Fréttasafn

Fram kemur í bréfi Eftirlitsnefndar með fjármálum sveitarfélaga (EFS) til bæjarstjórnar Kópavogs, dagsettu 17. desember 2010, að hún muni ekki að svo stöddu aðhafast frekar vegna fjármála bæjarins. Guðríður Arnardóttir, formaður bæjarráðs, fagnar niðurstöðu nefndarinnar.

Bæjarstjórn Kópavogs hefur afgreitt fjárhagsáætlun fyrir bæjarsjóð árið 2011. Breytingartillögur Gunnars I. Birgissonar bæjarfulltrúa voru felldar. Tíu af ellefu bæjarfulltrúum, sem stóðu að fjárhagsáætluninni, undirrituðu bókun í lok bæjarstjórnarfundarins þar sem segir að áætlunin hafi verið unnin af fulltrúum allra flokka og framboða í bæjarstjórn Kópavogs.

Alls 342 ljóð bárust í ljóðasamkeppni lista- og menningarráðs Kópavogs sem nú er haldin í tíunda sinn og ber heitið Ljóðstafur Jóns úr Vör. Öllum skáldum var boðið að senda inn frumsamin ljóð, undir dulnefni, og rann skilafrestur út 3. desember.

Guðrún Pálsdóttir, bæjarstjóri Kópavogs, hefur hvatt til þess að bæjaryfirvöld, íbúar og atvinnurekendur á Kársnesi taki höndum saman á næstu vikum og mánuðum og hreinsi til á atvinnusvæði Kársness sem afmarkast af Kársnesbraut, Vesturvör og Bryggjuvör.

Tillaga að fjárhagsáætlun Kópavogsbæjar fyrir árið 2011 var lögð fram til fyrri umræðu í bæjarstjórn í dag. Tíu af ellefu bæjarfulltrúum standa að henni og var hún unnin í nánu samráði við nefndir og ráð bæjarins.

Útgáfu plötunnar „Fúsi Halldórs – vinsælustu lögin“ var fagnað í Salnum á föstudagskvöld með sérstökum útgáfutónleikum. Þar voru perlur Sigfúsar fluttar af þeim Stefáni Hilmarssyni, Andreu Gylfadóttur og Agli Ólafssyni. Meðal frægustu laga Fúsa eru Dagný, Tondeleyó, Litla flugan og Vegir liggja til allra átta.

Íslensk frumsýning á dansleikhúsgjörningi fjöllistahópsins Skyr Lee Bob, Square Wunder Globe fer fram í Listasafni Kópavogs, Gerðarsafni, um helgina. Verkið er samstarfsverkefni Ernu Ómarsdóttur dansara, Guðna Gunnarssonar myndlistarmanns og Lieven Dousselaere tónlistarmanns.

Útgáfutónleikar verða í Salnum 10. desember í tilefni af útgáfu plötunnar „Fúsi Halldórs – vinsælustu lögin“. Á plötunni túlka landskunnir listamenn lög Sigfúsar Halldórssonar. Á tónleikunum verða perlur Sigfúsar fluttar af Stefáni Hilmarssyni, Andreu Gylfadóttur og Agli Ólafssyni. Meðal frægustu laga Fúsa eru Dagný, Tondeleyó, Litla flugan og Vegir liggja til allra átta.

Kvennakór Kópavogs verður sérstakur gestur á tónleikum Siggu Beinteins sem fram fara í Digraneskirkju, fimmtudaginn 9. desember. Guðrún Gunnarsdóttir kemur einnig fram á tónleikunum. Hljóðfæraleikarar verða þeir Kjartan Valdemarsson á flygil og Matthías Stefánsson á gítar og fiðlu.

Ljósin voru tendruð á jólatrénu á Hálsatorgi í Kópavogi um helgina að viðstöddu fjölmenni. Mætingin hjá yngstu kynslóðinni var sérstaklega góð enda tóku nokkrir jólasveinar forskot á sæluna og kíktu í heimsókn.

Anna S. Björnsdóttir ljóðskáld hlaut á dögunum heiðursviðurkenningu Ritlistarhóps Kópavogs, Steininn 2010. Þetta er í fimmta sinn sem Steinninn er veittur því skáldi sem sinnt hefur ljóðlistinni af kostgæfni og alúð.

