Hrauntunga 91.

Á fundi skipulagsráðs Kópavogs 16. janúar sl. var lagt fram erindi byggingarfulltrúa dags. 25. nóvember 2022 þar sem umsókn Ellerts Más Jónssonar f.h. lóðarhafa Hrauntungu 91 um byggingarleyfi er vísað til skipulagsráðs.

Skipulagsráð samþykkti með tilvísun í 44. gr. skipulagslaga nr. 123/2010 að tillagan yrði grenndarkynnt fyrir lóðarhöfum Hrauntungu 31-119 (oddatölur), Bröttutungu 1-9 (oddatölur) og Digranesvegar 64 og 66.

Á lóðinni er í dag keðjuhús/raðhús, teiknað af Sigvalda Thordarson, á tveimur hæðum byggt árið 1966, alls 214,3 m² að flatarmáli. Fyrir svæðið Hrauntungu 31-119 og Bröttutungu 1-9 (Sigvaldahúsin) eru sértæk rammaákvæði fyrir heildstæða byggð auk almennra rammaákvæða í Aðalskipulagi Kópavogs 2019-2040. Sjá nánari umfjöllum í meðfylgjandi kynningargögnum.

Í breytingunni felst að byggt verði við húsið svalaskýli yfir hluta svala á eftir hæð, 24,8 m² að flatarmáli. Byggingarmagn eykst úr 214,3 m² í 239,1 m². Nýtingarhlutfall eykst úr 0,36 í 0,4.

Nánar um tillöguna vísast til kynningargagna.

Eru þeir sem telja sig eiga hagsmuna að gæta hvattir til að kynna sér tillögurnar. Athugasemdir og ábendingar skulu hafa borist skriflega til skipulagsdeildar, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 12:00 föstudaginn 24. febrúar 2023.

Skipulagsfulltrúinn í Kópavogi.