Fara í leit Fara í samskiptaupplýsingar

Fréttasafn

Fréttasafn

Fyrirsagnalisti

Fyrsta skóflustunga að leiguíbúðum fyrir aldraða - 27.3.2009

Guðmundur Hallvarðsson, formaður Sjómannadagsráðs, og Gunnar I. Birgisson bæjarstjóri hefja verkið við leiguíbúðir fyrir aldraða með formlegum hætti.Sjómannadagsráð reisir 95 leiguíbúðir fyrir 60 ára og eldri í Kópavogi. Gunnar I. Birgisson, bæjarstjóri í Kópavogi, og Guðmundur Hallvarðsson, formaður Sjómannadagsráðs, tóku í dag, föstudaginn 27. mars, fyrstu skóflustunguna að nýjum leiguíbúðunum við Boðaþing steinsnar frá þjónstumiðstöð sem Kópavogsbær reisir fyrir aldraða í samstarfi við ríkið.

Flestir aka of hratt eftir Borgarholtsbraut - 26.3.2009

Lækkun hámarkshraða á Borgarholtsbraut úr 50 í 30 km hraða á klukkustund hefur ekki borið tilætlaðan árangur. Umferðarhegðun á Kópavogsbraut og í Dalsmára er betri en fyrir ári.

Starfsdagur dagforeldra - 25.3.2009

Þátttaka í árlegum starfsdegi dagforeldra var mjög góð þar sem boðið var upp á heimsókn í ungbarnaleikskóla og fyrirlestra leikskólaráðgjafa og sérkennsluráðgjafa.

Leikskólarnir fá töfl úr Skákstyrktarsjóði - 17.3.2009

Skákstyrktarsjóður Kópavogs afhenti öllum leikskólum í bænum fjögur töfl og grundvallarrit í skákþjálfun.Skákstyrktarsjóður Kópavogs hefur úthlutað öllum leikskólum sem starfræktir eru í Kópavogi fjórum töflum til eignar ásamt bókinni Skákþjálfun eftir Alexander Koblenz. Þetta er í fyrsta sinn sem úthlutað er úr skákstyrktarsjóðnum en hann var stofnaður á haustmánuðum 2008.

?Fiskur í steini? í Náttúrufræðistofu Kópavogs - 17.3.2009

Lísa K. Guðjónsdóttir opnar sýningu sína „Fiskur í steini“ í Náttúrufræðistofu Kópavogs 19. mars næstkomandi. Frá árinu 2000 hefur Lísa unnið í grjót en það er fyrst nú, á árinu 2009, sem hún sýnir steinskúlptúra sína opinberlega.

Lið Kópavogs vann sigur í Útsvari - 16.3.2009

Vösk sveit Kópavogs í spurningakeppni Sjónvarpsins Útsvari hreppti sigurlaunin í úrslitaviðureigninni við Fljótsdalshérað á föstudag. Lið Kópavogs hefur farið með sigur af hólmi bæði árin sem keppt hefur verið í Útsvari.

Umsóknarvefur vegna sumarstarfa - 13.3.2009

Tekið verður við umsóknum um sumarstörf hjá Kópavogsbæ hér á heimasíðunni frá og með mánudaginn 16. mars. Störfin eru fyrir þá sem eru fæddir árið 1992 og fyrr. Umsóknarfrestur er til 5. apríl næstkomandi.

Styrkveitingar á sviði lista og menningar - 13.3.2009

Lista- og menningarráð Kópavogs auglýsir eftir ábendingum um framúrskarandi listnema, umsóknum um starfsstyrki listamanna árið 2009 og um styrki til verkefna eða viðburða á sviði menningar og lista í bæjarfélaginu. Frestur er veittur til 10. apríl næstkomandi.

Ungmenni vilja samveru - 9.3.2009

Þetta vilja þau, skýrsla um Forvarnardaginn í nóvember 2008Ungmenni vilja verja tíma með foreldrum og fjölskyldu. Þau vilja samveru með fjölskyldu bæði í útiveru, ferðalögum, íþróttum og heima við. Hversdagslegir hlutir eins og að borða saman eru efstir á óskalistanum á þessu ári eins og á því síðasta. Þessar eru niðurstöður Forvarnardagsins sem haldinn var í nóvember 2008.

Innritun í grunnskóla Kópavogs næsta vetur - 9.3.2009

Innritun 6 ára barna (fædd 2003) fyrir skólaárið 2009 – 2010 fer fram í grunnskólum Kópavogs mánudaginn 9. og þriðjudaginn 10. mars.

Jafnræðisvika í Menntaskólanum í Kópavogi - 6.3.2009

Jafnræðisdagar verða í Menntaskólanum í Kópavogi 9. – 12. mars næstkomandi. Dagarnir eru samvinnuverkefni MK og jafnréttisnefndar Kópavogsbæjar.

Gæðakerfi tekið í notkun - 5.3.2009

Gunnar I. Birgisson bæjarstjóri ávarpar stjórnendur hjá Kópavogsbæ vegna innleiðingar á gæðakerfi í stjórnsýslu Kópavogsbæjar.Innleiðing gæðakerfis í stjórnsýslu Kópavogsbæjar hófst í morgun með námskeiði fyrir stjórnendur á hinum margvíslegu sviðum bæjarskrifstofanna. „Tilgangurinn er að bæta enn frekar þá þjónustu og upplýsingagjöf sem bæjarbúar njóta,“ sagði Gunnar I. Birgisson bæjarstjóri þegar hann fylgdi verkefninu úr hlaði með ávarpi.

Undirritun samninga um þjónustu við atvinnulausa - 3.3.2009

Frá undirrituninni í dag, Hafdís Jónsdóttir, Anna María Guðmundsdóttir, Ómar Stefánsson, Gunnar I. Birgisson, Þröstur Jón Sigurðsson og Margrét Skúladóttir.Samningar Kópavogsbæjar við sundlaugar Kópavogs, Bókasafn Kópavogs og líkamsræktarstöðvarnar Mecca Spa, Nautilus, Sporthúsið og World Class Turninn um þjónustu við atvinnulausa Kópavogsbúa voru undirritaðir í dag.

Útlit síðu:

Flýtival