Keppendur úr félagsmiðstöðinni Þebu í Kópavogi hrepptu annað sætið í Stíl, hönnunar-, förðunar- og hárgreiðslukeppni unglinga, sem fram fór í Smáralindinni um helgina. Um 240 unglingar hvaðanæva af landinu tóku þátt og gáfu hugmyndafluginu lausan tauminn.

Samkomulag milli ríkis og sveitarfélaga um yfirfærslu þjónustu við fatlað fólk frá ríki til sveitarfélaga var undirritað í gær. Málaflokkurinn verður, sem kunnugt er, færður til sveitarfélaga 1. janúar næstkomandi. Frumvarp til laga um tilfærsluna á grundvelli samkomulagsins verður lagt fram á Alþingi á næstu dögum.

Reiknað er með því að um 240 unglingar hvaðanæva af landinu taki þátt í Stíl, hönnunar-, förðunar- og hárgreiðslukeppni unglinga, sem fram fer í Vetrargarðinum í Smáralind, laugardaginn 20. nóvember.

Nú stendur yfir í Bókasafni Kópavogs sýning á myndum af persónum Njálu eftir Þórhildi Jónsdóttur frá Lambey. Það er því við hæfi að Bjarni E. Sigurðsson haldi í dag, á degi íslenskrar tungu, erindi um Njálu í bókasafninu. Erindið nefnir hann: Gunnar Hámundarson, ástir hans og örlög. Lesturinn hefst kl. 17:15. Allir eru velkomnir.

Á degi hinnar íslensku tungu, á morgun þriðjudaginn 16. nóvember, verður minning alþýðurithöfundarins Guðrúnar frá Lundi heiðruð í félagsheimilinu Boðanum, Boðaþingi 9, í Kópavogi. Dagskráin hefst kl. 15:000 með ávarpi Hrafns Andrésar Harðarsonar bæjarbókavarðar. Því næst les Marín Guðrún Hrafnsdóttir, langömmubarn Guðrúnar, upp úr verkum hennar.

Um fjögur hundruð unglingar sóttu tónlistarhátíðina Kóparokk í félagsmiðstöðinni Ekkó, Kársnesskóla, í byrjun nóvember. Gestir hátíðarinnar voru Kópavogsbúinn Erpur Eyvindarson, rappari með meiru, og Níels ( Nilli), meðlimur hljómsveitarinnar Fló Fló.

Frétt nr 2

Lorem ipsum dolor sit amet, sed diam nonumy eirmod tempor invidunt ut labore consetetur sadipscing elitr, sed diam nonumy eirmod tempor invidunt ut labore.

Stjórnlaganefnd og Samtök sveitarfélaga á höfuðborgarsvæðinu standa fyrir borgarafundi í dag, fimmtudag, frá kl. 17:30-19:30, í Súlnasal Hótel Sögu. Fundurinn er kynningarfundur um stjórnlagaþing og þjóðfund 2010 auk þess sem kallað verður eftir sjónarmiðum fundarmanna. Fundarstjóri verður Gunnsteinn Sigurðsson, fyrrverandi bæjarstjóri Kópavogs.

Strætó bs. og VÍS munu næstu sex vikur standa fyrir svokölluðum Öryggisdögum – átaki sem miðar að því að fækka slysum í umferðinni og auka öryggi vegfarenda.

Aðsókn að Salnum, Tónlistarhúsi Kópavogs, hefur aldrei verið meiri en í ár og ef hún er borin saman við árið í fyrra er aukningin ríflega 40%. Samtals hafa um 25 þúsund gestir sótt tónleika og aðra viðburði í Salnum það sem af er þessu ári.

Íslenska lánshæfismatsfyrirtækið Reitun ehf. hefur gefið út nýtt lánshæfismat fyrir Kópavogsbæ. Í uppfærðu mati segir að þrátt fyrir að vera annað stærsta sveitarfélag landsins og eitt það öflugasta á landinu, hafi aukning skulda í kjölfar efnahagshrunsins þau áhrif að Kópavogsbær er sem fyrr með lánshæfiseinkunnina B með jákvæðum horfum.

