Dægradvöl/Gæsla eftir skóla
Dægradvöl starfar við alla grunnskóla bæjarins og stendur til boða fyrir öll börn í 1. - 4. bekk. Dægradvöl er frjálst tilboð þar sem börn dvelja við leik og skapandi starf í umsjá starfsfólks eftir að skóla lýkur. Börnin eru skráð inn í Dægradvöl og fylgst vel með hvar þau eru að leik og starfi uns þau eru skráð út við brottför.
Opnunartími
Opnunar- og gjaldtökutími Dægradvalar er frá því að skóladegi barnanna lýkur (um kl. 13:20) til kl. 17:15. Dægradvöl er opin alla daga sem grunnskólar starfa og einnig allan daginn á starfsdögum kennara á skólatíma. Dægradvöl er ekki opin í vetrarfríum skólanna. Starfsemi Dægradvalar hefst á skólasetningardegi og lýkur á skólaslitadegi.
Umsóknareyðublöð og nánari upplýsingar um vist í Dægradvöl fást hjá viðkomandi skólum.
Gjald
Samræmt gjald er fyrir vist í Dægradvöl í Kópavogi. Gjaldflokkarnir eru fjórir og miðast þeir við eina, tvær, þrjár eða fjórar klst. á dag.
| Verðskrá frá 1.jan 2012 | Verðskrá til 31.des 2011 | Verðbreyting | |||||
| Per stund | Samtals | Per stund | Samtals | Per stund | Samtals | Samtals % | |
| Allt að 20 klst á mán | 6.300 | 6.300 | 6.000 | 6.000 | 300 | 300 | 5,0% |
| 21-40 klst á mán | 4.725 | 11.025 | 4.500 | 10.500 | 225 | 525 | 5,0% |
| 41-60 klst á mán | 3.675 | 14.700 | 3.500 | 14.000 | 175 | 700 | 5,0% |
| 61-80 klst á mán | 2.625 | 17.325 | 2.500 | 16.500 | 125 | 825 | 5,0% |
| Matargjald | 125 | 125 | 0 | 0,0% | |||
Systkinaafsláttur er 50% af grunngjaldi, eða 3.000 kr., fyrir annað og 75%, eða 4.500 kr., fyrir þriðja systkini. Systkinaafsláttur tekur einnig til yngri systkina sem eru í leikskóla eða í vistun hjá dagforeldrum.
Greiðslur og innheimta
Dvalar- og matargjöld fyrir Dægradvöl skulu greiðast í lok hvers mánaðar. Sé skuld ekki greidd ber skólastjóra að senda áminningarbréf þann 15. næsta mánaðar og segja plássinu upp frá og með næstu mánaðarmótum. Innheimtudeild Kópavogs sér um innheimtu.