Kópavogur.is - Fréttasafn

280 garðlöndum úthlutað í ár

Fri, 24 May 2013 12:58:00 +0000

Kópavogsbær hefur um langt árabil leigt út matjurtagarða, sk. garðlönd, og er sú starfsemi á vegum garðyrkjustjóra. Hvert garðland er 25 m² að stærð og leigugjald er 4.200 kr. sumarið 2013. Hver leigjandi getur verið með tvo skika, þ.e. 50 m², en skilyrði fyrir úthlutun er að eiga lögheimili í Kópavogi.

Lotta sýnir Gilitrutt á Rútstúni

Thu, 23 May 2013 16:06:00 +0000

Leikhópurinn Lotta sýnir nýjan íslenskan söngleik um tröllskessuna Gilitrutt á Rútstúni í Kópavogi 25. maí kl. 14:00. Miðaverð er 1.500 kr. og eru miðar seldir á staðnum. Gilitrutt er skrifað af Önnu Bergljótu Thorarensen, sem skrifar nú sitt þriðja verk fyrir hópinn. Hér blandar hún ævintýrunum um Búkollu, geiturnar þrjár og tröllskessuna Gilitrutt saman í splunkunýtt og sprellfjörugt leikrit.

Fá viðurkenningu fyrir að stuðla að nýbreytni í skólastarfi

Fri, 17 May 2013 16:04:00 +0000

Verkefni frá Kópavogsskóla, Kárnesskóla, Álfhólsskóla og Lindaskóla fengu í dag viðurkenningu skólanefndar Kópavogs fyrir að stuðla að nýbreytni og framþróun í grunnskólum Kópavogs. Fulltrúar skólanna tóku við viðurkenningunum við hátíðlega athöfn í Salnum. Verkefnin eru fjölbreytt og snúast m.a. um að grunnskólabörn kenni eldri borgurum á ýmis tölvuforrit, vettvangsferðir út í náttúruna, listasýningar í skólum og greiningu á lestrarvanda nemenda.

Vetrarstarfi lokið í félagsmiðstöðvum

Thu, 16 May 2013 14:05:00 +0000

Sveitaball fór fram í gærkvöld í félagsmiðstöðinni Dimmu og er það lokaviðburður félagsmiðstöðvastarfs unglinga þennan vetur. Við það tækifæri voru veittar viðurkenningar í stigakeppni félagsmiðstöðvanna en sigakeppnin er samanlagður fjöldi stiga fyrir þátttöku í fjórum stærstu viðburðum vetrarins, á íþróttadegi, Getkó spurningakeppni, söngkeppni og á sköpunardegi.

Krakkaormar á menningartorfunni

Tue, 14 May 2013 10:26:00 +0000

Um fjögur þúsund leik- og grunnskólabörn í Kópavogi hafa undanfarnar vikur sótt heim menningarstofnanir Kópavogsbæjar á Borgarholtinu og fengið þar fræðslu um listir, menningu, náttúru og vísindi. Fræðslan fer fram undir heitinu Ormadagar og er styrkt af lista- og menningarsjóði Kópavogsbæjar.

Gáfu Kópavogsbæ hvíldarbekk

Mon, 13 May 2013 10:03:00 +0000

Systkinin Petrína Rós, Jóhannes og Pétur Karlsbörn færðu Kópavogsbæ bekk til minningar um foreldra sína, þau Ólöfu P. Hraunfjörð, bókavörð, og Karl Árnason, forstjóra Strætisvagna Kópavogs, á afmælisdegi bæjarins 11. maí. Margrét Björnsdóttir, forseti bæjarstjórnar, tók við bekknum fyrir hönd bæjarins. Bekkurinn er á göngustígnum við Kópavogstún. Á honum er áletrun til minningar um Ólöfu og Karl.

Kópavogur hafði betur í boccia-keppni

Sun, 12 May 2013 21:10:00 +0000

Lið Kópavogsbæjar lagði lið Garðbæinga í boccia-keppni sem haldin var á föstudag í tilefni af 20 ára afmæli Gjábakka, félagsmiðstöðvar eldri borgara í Kópavogi. Í liði Kópavogs voru Ármann Kr. Ólafsson bæjarstjóri, Rannveig Ásgeirsdóttir formaður bæjarráðs, Pétur Ólafsson bæjarfulltrúi og Ólafur Þór Gunnarsson bæjarfulltrúi.

