Fréttasafn

Hin árlega upplestrarkeppni í 7. bekk var haldin í Salnum 17. mars sl. Keppendur voru 17 frá 10 grunnskólum í Kópavogi. Sigurvegari að þessu sinni var Agnes Gísladóttir, Snælandsskóla.

Kópavogur hefur nú opnað fyrir umsóknir í hin ýmsu sumarstörf innan bæjarins. Í Molanum -ungmennahúsi hefur verið sett upp sérstök aðstaða fyrir þá sem vilja sækja um sumarstörf. Þar eru tölvur og annað sem gott er að hafa við höndina þegar sótt er um starf.

Kaflaskil hafa orðið í húsnæðis- og umönnunarmálum aldraðra með nýju hjúkrunarheimili Hrafnistu við Boðaþing í Kópavogi. Rúm átta ár eru síðan nýtt og sérhannað hjúkrunarheimili tók til starfa á höfuðborgarsvæðinu. Hjúkrunarheimilið verður rekin eftir nýrri hugmyndafræði í öldrunarþjónustu sem ekki hefur verið reynd áður hér á landi.

Líkt og undanfarin ár verður framtalsaðstoð í boði fyrir elli- og örorkulífeyrisþega. Aðstoðin nær eingöngu til einföldustu framtalsgerðar og ekki er veitt aðstoð þeim sem hafa keypt eða selt húsnæði, verðbréf eða hlutabréf.
Starfsmaður skattstofunnar verður á Bæjarskrifstofum Kópavogs dagana 22. og 23. mars nk. frá kl. 10.00 til 14.00.
Hringja þarf í Þjónustuver Kópavogs í síma 570-1500 og skrá sig.

Tekið verður við umsóknum um sumarstörf hjá Kópavogsbæ hér á heimasíðunni frá og með mánudaginn 15. mars. Störfin eru fyrir þá sem eru fæddir árið 1993 og fyrr. Umsóknarfrestur er til 5. apríl næstkomandi.

Jafnréttisvika er haldin í Menntaskólanum í Kópavogi nú í fjórða sinn. Dagarnir eru samvinnuverkefni MK og jafnréttisnefndar Kópavogsbæjar.

Síðastliðin fjögur ár hefur MK tileinkað eina viku fræðslu um jafnréttismál og hefur það mælst vel fyrir hjá nemendum og kennurum.

Samféshátíðin fór fram í Laugardalshöll 5.-6. mars sl. og sóttu hana um 4500 unglingar víðsvegar að af landinu ásamt starfsmönnum félagsmiðstöðva. Sigurvegarar söngkeppni Samfés 2010 komu úr félagsmiðstöðinni Igló, Kópavogi.

Kjörstaðir í Kópavogi verða tveir í þjóðaratkvæðagreiðslu á laugardaginn kemur. Hver og einn getur athugað hvort hann eigi að kjósa í Smáranum eða Kórnum og í hvaða kjördeild á sérstakri kosningasíðu sem opnast ef smellt er á myndina hér við hliðina.

Lista- og menningarráð Kópavogs hefur ákveðið að veita árlega viðurkenningu til framúrskarandi námsmanns á sviði lista.

Lista- og menningarráð Kópavogs auglýsir eftir umsóknum um styrki til verkefna / viðburða á sviði menningar og lista í Kópavogi.

Innritun 6 ára barna (fædd 2004) fer fram í grunnskólum Kópavogs mánudaginn 8. og þriðjudaginn 9. mars. Sjá heimasíður skólanna.