Minningardagskrá um dánu skáldin úr Kópavogi
-
Jón úr VörJón úr Vör.
Ritlistarhópur Kópavogs stendur fyrir minningardagskrá um dánu skáldin úr Kópavogi þriðjudaginn 13. september í Forsælunni við Salinn í Kópavogi. Dagskráin hefst kl. 20:00. Ættingjar og vinir flytja stutt erindi um átta skáld sem gengin eru yfir móðuna miklu. Allir eru velkomnir og aðgangur er ókeypis.
Dagskráin hefst með ávarpi Hafsteins Karlssonar, formanns menningar- og þróunarráðs Kópavogs. Því næst flytur Jón Guðlaugur Magnússon erindi um Jón úr Vör. Kristmundur Halldórsson flytur erindi um Böðvar Guðlaugsson. Og Guðmundur Ólafsson flytur erindi um Geirlaug Magnússon.
Ólafur Sverrir Kjartansson flytur erindi um Kjartan Árnason og Hjörtur Pálsson flytur erindi um Jón Bjarman.
Þá flytur Gerður Gröndal erindi um Gylfa Gröndal og Vilhjálmur Einarsson erindi um Þorstein Valdimarsson.
Að lokum flytur Gunnar Ingi Birgisson erindi um Sigurð Geirdal.
Í erindunum verður skáldanna minnst og lesin eftir þau tvö eða þrjú ljóð.
Húsið verður opnað kl. 19:45 og hægt verður að kaupa veitingar á vægu verði.