Gjábakki 20 ára

Sun, 12 May 2013 16:33:00 +0000

Félagsmiðstöð eldri borgara í Kópavogi, Gjábakki, varð 20 ára um helgina og af því tilefni var haldin vegleg afmælishátíð í Salnum. Gjábakki tók til starfa 11. maí 1993. Síðan þá hafa tvær aðrar félagsmiðstöðvar verið opnaðar í bænum, Gullsmári árið 1998 og Boðinn í Boðaþingi árið 2007.

Salurinn iðar af lífi á Kópavogsdögum

Wed, 8 May 2013 12:21:00 +0000

Salurinn, tónlistarhús Kópavogs, hefur iðað af lífi síðustu daga en tugir barna hafa þar sungið á barnatónleikum undir stjórn Þórunnar Björnsdóttur. Hafa þau m.a. sungið Aravísur og fleiri góð lög eftir heiðurslistamann bæjarins Ingibjörgu Þorbergs. Tónleikarnir eru haldnir í tilefni Kópavogsdaga, menningarhátíðar bæjarins, sem nú fara fram. Þeim lýkur á laugardag.

Kópavogsdagar 4. til 11. maí

Sat, 4 May 2013 12:37:00 +0000

Menningarhátíð Kópavogs, Kópavogsdagar, hófst í Sundlaug Kópavogs í morgun með söng Samkórs Kópavogs undir stjórn Skarphéðins Þórs Hjartarsonar. Hátíðin mun setja svip sinn á bæjarlífið næstu vikuna en þetta er í tíunda sinn sem hátíðin er haldin. Kvennakór Kópavogs syngur í Hamraborg 1 til 3 kl. 17 í dag.

Kópavogsdagar hefjast með sundlaugarsöng

Fri, 3 May 2013 08:14:00 +0000

Samkór Kópavogs mun hefja menningarhátíð Kópavogsbæjar, Kópavogsdaga, með kórsöng í Sundlaug Kópavogs kl. 10, laugardaginn 4 .maí. Kórinn mun syngja sjö lög. Stjórnandi kórsins er Skarphéðinn Þór Hjartarson. Kórinn mun svo gleðja sundlaugargesti Salalaugar í Kópavogi klukkutíma síðar.

Stofnun Wilhelms Beckmann komið á fót

Thu, 2 May 2013 09:20:00 +0000

Stofnun Wilhelms Beckmann listamanns hefur nú verið komið á fót af hálfu Kópavogsbæjar og afkomenda listamannsins. Hlutverk stofnunarinnar er að varðveita sögu, listsköpun og listaverk hans og kynna þau og sýna almenningi á Íslandi og erlendis. Stofnsamningur var undirritaður nýverið af þeim Karen E. Halldórsdóttur, formanni lista- og menningarráðs Kópavogsbæjar og Hrefnu og Einari Beckmann, börnum Wilhelms.

Engin mengun í Fossvogi

Tue, 30 Apr 2013 21:38:00 +0000

Engin mengun er í Fossvogi samkvæmt mælingum heilbrigðiseftirlits Hafnarfjarðar - og Kópavogssvæðis. Heilbrigðiseftirlitið hefur að undanförnu fylgst sérstaklega vel með Fossvoginum þar sem slökkt var tímabundið á dælustöð við Hafnarbraut í Kópavogi vegna endurnýjunar á dælum.

Nemandi úr Lindaskóli í þriðja sæti

Tue, 30 Apr 2013 21:18:00 +0000

Bjarni Daníel Þorvaldsson, 15 ára nemandi úr Lindaskóla í Kópavogi, varð í þriðja sæti, í flokki 15 ára og eldri, í ljóðasamkeppninni Ljóð unga fólksins 2013. Samkeppnin er haldin undir merkjum Þallar, samstarfshóps um barnamenningu á bókasöfnum.

