Fréttasafn

Bæjarskrifstofum Kópavogs verður lokað á gamlársdag en 3. janúar verður opið frá kl. 10:00 til 16:00. Síminn í þjónustuveri er: 570-1500. Starfsfólk Kópavogsbæjar óskar öllum gleðilegs nýs árs með þökk fyrir góð samskipti á árinu sem er að líða.

Íþróttahátíð Kópavogs verður haldin þriðjudaginn 4. janúar nk. kl. 18:00 í Salnum í Kópavogi. Á hátíðinni verður lýst kjöri á íþróttakonu og íþróttakarli Kópavogs 2010. Einnig verður íþróttafólki veittar viðurkenningar fyrir unnin afrek á árinu. Kópavogsbúar eru boðnir velkomnir.

Fram kemur í bréfi Eftirlitsnefndar með fjármálum sveitarfélaga (EFS) til bæjarstjórnar Kópavogs, dagsettu 17. desember 2010, að hún muni ekki að svo stöddu aðhafast frekar vegna fjármála bæjarins. Guðríður Arnardóttir, formaður bæjarráðs, fagnar niðurstöðu nefndarinnar.

Bæjarstjórn Kópavogs hefur afgreitt fjárhagsáætlun fyrir bæjarsjóð árið 2011. Breytingartillögur Gunnars I. Birgissonar bæjarfulltrúa voru felldar. Tíu af ellefu bæjarfulltrúum, sem stóðu að fjárhagsáætluninni, undirrituðu bókun í lok bæjarstjórnarfundarins þar sem segir að áætlunin hafi verið unnin af fulltrúum allra flokka og framboða í bæjarstjórn Kópavogs.

Umhverfisráðuneytið hefur staðfest reglur bæjaryfirvalda í Kópavogi um kattahald í bænum. Reglurnar taka gildi 1. janúar 2011. Þær hafa verið birtar í Stjórnartíðindum og má finna þær hér.

Alls 342 ljóð bárust í ljóðasamkeppni lista- og menningarráðs Kópavogs sem nú er haldin í tíunda sinn og ber heitið Ljóðstafur Jóns úr Vör. Öllum skáldum var boðið að senda inn frumsamin ljóð, undir dulnefni, og rann skilafrestur út 3. desember.

Guðrún Pálsdóttir, bæjarstjóri Kópavogs, hefur hvatt til þess að bæjaryfirvöld, íbúar og atvinnurekendur á Kársnesi taki höndum saman á næstu vikum og mánuðum og hreinsi til á atvinnusvæði Kársness sem afmarkast af Kársnesbraut, Vesturvör og Bryggjuvör.

Tillaga að fjárhagsáætlun Kópavogsbæjar fyrir árið 2011 var lögð fram til fyrri umræðu í bæjarstjórn í dag. Tíu af ellefu bæjarfulltrúum standa að henni og var hún unnin í nánu samráði við nefndir og ráð bæjarins.

Útgáfu plötunnar „Fúsi Halldórs – vinsælustu lögin“ var fagnað í Salnum á föstudagskvöld með sérstökum útgáfutónleikum. Þar voru perlur Sigfúsar fluttar af þeim Stefáni Hilmarssyni, Andreu Gylfadóttur og Agli Ólafssyni. Meðal frægustu laga Fúsa eru Dagný, Tondeleyó, Litla flugan og Vegir liggja til allra átta.

Jólalegt verður í umferðinni næstu vikurnar því strætisvagnar Strætó bs. skarta skrautlegum jólamyndum að utan sem innan. Leikskólabörn hvaðanæva að af höfuðborgarsvæðinu hönnuðu skreytingarnar.

Íslensk frumsýning á dansleikhúsgjörningi fjöllistahópsins Skyr Lee Bob, Square Wunder Globe fer fram í Listasafni Kópavogs, Gerðarsafni, um helgina. Verkið er samstarfsverkefni Ernu Ómarsdóttur dansara, Guðna Gunnarssonar myndlistarmanns og Lieven Dousselaere tónlistarmanns.

Útgáfutónleikar verða í Salnum 10. desember í tilefni af útgáfu plötunnar „Fúsi Halldórs – vinsælustu lögin“. Á plötunni túlka landskunnir listamenn lög Sigfúsar Halldórssonar. Á tónleikunum verða perlur Sigfúsar fluttar af Stefáni Hilmarssyni, Andreu Gylfadóttur og Agli Ólafssyni. Meðal frægustu laga Fúsa eru Dagný, Tondeleyó, Litla flugan og Vegir liggja til allra átta.

Kvennakór Kópavogs verður sérstakur gestur á tónleikum Siggu Beinteins sem fram fara í Digraneskirkju, fimmtudaginn 9. desember. Guðrún Gunnarsdóttir kemur einnig fram á tónleikunum. Hljóðfæraleikarar verða þeir Kjartan Valdemarsson á flygil og Matthías Stefánsson á gítar og fiðlu.

Kópavogsbær hélt í Salnum í gær vel heppnaðan kynningarfund fyrir starfsfólk Svæðisskrifstofu málefna fatlaðra á Reykjanesi en sem kunnugt er verða málefni fatlaðra flutt frá ríki til sveitarfélaga nú um áramótin.