Tilkynningar

Hæfingarstöðin Fannborg 6 í Kópavogi tekur að sér að vinna ýmis konar verkefni fyrir fyrirtæki. Má þar nefna verkefni á borð við að líma merkimiða á brúsa, umslög, poka eða blöð. Á hæfingarstöðinni vinnur fólk með ýmsa fötlun ásamt fagmenntuðu fólki og stuðningsfulltrúum.Hæfingarstöðin er nú þegar í samstarfi við mörg fyrirtæki t.d. Húsasmiðjuna, Svansprent og Kórund.

Opnunartími sundlauga Kópavogs er sem hér segir um jól og áramót: Aðfangadag, 24. desember kl. 08:00 - 12:00
Jóladag, 25. desember LOKAÐ
Annan í jólum, 26. desember LOKAÐ
Gamlársdag, 31. desember kl. 08:00 - 12:00
Nýársdag, 1. janúar LOKAÐ

Kópavogsbær auglýsir eftir umsóknum um styrki úr lista- og menningarsjóði. Umsóknum skal skila fyrir 14. janúar 2013. Hlutverk sjóðsins er að efla menningarlífið í bænum. Styrkir eru veittir einstaklingum, stofnunum og listhópum sem geta sýnt fram á gildi starfs síns fyrir menningarlífið í bænum.

Þegar þörf er á er unnið að snjóhreinsun, söltun eða söndun gatna og göngustíga nær allan sólarhringinn. Er það gert til að tryggja öryggi og til að íbúar og aðrir komist leiðar sinnar.

Lista- og menningarráð Kópavogs efnir í tólfta sinn til árlegrar ljóðasamkeppni undir heitinu Ljóðstafur Jóns úr Vör. Öllum skáldum er velkomið að senda ljóð í keppnina en skilafrestur rennur út 14. desember. Veitt verða vegleg verðlaun og fær verðlaunaskáldið auk þess til varðveislu, í eitt ár, göngustaf áletraðan með nafni sínu.

Fyrsta umræða um fjárhagsáætlun ársins 2013 fer fram í bæjarstjórn síðar í dag. Fundurinn hefst kl. 16:00 og er hægt að fylgjast með honum í beinni útsendingu með því að smella á rauða borðann á miðri forsíðu.

Félagsmiðstöðvar ungmenna í Kópavogi taka á móti gestum og gangandi miðvikudaginn 7. nóvember frá kl. 18:00 og fram á kvöld. Allar félagsmiðstöðvar á Íslandi eru með opið hús þennan dag.

Opinn fundur með lögregluyfirvöldum í Kópavogi verður haldinn í Kópavogsskóla, á morgun þriðjudaginn 6. nóvember, kl. 16:00.

Skipulagsnefnd Kópavogs boðar til kynningarfundar með íbúum og öðrum hagsmunaaðilum í Kópavogi þar sem kynnt verða drög að nýju aðalskipulagi fyrir bæinn. Fundurinn verður haldinn í samkomusal Hörðuvallaskóla við Baugakór 38, fimmtudaginn 1. nóvember nk. kl. 17:00 til 18:30.

Viðtalstímar bæjarfulltrúa halda áfram í nóvember en þeir verða með viðtalstíma á fimmtudagskvöldum á bæjarskrifstofum Kópavogs, Fannborg 2, 1. hæð frá kl. 18:00 til 19:00.

Að venju verða upplýsingar um kjörsókn í Kópavogi birtar hér á vef Kópavogsbæjar í þjóðaratkvæðagreiðslunni í dag, laugardaginn 20. október. Kjörfundur hefst kl. 9:00 og verða tölur um kjörsókn birtar á klukkutíma fresti. Kjörstöðum verður lokað kl. 22:00.

Tveir kjörstaðir verða í Kópavogi í þjóðaratkvæðagreiðslunni sem fram fer nk. laugardag. Íbúar vestan Reykjanesbrautar og í Lindahverfi kjósa í íþróttahúsinu Smáranum, Dalsmára 5. Íbúar austan Reykjanesbrautar, að frátöldum þeim sem búa í Lindahverfi, kjósa í íþróttahúsinu Kórnum, Vallakór 12.

Kjörskrá í Kópavogi vegna þjóðaratkvæðagreiðslunnar 20. október nk. liggur frammi í þjónustuveri bæjarskrifstofa Kópavogs, Fannborg 2, frá og með 10. október. Ef einhverjar athugasemdir eru við kjörskrána ber að snúa sér með þær til bæjarlögmanns.

Vegna viðgerðar verður heitavatnslaust frá klukkan 9:00 mánudaginn 8. október í Hvömmum, Tungum og á svæði frá Álfhólsvegi að Digranesvegi milli Skólatraðar og Meltraðar.

