Fréttasafn

Þúsundir Kópavogsbúa tóku þátt í Hamraborgarhátíðinni sem haldin var í fyrsta sinn í Kópavogi um helgina. Hamraborginni var breytt í göngugötu og myndaðist skemmtileg markaðsstemmning í kringum sölutjöldin. Ekki spillti fyrir að veðrið var með eindæmum gott.

Umhverfisviðurkenningar umhverfisráðs Kópavogs voru afhentar í gær í Salnum, tónlistarhúsi Kópavogs. Heiðursviðurkenning bæjarstjórnar og umhverfisráðs Kópavogs var einnig veitt í fyrsta sinn. Ævar Jóhannesson hlaut hana fyrir störf sín í þágu umhverfis og samfélags. Formaður bæjarráðs, Guðríður Arnardóttir, afhenti viðurkenninguna fyrir hönd bæjarstjórnar.

Nemendur sem eru með lögheimili á höfuðborgarsvæðinu og eru í fullu námi við framhaldsskóla og háskóla á höfuðborgarsvæðinu geta keypt nemakort í strætó en þetta er annað árið í röð sem þau eru boðin í núverandi mynd. Kort sem gildir allt skólaárið kostar 15 þúsund krónur líkt og í fyrra. Þetta kemur fram í tilkynningu frá Strætó.

Toyota á Íslandi verður aðalstyrktaraðili Salarins, tónlistarhúss Kópavogs, samkvæmt samstarfssamningi sem undirritaður var í Salnum í gærmorgun af þeim Guðrúnu Pálsdóttur, bæjarstjóra Kópavogs, og Úlfari Steindórssyni, forstjóra Toyota á Íslandi.

Kópavogsbær veitti í síðustu viku hinum danska Sören N. Sörensen, formanni DGI á Suðvestur-Jótlandi (Danske Gymnastik- og Idrætsforeninger) viðurkenningu fyrir áhrifaríkt og gefandi samstarf.

Grunnskólar Kópavogs verða settir í næstu viku en yfir fjögur þúsund nemendur hefja þá nám í níu almennum grunnskólum. Þar af eru um 450 nemendur að setjast í fyrsta sinn á skólabekk.

Jón B. K. Ransu verður með leiðsögn um sýningu Gerðarsafns Gerður og Gurdjieff á sunnudag og hefst leiðsögnin kl. 15.00. Fjallað verður um tengsl verka Gerðar Helgadóttur við kenningar armenska dulspekingsins G. I. Gurdjieffs.

Rúmlega sjötíu manns púluðu á sundlaugarbakka Sundlaugar Kópavogs í góða veðrinu fyrr í vikunni en þá ákvað líkamsræktarstöðin Arctic að halda hjólatíma (spinning) utandyra.

Tónlistarhátíð unga fólksins fer nú fram á menningartorfu Kópavogs en um eitt hundrað ungir tónlistarnemar hvaðanæva af landinu taka þátt. Einnig er nokkuð um erlenda þátttakendur.

Guðrún Pálsdóttir, bæjarstjóri Kópavogs, heimsótti vinabæinn Klaksvík í Færeyjum í síðustu viku og tók þar á móti henni bæjarstjórinn Gunvá við Keldu.

Götuleikhús Kópavogs hefur nú lokið sumarstarfi sínu en sautján listamenn á aldrinum fjórtán til sextán ára tóku þátt í starfinu í ár.

Bæjarráð Kópavogs hefur kosið sjö fulltrúa á landsþing Sambands íslenskra sveitarfélaga sem fram fer á Akureyri 29. september til 1. október 2010. Fulltrúarnir verða: Guðríður Arnardóttir, Ólafur Þór Gunnarsson, Hjálmar Hjálmarsson, Rannveig H. Ásgeirsdóttir, Ármann Kr. Ólafsson, Gunnar Ingi Birgisson og Ómar Stefánsson.