Molinn miðstöð unga fólksins

Molinn er ungmennahús fyrir fólk á aldrinum 16 til 25 ára.

Molinn er staðsettur á menningarholtinu að Hábraut 2.

Molinn hóf starfsemi sína formlega í maí 2008. Markmið Molans er að vera vettvangur fyrir menningarlega viðburði og grósku þar sem ungt fólk getur bæði nýtt aðstöðuna til listsköpunar og komið sér á framfæri, hvort sem um ræðir sjónlist, tónlist eða ritlist.

Upplýsingar

Fyrir hvað stendur Molinn?

Að bjóða ungu fólki upp á jákvætt félagslegt umhverfi. Í húsinu er þráðlaus netaðgangur og geta gestir fengið afnot af tölvum. Hægt er að kaupa kaffi og með því á kaffihúsinu Molakaffi gegn vægu verði, fletta blöðum og spila pool, horfa á sjónvarpið eða tralla á gítar í góðra vina hópi.
Að vera ungu fólki innan handar með hvað varðar þeirra málefni, atvinnu og réttindi, bjóða upp á fjölbreytt námskeið og félagsstarf. Alltaf er hægt að fá ráðgjöf og hjálp í tengslum við atvinnu- og námsleit innanlands og utan. Einnig aðstoðar starfsfólk Molans við að koma á tengslum við fagaðila ef þess er óskað.

Hvað býður Molinn upp á?

Í Molanum er alltaf kósý stemning og þægilegt að kíkja í pool eða fússball, horfa á uppáhalds þættina í sjónvarpinu, tefla, grípa í gítarinn eða bara læra og spjalla. Á sumrin breytist starfsemin nokkuð þar sem Molinn hefur umsjón með Skapandi sumarstörfum í þær átta vikur sem þau standa yfir. Skapandi sumarstörf eru mikilvægur þáttur í samfélaginu, setja svip á mannlífið og gefa ungu fólki tækifæri til að þróa eigin hugmyndir, vinna sjálfstætt og kynnast hvernig þau geta haft áhrif á eigið umhverfi.

Opnunartímar Molans

Mánudagar - Lokað

Þriðjudagar 14.00-22.00

Miðvikudagar 14.00-22.00

Fimmtudagar 14.00-22.00

Hægt er að semja um nýtingu á húsinu utan auglýsts opnunartíma.

Hafðu samband í síma 441 9290 eða sendu okkur póst á netfangið molinn(hjá)molinn.is.

Tengt efni