Bæjarfulltrúar Kópavogsbæjar verða með viðtalstíma á fimmtudagskvöldum fram í desember á bæjarskrifstofum Kópavogs, Fannborg 2, 1. hæð frá kl. 18:00 til 19:00.

 

Kópavogsbær auglýsir til sölu (flutnings eða niðurrifs) 109 fermetra timburhús sem er við Álfhólsveg 102 í Kópavogi.

Óskað er eftir tilboðum í lóðina að Hólmaþingi 7 í Kópavogi. Þetta er úrvalslóð á einum besta stað í bænum.  Hún er í almennri sölu á fjórum fasteignasölum, Remax Lind, Remax Alpha, Eignamiðlun og Eignaborg.

Skólasetning verður miðvikudaginn 22. ágúst í öllum grunnskólum Kópavogs. Yfir fjögur þúsund börn setjast þá á skólabekk og þar af yfir þrjú hundruð í fyrsta sinn.

Sundlaug Kópavogs verður opin á frídegi verslunarmanna frá kl. 8:00 til 18:00. Salalaug verður hins vegar lokuð.

Þrír af fjórum gæsluleikvöllum í Kópavogi verður lokað frá og með deginum í dag 1. ágúst. Það þýðir að ekki verður lengur gæsla á leikvöllunum en foreldrum og dagforeldrum er heimilt að koma og dvelja með börnunum sínum þar ef þeir kjósa. Holtsvöllur við Borgarholtsbraut verður opinn til 10. ágúst og sama fyrirkomulag gildir þar eftir þann tíma. Vellirnir hafa verið opnir í allt sumar en ávallt stóð til að þeim yrði lokað í ágúst.

Til stendur að halda Hamraborgarhátíðina 1. september næstkomandi en gert er ráð fyrir því að undirbúningur undir hátíðina hefjist í byrjun ágúst. Nánari upplýsingar um dagskrá og fleira verða settar hér á vef Kópavogsbæjar þegar nær dregur.

Sögufélag Kópavogs, Héraðsskjalasafn Kópavogs og Bókasafn Kópavogs standa að samkomu vegna 350 ára afmælis Kópavogsfundarins laugardaginn 28. júlí.

Skógræktarfélag Kópavogs efnir til fræðslugöngu um Kópavogsdal þriðjudagskvöldið 10. júlí undir leiðsögn Friðriks Baldurssonar garðyrkjustjóra Kópavogsbæjar.

Kjörstaðir verða opnir frá kl. 9:00 til 22:00 á kjördag, 30. júní, og verða hér á vef Kópavogsbæjar birtar upplýsingar um kjörsókn með reglulegu millibili. Í Kópavogi eru tveir kjörstaðir.

Pálmi Þór Másson, lögmaður og bæjarstjóri Álftaness, hefur verið ráðinn bæjarlögmaður í Kópavogi í námsleyfi Þórðar Clausen Þórðarsonar. Hann er ráðinn til eins árs.

Í Kópavogi verða tveir kjörstaðir í forsetakosningunum á laugardag, Í Kórnum, þar sem verða 6 kjördeildir og í Smáranum, þar sem verða 14 kjördeildir. Upplýsingar um kjörstjórn í Kópavogi verður birtar hér á vef Kópavogsbæjar með reglulegu millibili yfir daginn.

Bæjarstjórnarfundur fer fram samkvæmt venju þriðjudaginn 26. júní og hefst hann kl. 16:00 í bæjarstjórnarsalnum. Þetta er síðasti fundurinn fyrir sumarfrí og verða þeir því ekki haldnir í júlí og ágúst. Bæjarráð fer með vald bæjarstjórnar í sumarleyfi hennar.

Kjósendur geta nú kannað hvar þeir eru á kjörskrá í forsetakosningunum laugardaginn 30. júní næstkomandi. Með því að slá inn kennitölu kjósanda kemur upp nafn hans, lögheimili, sveitarfélag og upplýsingar um kjörstað og kjördeild.

Auglýst er eftir tilnefningum til viðurkenninga í umhverfismálum í Kópavogi. Slíkar viðurkenningar eru veittar ár hvert af umhverfis- og samgöngunefnd. Veittar eru viðurkenningar vegn aumhirðu húsa og lóða, endurgerð húsnæðis, framlag til ræktunarmála og framlag til umhverfis og samfélags.

Sumaráætlun Strætó tekur gildi sunnudaginn 3. júní, heldur seinna en áður, og akstur samkvæmt vetraráætlun hefst sömuleiðis nokkru fyrr en venja er, eða 12. ágúst. Er þetta gert til að bregðast við eftirspurn og bæta þjónustu við farþega.

