Grunnskólar
Í Kópavogi eru reknir 9 heildstæðir grunnskólar fyrir nemendur í 1. – 10. bekk og einn einkarekinn, Waldorfskóli. Hver skóli tilheyrir ákveðnu skólahverfi og er því heimaskóli þeirra nemenda sem búa í hverfinu. Foreldrar geta sótt um skólavist fyrir barn sitt í öðru skólahverfi til viðkomandi skólastjóra.
Gæsla eftir skólatíma er starfrækt við alla grunnskólana og nefnist Dægradvöl. Hún stendur til boða fyrir börn í 1. – 4. bekk.
Allir grunnskólar starfa samkvæmt starfsáætlun og skóladagatali sem skólanefnd Kópavogs samþykkir. Hægt er að nálgast starfsáætlanirnar á heimasíðum skólanna. Yfirlit yfir skóladagatöl er hægt að nálgast hér.
Norska er kennd í Álfhólsskóla og sænska í Kópavogsskóla. Norsku- og sænskukennsla er einungis fyrir nemendur í 7. – 10. bekk sem hafa búið í viðkomandi löndum. Þeir foreldrar sem vilja að börn sín læri þessi tungumál hafi samband við skólastjóra síns heimaskóla.
Sérdeildir/námsver eru starfræktar við Kópavogsskóla, Snælandsskóla og Álfhólsskóla.
Grunnskóladeild menntasviðs Kópavogs veitir skólunum sérfræðiþjónustu og almenna ráðgjöf.