Stuðningsfjölskyldur
Fyrir fötluð börn
Hlutverk stuðningsfjölskyldna er að taka fatlað barn í umsjá sína í skamman tíma í þeim tilgangi að létta álagi á fjölskyldum barna með fötlun og í sérstökum tilvikum fjölskyldum barna í fjórða og fimmta umönnunarflokki Tryggingastofnunar ríkisins.
Þörf fyrir þjónustu er metin í hverju tilfelli fyrir sig út frá aðstæðum barns og fjölskyldu. Við matið er horft til umönnunarþunga, stigs fötlunar og félagslegra aðstæðna fjölskyldunnar.
- Að jafnaði eru veittir tveir sólarhringar á mánuði í dvöl hjá stuðningsfjölskyldu.
- Í sérstökum tilvikum er leyfilegt að veita allt að fimm sólarhringa á mánuði.
Tekið skal tillit til óska foreldra við val á stuðningsfjölskyldu ef hægt er. Aðstæður hjá stuðningsfjöskyldu eru kannaðar af starfsmönnum þjónustudeildar og óskað eftir heilbrigðis- og sakavottorði. Greiðslur til stuðningsforeldra taka mið af umönnunarflokki barnsins samkvæmt Tryggingastofnun ríkisins eða samkvæmt viðmiðum Félagsþjónustu Kópavogs.
Sjá nánar um mat og afgreiðslu í reglur um stuðningsþjónustu.
Hér má nálgast umsóknareyðublað.