Hjá Kópavogsbæ er lögð áhersla á að veita íbúum eins góða þjónustu og mögulegt er. Sú þjónusta er afar fjölbreytt enda heyra stórir málaflokkar undir bæjarfélagið, svo sem grunnskólar og félagsleg þjónusta. Þá hefur verið byggt upp öflugt menningar- og íþróttastarf. Stjórnsýslan fer fram í Fannborg 2-6, á svokölluðu Torgi.Tenglar í upplýsingar um helstu þjónustuflokka eru hér til hliðar.
Kópavogur rekur 9 grunnskóla og 18 leikskóla. Þar fyrir utan eru í bænum tveir einkareknir leikskólar og einn sjálfstætt starfandi grunnskóli.
Félagsjónusta Kópavogs miðar að því að tryggja fjárhagslegt og félagslegt öryggi íbúanna í Kópavogsbæ. Hún veitir ráðgjöf og viðeigandi stuðning.
Í Kópavogi eru fjölmörg íþróttafélög og tómstundafélög sem bærinn styrkir með ýmsum hætti. Þá eru í bænum fjölmargar félagsmiðstöðvar fyrir ungt fólk og aldraða.
Kópavogsbúar eru afar stoltir af menningarsetrum sínum á Borgarholtinu en þar eru til dæmis Salurinn og Gerðarsafn.
