Fréttasafn

Harpa Ósk Björnsdóttir og Glódís Perla Viggósdóttir úr félagsmiðstöðinni Igló, Snælandsskóla, unnu 1. sætið í Söngkeppni ÍTK á miðvikudagskvöldið, 28. janúar síðastliðinn. Þrjú efstu sætin unnu til þátttöku í söngkeppni Samfés á Samféshátíðinni í Laugardalshöll helgina 20.–21. febrúar næstkomandi.

Áhugamenn um skíðagöngu eru boðnir velkomnir á golfvöll GKG. Skíðagöngubraut hefur verið troðin um golfvöllinn Garðabæjarmegin á landi golfklúbbsins. Hægt er að leggja bílum við golfskálann eða æfingasvæðið og skemmta sér með skíðagöngu á meðan snjórinn dugar.

Jafnréttisnefnd Kópavogsbæjar ákvað í tilefni af þátttöku bæjarins í verkefninu „Jafnrétti í skólum” að gefa skólastjórum leik- og grunnskóla bæjarins bækur um jafnrétti í skólastarfi. Formaður jafnréttisnefndar, Una María Óskarsdóttir, afhenti bækurnar, á fundum skólastjóra bæjarins nýlega.

Íbúar í Kópavogi urðu 30 þúsund 10. janúar síðastliðinn þegar Jóhannesi Kr. Kristjánssyni og Brynju Gísladóttur fæddist sonur.

Þorgerður Katrín Gunnarsdóttir menntamálaráðherra fyrir hönd menntamálaráðuneytisins og Gunnar I. Birgisson bæjarstjóri fyrir hönd Kópavogsbæjar undirrituðu í dag samning um stofnun og rekstur Tónlistarsafns Íslands í Kópavogi. „Söguleg stund,“ sagði Jónas Ingimundarson, píanóleikari og tónlistarráðunautur Kópavogs.

Anton Helgi Jónsson rithöfundur hlaut Ljóðstaf Jóns úr Vör fyrir ljóð sitt „Einsöngur án undirleiks“ í árlegri ljóðasamkeppni lista- og menningarráðs Kópavogs. Anton Helgi er sjöundi handhafi verðlaunanna frá stofnun samkeppninnar árið 2002.

Kópavogsbær hefur gert þjónustusamning við Sigöldu ehf. um rekstur leikskóla við Aðalþing í Kópavogi. Aðalþing verður um 120 barna leikskóli sem gert er ráð fyrir að taki til starfa í febrúar eða mars næstkomandi.

Verðlaun í ljóðasamkeppninni Ljóðstafur Jóns úr Vör verða veitt í áttunda sinn miðvikudaginn 21. janúar kl. 20 í Salnum. Aðgangur er ókeypis og allir velkomnir.

Auglýst hefur verið eftir umsóknum um þátttöku í tónleikaröðinni TÍBRÁ í Salnum starfsárið 2009–2010.

Kópavogsbær hefur gert samning við dansfélagið Hvönn um afnot af æfingahúsnæði í fjölnotahúsinu Kórnum.

Kópavogsbær hefur gert samning við Golfklúbb Kópavogs- og Garðabæjar (GKG) um afnot af æfingahúsnæði í fjölnotahúsinu Kórnum.

Forvarnanefnd Kópavogs hefur samið við dr. Eirík Örn Arnarson sálfræðing um verkefnið Hugarheill, Hugur og heilsa, fyrir grunnskóla Kópavogs en það er forvörn gegn þunglyndi. Markmiðið er að verkefnið skili góðum árangri sem forvörn gegn þunglyndi eða óyndi í grunnskólum Kópavogs og að verkefnið verði að árlegu verkefni fyrir 9. bekkinga.

Í kvöld kl. 20.15 eigast við lið Kópavogs og Skagafjarðar í Útsvari, spurningaleik Sjónvarpsins.

Átta ára nemendur í Kópavogsskóla og eldri borgarar í félagsmiðstöðinni Gjábakka í Kópavogi sameina krafta sína og gefa út ljóðabók.

Dagatal með sorphirðudögum í Kópavogi hefur verið birt á heimasíðu bæjarins. Litapunktar á dagatali sem fylgir korti af bænum sýna á hvaða dögum tæmt verður. Enn fremur eru endurvinnslustöðvar Sorpu og grenndargámar merktir inn á kortið.

Athugasemdir eða ábendingar skulu berast Áhaldahúsi Kópavogs í síma 5701660.

Sorphirðudagatal Kópavogs

Í samræmi við nýsamþykkt lög um jafna stöðu og jafnan rétt kvenna og karla boða félags- og tryggingamálaráðuneytið og Jafnréttisráð til jafnréttisþings 16. janúar næstkomandi að Hótel Nordica klukkan 9 til 17.

Ögmundur Þór Jóhannesson gítarleikari hlaut í föstudagskvöldið 9. janúar 500 þúsund króna styrk úr Tónlistarsjóði Rótarý en úr honum er úthlutað á árlegum stórtónleikum Rótarýumdæmisins á Íslandi í Salnum.

Nánast er uppselt á árlega stórtónleika Rótarý í Salnum, Tónlistarhúsi Kópavogs, föstudagskvöldið næstkomandi, 9. janúar, kl. 20. Í þetta sinn verða haldnir tvennir tónleikar og eru enn til miðar á þá seinni, laugardaginn 10. janúar kl. 16. Öllum er heimill aðgangur og er miðaverð 3500 kr.

Starfsmenn áhaldahúss Kópavogsbæjar fara þessa dagana um bæinn og hirða jólatré og rusl eftir flugelda sem íbúar hafa komið fyrir utan við lóðamörk. Hreinsunarátakið stendur til 16. janúar. Eftir það þurfa íbúar sjálfir að koma trjánum í Sorpu eða annan endurvinnslustað.

Þrettán starfsmenn hafa á þessu ári náð 25 ára starfsaldri hjá Kópavogsbæ. Gunnar I. Birgisson bæjarstjóri afhenti þeim viðurkenningu af þessu tilefni rétt fyrir áramót.

Gunnleifur V. Gunnleifsson, knattspyrnumaður úr HK, og Linda Björk Lárusdóttir, frjálsíþróttakona úr Breiðabliki, hafa verið kjörin íþróttakarl og íþróttakona Kópavogs fyrir árið 2008. Flokkur ársins var kjörinn P-1 meistaraflokkshópur Gerplu í hópfimleikum. Kjörinu var lýst á íþróttahátíð Kópavogs í Salnum í kvöld.

„Salurinn í Tónlistarhúsi Kópavogs er einn af vaxtarbroddum tónlistarlífsins í landinu,“ sagði Sigurrós Þorgrímsdóttir, formaður lista- og menningarráðs Kópavogs, í ávarpi sínu í tilefni af 10 ára afmæli Salarins, tónlistarhúss Kópavogs, í gær.

Foreldranámskeið, sem ÓB-ráðgjöf heldur á vegum Félagsþjónustu Kópavogs, hafa notið mikilla og verðskuldaðra vinsælda. Nýtt námskeið hefst 19. janúar næstkomandi.

Almenn ánægja ríkir með daggæslu í Kópavogi samkvæmt niðurstöðum árlegrar könnunar sem daggæsludeild Félagsþjónustu Kópavogs lætur framkvæma.