Grunnskólar

Öll börn eru skólaskyld á því ári sem þau ná 6 ára aldri og hafa forgang í sína hverfisskóla. Foreldrar geta einnig sótt um skólavist í öðrum hverfisskóla eða í sjálfstætt starfandi skóla fyrir barn sitt.  Innritun fer fram í Íbúagátt.

Í Kópavogi eru reknir níu grunnskólar og einn sjálfstætt starfandi skóli. Leiðarljós skólastarfs í Kópavogi er að veita nemendum alhliða menntun og stuðla að þroska þeirra í samstarfi við heimilin.

  • Skólahverfin

    Skólahverfin er afmörkuð eftir götum. Sjá hér.

    Skólahverfi Álfhólsskóla afmarkast af Kjarrhólma, Smiðjuvegi, Dalvegi, Digranesvegi, Bröttubrekku og sunnan Nýbýlavegar

    Skólahverfi Hörðuvallaskóla er Kórahverfi

    Skólahverfi Kársnesskóla er Kársnesið, vestan Hafnarfjarðarvegar

    Skólahverfi Kópavogsskóla afmarkast af Hafnarfjarðarvegi, Bröttubrekku, Digranesvegi, Nýbýlavegi og Fífuhvammi

    Skólahverfi Lindaskóla er Lindahverfi

    Skólahverfi Salaskóla er Salahverfi

    Skólahverfi Smáraskóla er Smárahverfi

    Skólahverfi Snælandsskóla er norðan Nýbýlavegar, Hólmarnir tilheyra Álfhólsskóla

    Skólahverfi Vatnsendaskóla er Vatnsendahverfi, þ. e. Þing og Hvörf

  • Í hvaða grunnskóla á barnið mitt að fara?

    Lögheimili nemenda ræður því í hvaða skóla börn ganga hverju sinni. Foreldrum er engu að síður heimilt að óska eftir að barn gangi í annan skóla en þann sem næst er heimili.

    Grunnskólar Kópavogs leggja sig fram um að mæta óskum foreldra og barna og taka á móti þeim börnum sem óskað er eftir skólavist fyrir. Komi til þess að eftirspurn eftir námi í tilteknum skólum verði meiri en skólinn getur annað þarf að gæta jafnræðis og sanngirni gagnvart nemendum þegar tekin er afstaða til inngöngu þeirra í skólann. Eftirfarandi þættir vega þyngst þegar innganga barna í grunnskóla Kópavogs er metin:

    • Lögheimili í Kópavogi
    • Nálægð heimilis við skóla
    • Systkini stunda nám við skólann
    • Skólinn hefur betri forsendur en aðrir til að sinna sérþörfum viðkomandi nemanda
    • Aðrar persónulegar ástæður eða aðstæður fjölskyldu

    Skólastjórnendur í grunnskólum Kópavogs geta heimilað nemanda með lögheimili í öðru sveitarfélagi en Kópavogi skólavist í viðkomandi skóla enda sé nægjanlegt húsrými til staðar, ákvörðunin leiði ekki til viðbótarkostnaðar fyrir Kópavogsbæ og að fyrir liggi samningur við hlutaðeigandi sveitarfélag um greiðslu námskostnaðar. Að öllu jöfnu ganga þeir nemendur fyrir sem eru innritaðir á auglýstum tíma.

    Inntaka nemenda

    • Grunnréttur nemanda til skólagöngu miðast við mörk skólahverfa eins og þau eru.
    • Tekið er tillit til heildarfjöldi nemenda í árgangi og samsetningar námshóps.
    • Sækja skal um rafrænt í gegnum íbúagátt Kópavogs og verður móttaka umsóknar að vera staðfest.
    • Nemendum stendur ekki til boða skólaakstur ef þeir velja skóla fjarri heimili sínu.
  • Innritun í grunnskóla

    Upplýsingar um innritun fyrir haustið 2018 má finna hérInnritun í grunnskóla fer fram í gegnum Íbúagátt.  Jafnfram þurfa foreldrar að sækja sérstaklega um dægradvöl og áskrift að mötuneyti. 

  • Yfirlit skóladagatala

    Skólaárið 2017 - 2018
    Skólasetning grunnskóla Kópavogs er 22. ágúst 2017. Vetrarleyfi eru 26. og 27. október 2017 og 19. og 20. febrúar 2018.

    Sjá yfirlit skóladagatala.  Ítarlegri skóladagatöl má finna á heimasíðum skólanna. 

    Skólaárið 2018 - 2019
    Skólasetning grunnskóla Kópavogs er 23. ágúst 2018. Vetrarleyfi eru 18. – 19. október og 25. og 26. febrúar 2019. 

    Skipulagsdagar í öllum grunnskólum bæjarins verða eftirfarandi daga: 12. október og 19. nóvember 2018 og 3. janúar, 19. mars og 17. maí 2019. 

    Sjá yfirlit skóladagatala. Ítarlegri skóladagatöl má finna á heimasíðum skólanna. 

Síðast uppfært 29. janúar 2018