dagatali sem fylgir korti af bænum sýna á hvaða dögum tæmt verður. Enn fremur eru endurvinnslustöðvar Sorpu og grenndargámar merktir inn á kortið.Athugasemdir eða ábendingar skulu berast Áhaldahúsi Kópavogs í síma 5701660.
Sorphirðudagatal Kópavogs
Jafnréttisþing 16. janúar
Í samræmi við nýsamþykkt lög um jafna stöðu og jafnan rétt kvenna og karla boða félags- og tryggingamálaráðuneytið og Jafnréttisráð til jafnréttisþings 16. janúar næstkomandi að Hótel Nordica klukkan 9 til 17. Gítarsnillingur hlaut tónlistarstyrk Rótarý
Ögmundur Þór Jóhannesson gítarleikari hlaut í föstudagskvöldið 9. janúar 500 þúsund króna styrk úr Tónlistarsjóði Rótarý en úr honum er úthlutað á árlegum stórtónleikum Rótarýumdæmisins á Íslandi í Salnum.
Stórtónleikar Rótarý í Salnum
Nánast er uppselt á árlega stórtónleika Rótarý í Salnum, Tónlistarhúsi Kópavogs, föstudagskvöldið næstkomandi, 9. janúar, kl. 20. Í þetta sinn verða haldnir tvennir tónleikar og eru enn til miðar á þá seinni, laugardaginn 10. janúar kl. 16. Öllum er heimill aðgangur og er miðaverð 3500 kr.
Jólatré og flugeldarusl hirt
Starfsmenn áhaldahúss Kópavogsbæjar fara þessa dagana um bæinn og hirða jólatré og rusl eftir flugelda sem íbúar hafa komið fyrir utan við lóðamörk. Hreinsunarátakið stendur til 16. janúar. Eftir það þurfa íbúar sjálfir að koma trjánum í Sorpu eða annan endurvinnslustað.
Þrettán bæjarstarfsmenn fengu gullúr
Þrettán starfsmenn hafa á þessu ári náð 25 ára starfsaldri hjá Kópavogsbæ. Gunnar I. Birgisson bæjarstjóri afhenti þeim viðurkenningu af þessu tilefni rétt fyrir áramót.
Gunnleifur og Linda Björk íþróttamenn ársins
Gunnleifur V. Gunnleifsson, knattspyrnumaður úr HK, og Linda Björk Lárusdóttir, frjálsíþróttakona úr Breiðabliki, hafa verið kjörin íþróttakarl og íþróttakona Kópavogs fyrir árið 2008. Flokkur ársins var kjörinn P-1 meistaraflokkshópur Gerplu í hópfimleikum. Kjörinu var lýst á íþróttahátíð Kópavogs í Salnum í kvöld.
Salurinn lundur við lífsins læk
„Salurinn í Tónlistarhúsi Kópavogs er einn af vaxtarbroddum tónlistarlífsins í landinu,“ sagði Sigurrós Þorgrímsdóttir, formaður lista- og menningarráðs Kópavogs, í ávarpi sínu í tilefni af 10 ára afmæli Salarins, tónlistarhúss Kópavogs, í gær.
Námskeiðið ?Barnið komið heim? slær í gegn
Foreldranámskeið, sem ÓB-ráðgjöf heldur á vegum Félagsþjónustu Kópavogs, hafa notið mikilla og verðskuldaðra vinsælda. Nýtt námskeið hefst 19. janúar næstkomandi.
Almenn ánægja með daggæslu í Kópavogi
Almenn ánægja ríkir með daggæslu í Kópavogi samkvæmt niðurstöðum árlegrar könnunar sem daggæsludeild Félagsþjónustu Kópavogs lætur framkvæma.
Þetta vefsvæði byggir á Eplica