Hvað kostar dvöl í leikskóla í Kópavogs? Settu inn hvað þú þarft margra tíma dvöl á hverjum degi fyrir barnið þitt og sjáðu hver leikskólagjöldin verða. Athugið að ekki þarf að hafa dvalartíma jafn langan alla daga en skráður dvalartími getur ekki hafist seinna en 09:00 á degi hverjum.
Systkinaafsláttur
Systkinaafsláttur reiknast af dvalargjöldum en ekki fæðisgjöldum. Systkinaafsláttur fer eftir fjölda yngri systkina.
Við útreikning á systkinaafslætti leikskólabarna eru talin með öll yngri systkini sem eru í leikskóla eða hjá dagforeldri.
Systkinaafsláttur í leikskóla er 30% ef barn á eitt yngra systkin, en 100% ef barn á tvö yngri systkini eða fleiri.
Systkinaafsláttur í frístund grunnskóla er 30% ef barn á eitt yngra systkin, 75% ef barn á tvö yngri systkini og 100% ef barn á þrjú yngri systkini eða fleiri sem eru í frístund, leikskóla eða hjá dagforeldri.
Systkinaafsláttur er eini afslátturinn sem reiknast ofan á aðra afslætti.
Ekki þarf að sækja sérstaklega um systkinaafslátt þar sem hann reiknast sjálfkrafa í skráningarkerfinu Völu sem heldur utan um skráningar barna hjá dagforeldrum, sem og í leikskóla og frístund.
Tekjutengdur afsláttur
Frá 1. september 2023 býðst foreldrum/forsjáraðilum að sækja um tekjutengdan afslátt. Tekjutengdur afsláttur verður 40% af dvalargjöldum sbr. gjaldskrá.
Viðmiðunartekjur eru:
Tekjur einstæðra foreldra allt að 750.000 kr á mánuði.
Tekjur sambúðarfólks allt að 980.000 kr á mánuði.
Núverandi afslættir fyrir einstæða, öryrkja og námsmenn haldast óbreyttir til áramóta 2023-2024 hjá þeim sem uppfylla ekki tekjuviðmið en falla svo niður. Tekjutengdur afsláttur kemur í staðinn fyrir aðra mögulega afslætti til áramóta en reiknast ekki ofan á aðra afslætti.
Fæðisgjöld
Gjald fyrir hádegisverð verður 7.780,- á mánuði og gjald fyrir síðdegishressingu 2.682,-. Gjald fyrir full fæði verður 10.462, það reiknast ekki afsláttur af því gjaldi.
Dvalartími
Bent er á að hægt er að hafa mismunandi dvalartíma milli daga og að öll stytting á dvalartíma kemur til lækkunar á leikskólagjöldum. Útreikningur leikskólagjalda byggir á nákvæmu meðaltali dvalartíma á dag og geta dvalargjöld því verið milli gjaldflokka eins og þeir birtast í gjaldskrá.
Fyrirvari. Athugið að útreikningar í reiknivél eru birtir með fyrirvara um mögulegar villur. Ef um misræmi er að ræða gilda upplýsingar í gjaldskrá.
Takk fyrir! Ábending þín er móttekin
Myndavefur Kópavogsbæjar birtir einnig gömul myndbönd úr Kópavogi. Sjáðu gömul myndbönd úr Kópavogi.
Íbúafjöldi í Kópavogi þann 1. ágúst 2023 var 40.288 íbúar.
Álfhóll við Álfhólsveg er jökulsorfinn klapparhóll sem nýtur bæjarverndar sem bústaður álfa.
Kópavogshreppur var stofnaður árið 1948 og voru íbúar þá rúmlega 900.
Vissir þú af opnu bókhaldi Kópavogsbæjar? Þarna getur þú skoðað hvert og í hvað peningarnir fara.