Verið er að dreifa nýjum bláum endurvinnslutunnum til allra Kópavosbúa. Þar með verður Kópavogsbær fyrsta sveitarfélagið á höfuðborgarsvæðinu til að dreifa slíkum tunnum til allra íbúa. Gert er ráð fyrir því að nýjar tunnur verði komnar við hvert heimili í byrjun júní.

Menningarhátíð Kópavogs, Kópavogsdagar, lýkur í dag, laugardaginn 12. maí, en hún hefur staðið yfir frá 4. maí. Fjölbreytt dagskrá er í boði en hana má sjá nánar á vef hátíðarinnar, kopavogsdagar.is. Fjölmargir hafa tekið þátt í hátíðinni. Markmið hennar er ekki síst að kynna það fjölbreytta menningarstarf sem fram fer í bænum allan ársins hring.

Félagsmiðstöðvahátíð unglinga í Kópavogi fer fram við félagsmiðstöðina Kjarnann í Kópavogsskóla í dag og hefst kl. 17:00. Dagsráin er fjölbreytt og lifandi allt til kl. 22:00 í kvöld.

Íbúar Kópavogs stíga stórt og mikilvægt skref í sorpflokkun á morgun, miðvikudag, þegar hafist verður handa við að dreifa nýjum bláum endurvinnslutunnum til bæjarbúa. Bæjarstjóri Kópavogs, Ármann Kr. Ólafsson, afhendir fyrstu bláu tunnuna til Guðrúnar Benediktsdóttur, íbúa í Nónhæð.

Kópavogsbær óskar eftir því að kaupa einstaklingsíbúðir, tveggja herbergja og litlar þriggja og fjögurra herbergja, í Kópavogi. Æskilegt er að íbúðirnar séu nýlegar og í góðu ástandi. Íbúðir í byggingu koma einnig til greina.

Nú er hægt að skrá viðburði á Kópavogsdaga, menningarhátíð Kópavogs, með því að fara inn á kopavogsdagar.is. Menningarhátíðin stendur yfir frá 4. til 12. maí.  Á menningartorfunni verður sérstök áhersla lögð á menningu og listir fyrir yngstu kynslóðina með yfirskriftinni: Ormadagar.

Hin árlega menningarhátíð Kópavogs, Kópavogsdagar, hefst í lok næstu viku. Viðburðarsíða þar sem hægt er að skrá inn viðburði verður tilbúin á morgun föstudag. Nánari upplýsingar verða þá settar hér inn fyrir þá sem vilja taka þátt. Búast má við líflegri hátíð í ár eins og árin á undan.

Akstur vagna Strætó bs. á sumardaginn fyrsta, fimmtudaginn 19. apríl, verður að venju samkvæmt sunnudagsáætlun.

Bæjarskrifstofum Kópavogs verður lokað um páskana. Þær verða opnaðar aftur þriðjudaginn eftir páska kl. 10:00. Starfsfólk bæjarins óskar bæjarbúum gleðilegra páska.

Akstur vagna Strætó bs. um páskahátíðina verður með sama hætti og verið hefur síðustu ár. Á skírdag, fimmtudaginn 5. apríl, verður ekið samkvæmt sunnudagsáætlun. Á föstudaginn langa, 6. apríl, verður enginn akstur.

Sveitarfélögin Reykjavík, Kópavogur, Hafnafjörður og Garðabær  hafa í sameiningu  gert samning við Bolaöldur ehf. um móttöku á jarðefnum til landmótunar í Bolaöldum í hlíðum Vífilsfells í landi Ölfuss.  Þar er námusvæði og með móttöku á jarðefnum er verið að endurheimta land í eldri námum. Ekið er að námusvæðinu frá Suðurlandsvegi til suðurs rétt vestan við Litlu - Kaffistofuna.

Af óviðráðanlegum orsökum hefur orðið breyting á auglýstum umsóknarfresti um sumarstörf hjá Kópavogsbæ 2012. Umsóknarvefur verður opnaður miðvikudaginn 21. mars og verður tekið við umsóknum til sunnudagsins 15. apríl. Beðist er velvirðingar á þessu.

Bæjarráð hefur ákveðið fasta viðtalstíma með bæjarfulltrúum fram í maí. Fyrsti viðtalstíminn fór fram í gær en sá næsti verður 15. mars og stendur yfir frá kl. 18:00 til 19:00. Þá verður til viðtals bæjarfulltrúinn, Ómar Stefánsson.

Endurbætt útlit vefjar Kópavogsbæjar hefur nú litið dagsins ljós. Markmiðið er að hafa síðuna einfaldari og auðvelda bæjarbúum að finna upplýsingar hjá bænum. Íbúagáttin hefur til dæmis verið færð ofar á síðuna til hægri og umsóknir um störf hjá bænum eru neðst á síðunni.