Guðrún G. Halldórsdóttir hefur verið ráðin skólastjóri Lindaskóla. Ráðningin var einróma samþykkt á fundi bæjarráðs Kópavogs í gær, fimmtudag 16. maí 2013. Guðrún tekur við stöðu skólastjóra þann 1. ágúst af Gunnsteini Sigurðssyni.
Kópavogsfélagið, félag áhugafólks um endurreisn Hressingarhælisins og Kópavogsbæjarins, boðar til opins hugarflæðisfundar næstkomandi fimmtudag 16. maí kl. 17 í bæjarstjórnarsalnum, Fannborg 2. Allir þeir sem hafa áhuga á endurreisn húsanna og eru með hugmyndir um mögulega starfsemi í þeim eru hvattir til að mæta.
Kjörfundur vegna alþingiskosninganna 27. apríl hefst kl. 9 og lýkur kl. 22. Kjörstaðir í Kópavogi verða tveir, í Smáranum og í Kórnum. Hægt er að fylgjast með kjörsókn hér á vef Kópavogsbæjar.