Fjallakór 1 og 1a

Í samræmi við 2. mgr. 43. gr. skipulagslaga nr. 123/2010, er hér með auglýst tillaga að breyttu á deiliskipulagi  í Kópavogi.

Á fundi skipulagsráðs Kópavogs 29. mars 2021 sl. var lagt fram erindi Björgvins Snæbjörnssonar arkitekts dags. 22. mars 2021 f.h. lóðarhafa Fjallakórs 1 og 1a þar sem óskað er eftir breytingu á deiliskipulagi. Fjallakór 1: Í breytingunni felst að reisa 48,3 m² viðbyggingu á suðaustur hlið hússins. Við breytinguna stækkar húsið úr 260,4 m² í 308,5 m². Nýtingarhlutfall eykst úr 0,49 í 0,58.  Fjallakór 1a: Í breytingunni felst að reisa 34,5 m² viðbyggingu á norðvestur hlið hússins. Við breytinguna stækkar húsið úr 260,4 m² í 294,7 m². Nýtingarhlutfall eykst úr 0,54 í 0,61. Uppdrættir í mkv. 1:100 dags. 22. mars 2021.

Með vísan til 2. mgr. 43. gr. laga nr. 123/2010 er lóðarhöfum eftirtalinna lóða gefinn kostur á að tjá sig um tillöguna:

Kóravegar 1, Fjallakórs 1A, 2, 3, 4, 6, 8 og Drangakórs 2.

Kynning hefst þann 29. júní 2021 og skal ábendingum og athugasemdum við framlagða tillögu skila skriflega til Skipulagsdeildar Kópavogs, Digranesvegi 1, 200 Kópavogi eða með tölvupósti á skipulag@kopavogur.is fyrir kl. 15:00 miðvikudaginn 29. júlí 2021.