Sýningin Trékarlar verður opnuð í anddyri Náttúrufræðistofu Kópavogs , næstkomandi laugardag 9. október kl. 14:00. Trékarlar eru útskornir tréstaurar sem hafa öðlast framhaldslíf með ástríðu og útsjónarsemi Guðmundar Sigurðssonar, trésmiðs og Kópavogsbúa.

Breiðablik varð um helgina Íslandsmeistari í fótbolta karla í fyrsta sinn í sögu félagsins. Breiðablik gerði markalaust jafntefli gegn Stjörnunni í Garðabæ og í leikslok brutust út mikil fagnaðarlæti.

Árleg fjölskylduganga á umhverfisdegi Kópavogs fer fram laugardaginn 11. september. Markmiðið er að gefa Kópavogsbúum færi á að kynnast nokkrum af helstu náttúruperlum og menningarminjum bæjarins.

Mikil og góð aðsókn hefur verið að sýningu Tónlistarsafns Íslands um Sigfús Halldórsson tónskáld. Sýningin var opnuð á Kópavogsdögum í maí í tilefni þess að Sigfús hefði orðið 90 ára á þessu ári.

Vetraráætlun Strætó hefur tekið gildi en það þýðir að tíðni ferða eykst á ný og verður svipuð og síðastliðinn vetur. Jafnframt breytist akstur um Grafarvog og Grafarholt nokkuð með nýrri vetraráætlun.

Kópavogsbær veitti í síðustu viku hinum danska Sören N. Sörensen, formanni DGI á Suðvestur-Jótlandi (Danske Gymnastik- og Idrætsforeninger) viðurkenningu fyrir áhrifaríkt og gefandi samstarf.

Jón B. K. Ransu verður með leiðsögn um sýningu Gerðarsafns Gerður og Gurdjieff á sunnudag og hefst leiðsögnin kl. 15.00. Fjallað verður um tengsl verka Gerðar Helgadóttur við kenningar armenska dulspekingsins G. I. Gurdjieffs.

Til að auðvelda Kópavogsbúum að koma ábendingum sínum eða tillögum á framfæri við bæinn hefur verið sett upp nýtt ábendingakerfi á vefsíðu bæjarins. Sá sem sendir inn ábendingu ýtir á hnappinn á forsíðunni efst til hægri en á honum stendur: Ábendingar til Kópavogsbæjar.

Íslenski safnadagurinn verður haldinn sunnudaginn 11. júlí og af því tilefni fara fram umræður og fræðsla í Náttúrufræðistofu Kópavogs í tengslum við sýningu Magnúsar Árnasonar listamanns, Af lifun. Dagskráin hefst stundvíslega kl. 15.00 með fyrirlestri Dr. Hilmars J. Malmquist um kúluskít.

Sýning á verkum ungra og efnilegra málara verður opnuð í Molanum, ungmennahúsi Kópavogs, fimmtudaginn 1. júlí kl. 18.30. Listamennirnir eru Ágúst Már Guðjónsson, 19 ára og Ingimundur Vigfús Eiríksson, 18 ára. Myndlistarsýningin stendur yfir í viku. Allir eru velkomnir á opnunina en í boði verða léttar veitingar auk góðrar tónlistar.

Kosið var í nefndir og ráð á vegum Kópavogsbæjar á fyrsta fundi nýrrar bæjarstjórnar í vikunni. Einungis aðalmenn voru kjörnir en kosningu varamanna var frestað. Í bæjarráð voru kjörin þau Guðríður Arnardóttir, Hjálmar Hjálmarsson, Ólafur Þór Gunnarsson, Ármann Kr. Ólafsson og Gunnar I. Birgisson.

Margvísleg störf eru í boði hjá Kópavogsbæ fyrir skólafólk, átján ára og eldra, sem ekki á rétt til atvinnuleysisbóta. Til dæmis eru í boði störf á skrifstofum bæjarins við eignaskráningu, skjalavistun, flokkun og aðra gagnavinnslu. Þá eru í boði margvísleg verkamannastörf utandyra. Ráðningartími er breytilegur en gæti orðið allt að þrír mánuðir.

Akstur allra leiða Strætó bs. á þjóðhátíðardaginn 17. júní verður samkvæmt laugardagsáætlun. Á ákveðnum leiðum verður þó ekið lengur fram á kvöld auk þess sem á sömu leiðum verður akstur tíðari eftir kvöldmat en hefðbundið er samkvæmt laugardagsáætlun. Vegna lokana í miðbæ Reykjavíkur verður akstursleiðum jafnframt breytt á því svæði.

