Fréttasafn
Skuldabréfaútboð fyrir Kópavog
Kópavogsbær hefur samið við Saga Capital Fjárfestingarbanka um sölu og umsjón á opnu skuldabréfaútboði á innlendum verðbréfamarkaði.
Nú þegar er búið að selja skuldabréf fyrir Kópavogsbæ fyrir alls 2,4 milljarða króna en bærinn stefnir að því að sækja sér alls 3 milljarða að láni með skuldabréfaútgáfunni.
Markmið skuldabréfaútgáfunnar er að tryggja bæjarfélaginu fjármagn til framkvæmda á næstu misserum og mæta afborgunum eldri lána. Stefnt er að því að ljúka skuldabréfaútboðinu fyrir áramót.
Bréf Kópavogsbæjar eru verðtryggð jafngreiðslubréf í opnum flokki til 10 ára, með 5% nafnvexti og tveimur afborgunum á ári.
Askar Capital hefur umsjón með fjármögnuninni en Saga Capital Fjárfestingarbanki hefur umsjón með útboðinu og skráningu skuldabréfanna í Kauphöll Íslands.