Skipulagsmál
Skipulagsmál allra sveitarfélaga á landinu skiptist í þrjá flokka.
- Svæðisskipulag
- Aðalskipulag
- Deiliskipulag
En stórt er spurt, hvað eru skipulagsmál?
Ráðstöfun og þróun á landi og byggð.
Í aðalskipulaginu er að finna lóðarnýtingu fyrir svæði innan marka Kópavogs. En í greinargerðinni er einnig að finna hagnýtar tölur svo sem fjöldi íbúa, áætluð íbúa fjölgun og staðardaskránna.
Í deiliskipulagi svæða og skipulagsskilmálum þess er að finna rétt einstakra lóða til bygginga, svo sem heildar fjölda fermetra sem leyfinlegt er að byggja á viðkomandi lóð og útmörk byggingarreitar sem leyfinlegt er að byggja út í. Oftast nær er einnig tíundað ýmis önnur ákvæði sem ber að fylgja við hönnun húss og lóðar.
Sem íbúi Kópavogs er gott að kynna sér skipulagsmál bæjarins.
Þegar lóðarhafi hugar að breytingum á eign sinni getur það varðað skipulagsmál. Sem dæmi má nefna: íbúðarfjölgun, stækkun á íbúðarhúsi, nýbyggingar á lóð, kvistar, byggingu skúra eða hjólageymslu og .....
En til eru svæði í Kópavogi þar sem ekkert deiliskipulag er fyrir hendi, á það við sérstaklega í eldri hverfum í Kópavogi. En í slíkum hverfum er rétturinn til breytinga á eigin húsnæði eitthvað minni. Því í hverfum þar sem deiliskipulag er ekki fyrir hendi ber byggingafulltrúa þess bæjarfélags að senda erindi um byggingarleyfi til skipulagsnefndar um ákvörðun um grenndarkynningu. Í flestum tilfellum ef ekki öllum er viðkomandi byggingarleyfi kynnt nærliggjandi íbúum, þá sérstaklega þeim sem eiga hagsmuna að gæta.
Skipulags- og byggingadeild Kópavogs er að vinna í því að slík mál heyri sögunni til með því að vinna hverfaskipulag þá reita sem ekki hafa samþykkt deiliskipulag.
Skipulagsmál allra sveitarfélaga á landinu skiptist í þrjá flokka og er skilgreiningin samkvæmt skipulags- og byggingarlögum þessi:
Svæðisskipulag: Skipulagsáætlun sem tekur yfir fleiri en eitt sveitarfélag. Hlutverk svæðisskipulags er að samræma stefnu um landnotkun, samgöngu- og þjónustukerfi, umhverfismál og þróun byggðar á svæðinu á minnst 12 ára tímabili.
Samningur milli aðliggjandi sveitarfélaga viðkomandi um legu lands þeirra og væntanlegra skiptingu þess.
Aðalskipulag: Skipulagsáætlun fyrir tiltekið sveitarfélag þar sem fram kemur stefna sveitarstjórnar um landnotkun, samgöngu- og þjónustukerfi, umhverfismál og þróun byggðar í sveitarfélaginu á minnst 12 ára tímabili.
Skipulag viðkomandi sveitarfélags þar sem gert er grein fyrir hvar íbúðar, atvinnu, þjónustu, græn svæði og svo framvegis liggja innan þess.
Deiliskipulag: Skipulagsáætlun fyrir afmarkaða reiti innan sveitarfélags sem byggð er á aðalskipulagi og kveður nánar á um útfærslu þess. Ákvæði um deiliskipulag eiga jafnt við um þéttbýli og dreifbýli.
Kvaðir og reglur húsbyggjanda / lóðarhafa um hvað má og hvað ekki fyrir umrædda lóð.
Almennar fyrirspurnir, athugasemdir og ábendingar sendist á netfangið: skipulag@kopavogur.is