Nýr sameinaður skóli í Kópavoginum heitir Álfhólsskóli. Þetta var upplýst við hátíðlega athöfn í íþróttahúsi Digranesskóla í morgun. Um 400 tillögur að nýju nafni bárust og þar af voru tæplega 170 með því nafni sem varð fyrir valinu. Skólinn verður til við sameiningu Digranesskóla og Hjallaskóla. Skólastjórarnir verða þeir sömu, þær Sigrún Bjarnadóttir og Magnea Einarsdóttir.

Tuttugu löglegir kraftlyftingaíþróttaiðkendur hafi skráð sig til keppni á Kópavogsmótið í kraftlyftingum sem fram fer á morgun, laugardag 5. júní. Fjórar konur og sextán karlar hafa skráð sig til þátttöku.

Útstrikanir og breytingar á röð frambjóðenda voru langflestar á framboðslista sjálfstæðismanna í Kópavogi í sveitarstjórnarkosningunum 29. maí. Kjörstjórn Kópavogs hefur nú tekið saman upplýsingar um breytta seðla í kosningunum.

Bæjarráð Kópavogs samþykkti nýverið að fela skipulags- og umhverfissviði bæjarins í samvinnu við Þríhnúka ehf. að hefja vinnu við friðlýsingu Þríhnúkagígs, breytingar á skipulagi svæðisins og gerð umhverfisskýrslu. Markmiðið er að gera gíginn aðgengilegan almenningi.

Söngvarinn og New York búinn Miles Griffith verður heiðursgestur á árlegri Jazz- og blúshátíð Kópavogs sem fram fer dagana 3. til 6. júní. Griffith flytur m.a. þekkta ameríska standarda á djasstónleikum í Salnum í Kópavogi laugardaginn 5. júní og hefjast þeir kl. 21.00.

Samkvæmt fyrstu tölum í Kópavogi er meirihlutinn í bæjarstjórn fallinn. Þegar 12.804 atkvæði hafa verið talin er Framsóknarflokkurinn með 841 atkvæði eða 7% atkvæða. Sjálfstæðisflokkurinn er með 3.617 atkvæði eða 30,2% atkvæða.

Sumaráætlun Strætó tók gildi um helgina en líkt og undanfarin ár breytist tíðni strætóferða á níu strætóleiðum í samræmi við minni eftirspurn á sumrin.Vagnar á leiðum 1, 2, 3, 4, 6, 11, 12, 14 og 15 munu aka á 30 mínútna tíðni í sumar, í stað 15 mínútna. Sú breyting verður jafnframt á leið 18 að ekið verður upp og niður Grensásveg milli Bústaðavegar og Miklubrautar í stað þess að aka allan Bústaðaveginn.

Leikskólinn Kópahvoll fagnaði 40 ára afmæli sínu 11. maí. Af því tilefni var foreldrum, systkinum, ömmum og öfum boðið til veislu í skólanum. Boðið var upp á veitingar, söng og listsýningu og skrautlegur trúður kom og sýndi listir sínar.

Lindaskóli sigraði Skólahreysti í ár og af því tilefni færðu bæjarstjóri Kópavogs, Gunnsteinn Sigurðsson, og Árni Þór Hilmarsson, framkvæmdastjóri fræðslusviðs Kópavogsbæjar, sigurliðinu viðurkenningarskjal frá bænum og tíu þúsund króna inneign í íþróttavöruversluninni Intersport í Kópavogi.

Dómnefnd ljóðasamkeppni lista- og menningarráðs Kópavogsbæjar,sem kennd er við listaskáldið Jón úr Vör, hefur lokið störfum. Að þessu sinni fór hún yfir um það bil 300 ljóð sem bárust samkeppninni. Tilkynnt verður um sigurvegarann, sem hlýtur Ljóðstaf Jóns úr Vör, í Salnum fimmtudaginn 21. janúar 2010, á afmælisdegi Jóns úr Vör.

Þátttöku Kópavogs er lokið í Útsvari, spurningakeppni sjónvarpsins milli sveitarfélaga, en lið Fljótsdalshéraðs vann sigur í hörkuviðureign með 5 stiga mun í gærkvöld.