Einstakur árangur Skólahljómsveitar Kópavogs

Mon, 29 Apr 2013 08:44:00 +0000

Skólahljómsveit Kópavogs náði merkum áfanga um síðustu helgi þegar A sveit SK fékk verðlaun á Nótunni 2013 fyrir framúrskarandi tónlistaratriði í sínum flokki. Þar með hafa allar sveitirnar þrjár sem starfa undir merkjum SK fengið viðurkenningu Nótunnar á síðustu þremur árum, því C sveitin fékk verðlaun í sínum flokki í fyrra og B sveitin árið 2011.

Sumarið komið í Kópavoginn

Fri, 26 Apr 2013 12:11:00 +0000

Sumardagurinn fyrsti var að venju haldinn hátíðlegur í Kópavogi með tónlist, skrúðgöngu, ræðum og ýmsum skemmtiatriðum. Fjölmenni tók þátt í hátíðarhöldum sem fram fóru í Fífunni. Skátafélagið Kópar sá eins og undanfarin ár um dagskrána. Starfsfólk Kópavogsbæjar óskar bæjarbúum gleðilegs sumars!

Skráning á sumarnámskeið hefst 6. maí

Fri, 26 Apr 2013 10:50:00 +0000

Skráning á sumarnámskeið hjá Kópavogsbæ hefst 6. maí en búist er við að fleiri en þúsund börn og unglingar verði á námskeiðum á vegum bæjarins í sumar. Námskeiðin eru mjög fjölbreytt og ættu því allir að finna eitthvað við sitt hæfi. Sérstakur vefur fyrir sumarnámskeið hefur verið opnaður en þar má finna allar nánari upplýsingar.

Upplýsingar um reikninga í íbúagáttinni

Fri, 26 Apr 2013 09:52:00 +0000

Allir reikningar Kópavogsbæjar svo sem vegna leikskólagjalda, fasteignagjalda og annarra gjalda birtast nú í íbúagáttinni sem nálgast má hér á vef Kópavogsbæjar. Greiðsluseðlar birtast þó áfram í heimabanka og áfram þarf að greiða þá í banka. Kópavogsbúar eru hvattir til að skrá sig í íbúagáttina en þar geta þeir séð reikninga og yfirlit yfir samskipti sín við bæinn.

Afkoma Kópavogsbæjar umfram væntingar

Tue, 23 Apr 2013 16:21:00 +0000

Rekstrarafgangur samstæðu Kópavogsbæjar var 186 milljónir króna á árinu 2012 en áætlun gerði ráð fyrir 102 milljónum króna. Útkoman var því betri sem nemur 84 milljónum króna. Þetta kemur fram í ársreikningi Kópavogsbæjar sem lagður verður fram til fyrri umræðu á fundi bæjarstjórnar í dag.

Dagur umhverfisins á fimmtudag

Tue, 23 Apr 2013 09:49:00 +0000

Árlegur dagur umhverfisins er nú á fimmtudaginn. Kópavogsbær hvetur bæjarbúa til að taka til í sínu nánasta umhverfi í tilefni dagsins og njóta þess sem umhverfið hefur upp á að bjóða.

Sumardagurinn fyrsti - dagskrá

Mon, 22 Apr 2013 15:50:00 +0000

Sumardeginum fyrsta verður að venju fagnað í Kópavogi 25. apríl. Dagskráin hefst með skátamessu í Lindakirkju. Skrúðganga fer frá Digraneskirkju að Fífunni þar sem verður fjölbreytt dagskrá. Bæjarstjóri, Ármann Kr. Ólafsson, flytur þar m.a. ávarp. Skátafélagið Kópar sér um dagskrána.

Nýjar og betri dælur hafa verið ræstar

Fri, 19 Apr 2013 19:17:00 +0000

Nýjar dælur fráveitukerfisins við Hafnarbraut í Kópavogi hafa nú verið settar í gang en slökkt var á dælustöðinni í byrjun vikunnar á meðan verið var að skipta út gömlum dælum fyrir nýjar. Allt gekk að óskum. Heilbrigðiseftirlit Hafnarfjarðar - og Kópavogssvæðis fylgist með saurgerlamengun í Fossvoginum en fólki er ráðlagt að stunda ekki sjósund fyrr en ljóst er að niðurstöður séu jákvæðar.

