Fréttasafn

Föstudaginn 26. júní næstkomandi verður haldið upp á 50 ára afmæli Holtsvallar í Kópavogi og um leið svokallaðan Stelludag, sem haldinn er árlega á Holtsvelli.

Eftirfarandi yfirlýsing var send fjölmiðlum í dag í tilefni af fréttatilkynningu og aðgerðum fjármálaráðuneytisins:

„Kjörnir stjórnarmenn Lífeyrissjóðs starfsmanna Kópavogsbæjar (LSK) af hálfu bæjarstjórnar og starfsmanna, lýsa furðu sinni á hörðum aðgerðum Fjármálaeftirlitsins (FME) og fjármálaráðuneytisins, sem skipað hafa umsjónarmann með sjóðnum, þrátt fyrir að stjórn hans og framkvæmdastjóri hafi ítrekað og að eigin frumkvæði upplýst fulltrúa FME um fjárfestingar hans.

Mannfjöldinn, sem kom saman á Rútstúni til að taka þátt í fjölskylduskemmtuninni og fylgjast með þjóðhátíðardagskránni, var ekki minni en metárið í fyrra þegar þjóðhátíðargestir voru um 16 þúsund. Bæjarstjórinn lagði út af kreppunni í þjóðhátíðarávarpi sínu.

Dagskrá þjóðhátíðardagsins í Kópavogi hefst á tónum brassbanda frá Skólahljómsveit Kópavogs. Böndin aka um bæinn og óska Kópavogsbúum gleðilegrar hátíðar.

Endurskoðunarskrifstofan Deloitte hf. hefur skilað greinargerð um viðskipti Kópavogsbæjar við Frjálsa miðlun ehf. á árunum 2003 til 2008 samkvæmt beiðni bæjarráðs Kópavogs.

Skýrsluna má lesa hér.
Viðauka Deloitte má lesa hér.

ÍTK hefur fengið styrk frá Velferðarsjóði barna vegna sumarnámskeiða 2009. Styrkurinn felur í sér að öll námskeiðsgjöld lækka um helming.

Jazz- og blúshátíð Kópavogs 2009 var sett í ungmennahúsinu Molanum við Hábraut í Kópavogi kl. 14.00 í dag. Samtímis var kynnt stofnun nýs félags um jazz- og blúsflutning í Kópavogi. „Við fögnum samstarfi milli lista- og menningarráðs Kópavogsbæjar annars vegar og Björns Thoroddsen og Jazz- og blúshátíðarinnar hins vegar,“ sagði Sigurrós Þorgrímsdóttir, forseti bæjarstjórnar og formaður lista- og menningarráðs, við setninguna.

Leikskólinn Furugrund í Kópavogi hefur undanfarin ár verið mjög öflugur þátttakandi í evrópsku skólasamstarfi. Í janúar síðastliðnum varð skólinn fyrstur íslenskra skóla útnefndur til Evrópuverðlauna í eTwinning. Hlaut skólinn annað sæti fyrir verkefnið 1.2. Buckle my shoe, verkefni sem fjallar um stærðfræði með börnum á leikskólaaldri.

Árleg vorsýning íþróttafélagsins Gerplu fer fram laugardaginn 6. júní næstkomandi. Þemað er Carnival og er sýningin með eindæmum stór í ár. Í Gerplu æfa um 1.600 iðkendur þannig að það er af nógu að taka. Sýningin er í formi leiksýningar svo það má með sanni segja að hún sé frábrugðin öðrum fimleikasýningum hér á landi.

Komdu og skoðaðu sænskt efni á Bókasafni Kópavogs í tilefni af þjóðhátíðardegi Svía.

Hinn 6. júní er þjóðhátíðardagur Svíþjóðar. Í tilefni af því sýnum við sænskar bækur, kvikmyndir, geisladiska o.fl. frá 2. júní til 14. júní.

Fimmtudaginn 4. júní kl. 17:00 heldur Haukur F. Hannesson erindið Svíþjóð - með augum Íslendings. Boðið verður upp á kaffi og sænskar kanilbollur. Allir velkomnir!

Aðstæður á fjármálamarkaði setja mark sitt á uppgjör Kópavogsbæjar vegna ársins 2008. Ársreikningurinn, sem er til fyrri umræðu í bæjarstjórn Kópavogs í dag, sýnir tæplega 1 milljarðs kr. afgang af aðalsjóði áður en horft er til fjármagnskostnaðar og gjaldfærslu lífeyrisskuldbindinga. Daglegur rekstur var í samræmi við fjárhagsáætlun, tekjur heldur meiri en gjöldin nálægt áætlun. Sé hins vegar samstæðan skoðuð, A og B hluti ársreikningsins, er niðurstaðan neikvæð sem nemur 9.620.421.000 kr.