Vinnuskólinn
Undanfarna áratugi hefur Kópavogsbær boðið unglingum í elstu bekkjum grunnskóla störf í vinnuskóla og hafa margir Kópavogsbúar stigið þar sín fyrstu skref á vinnumarkaði. Helstu verkefnin eru snyrting og fegrun bæjarins en elstu unglingunum býðst einnig að vinna við aðstoðarstörf hjá ýmsum stofnunum og félögum í bænum
Garðyrkjustjóri fer með yfirumsjón Vinnuskólans en forstöðumaður og starfslið hans sér um daglega stjórn.
Vinna í skólanum er í senn uppeldi, afþreying og tekjusköpun fyrir unglingana. Þeim er kennt að umgangast verkefni sín, notkun verkfæra og að bera virðingu fyrir samstarfsfólki sínu. Skólinn er þó ekki einungis vinna heldur er þar líka félagslíf, eins og í öðrum skólum. Haldnar eru nokkrar skemmtanir og íþróttakeppni á milli flokka og einstaklinga.
Allir unglingar sem búsettir eru í Kópavogi og vera 14-17 ára á árinu fá vinnu í Vinnuskólanum..
Starfstímabil Vinnuskóla Kópavogs er frá síðari hluta maí þangað til í snemma í ágúst ár hvert.
Opnað hefur verið fyrir umsóknir um störf í Vinnuskólanum. Nánari upplýsingar má finna á vef Vinnuskólans.
Netfang: vinnuskoli@kopavogur.is