Taktu þátt í Kópavogsdögum

Wed, 17 Apr 2013 11:10:00 +0000

Hin árlega menningarhátíð Kópavogs, Kópavogsdagar, fer fram 4. til 11. maí. Menningarstofnanir bæjarins verða með ýmsar skemmtilegar uppákomur á dögunum en jafnframt eru þeir sem vilja leggja sitt af mörkum hvattir til að skrá viðburð sinn á kopavogsdagar.is. Búið er að opna fyrir skráningu viðburða.

Sæktu um í Vinnuskóla Kópavogs

Mon, 15 Apr 2013 20:44:00 +0000

Opnað hefur verið fyrir umsóknir í Vinnuskóla Kópavogs. Vinnuskólinn er fyrir þá Kópavogsbúa sem eru á aldrinum 14 – 17 ára. Umsóknarfrestur er til 5. maí. Eins og undanfarin ár er stefnt að því að veita öllum umsækjendum vinnu.

Varað við sjósundi vegna viðgerða á dælustöð

Fri, 12 Apr 2013 17:36:00 +0000

Unnið er að því að endurnýja fjórar dælur fráveitukerfisins við Hafnarbraut í Kópavogi og verður því slökkt á dælunum mánudaginn 15. apríl. Ráðgert er að það verði hægt að ræsa nýjar dælur, laugardaginn 20. apríl. Þetta skapar hættu á því að saurgerlamengun í sjó verði yfir viðmiðunarmörkum á tímabilinu. Fólki er því ráðlagt að stunda ekki sjósund eða siglingar frá 15. til 22. apríl í Fossvoginum.

Auglýst eftir tilnefningum

Wed, 10 Apr 2013 09:43:00 +0000

Auglýst er eftir tilnefningum til viðurkenninga í umhverfismálum í Kópavogi. Slíkar viðurkenningar eru veittar ár hvert af umhverfis- og samgöngunefnd og bæjarstjórn. Veittar eru viðurkenningar vegna umhirðu húsa og lóða, endurgerð húsnæðis, framlag til ræktunarmála og framlag til umhverfis og samfélags.

Fundur um íþróttastefnu í kvöld

Mon, 8 Apr 2013 11:14:00 +0000

Íþróttaráð Kópavogs boðar til opins fundar með bæjarbúum um stefnumótun íþróttamála í Kópavogi. Fundurinn verður haldinn í Molanum, ungmennahúsinu að Hábraut 2, í kvöld klukkan 17:15 - 19:30. Bæjarbúar eru velkomnir!

Umsóknir um sumarstörf

Thu, 4 Apr 2013 13:50:00 +0000

Opnað hefur verið fyrir umsóknir um sumarstörf fyrir átján ára og eldri hjá Kópavogsbæ. Skilyrði fyrir ráðningu er að viðkomandi eigi lögheimili í Kópavogi. Tekið verður við umsóknum til 8. apríl. Stefnt er að því að umsækjendum verði svarað fyrir 1. maí.

Rappþula í Molanum 19. apríl

Tue, 26 Mar 2013 13:48:00 +0000

Rappkeppni fyrir þátttakendur 16 ára og eldri af landinu öllu verður haldin í Molanum, ungmennahúsi Kópavogs, 19. apríl. Þetta er í fyrsta sinn sem slík keppni er haldin. Sesar A, einn helsti frumkvöðull íslensks rapps, heldur utan um keppnina.

Vel heppnaður stofnfundur Kópavogsfélagsins

Tue, 26 Mar 2013 13:35:00 +0000

Fjölmenni var á stofnfundi Kópavogsfélagsins sem haldinn var nýverið í bæjarstjórnarsal Kópavogsbæjar. Á fundinum voru kjörnir þrír nýir fulltrúar í stjórn félagsins og einn til vara. Í stjórn voru kjörin: Valgerður Einarsdóttir, formaður Hringsins, Hrafn A. Harðarson bæjarbókavörður og Þorleifur Friðriksson sagnfræðingur. Eiríkur Valdimarsson þjóðfræðingar var kjörinn varamaður.