Bókasafn Kópavogs: Sýningin SLIT

Sýning Ingibjargar Huldar Halldórsdóttir á krosssaumi og blekteikningum á pappír stendur yfir í fjölnotasal aðalsafns Bókasafns Kópavogs frá 6. janúar - 3. febrúar. Við opnun sýningarinnar , laugardaginn 6. janúar kl. 15 verður einnig hægt að bera augum gipsafsteypur.

Viðfangsefni sýningarinnar er leikur listamannsins sem liggur á milli hins hlutbundna og óhlutbundna, á milli hversdagsleikans og dagdraums. Þrátt fyrir einfalda umgjörð eru verkin margslungin og leitast á við að bjóða ímyndunarafli áhorfandans upp í dans.

Ingibjörg Huld Halldórsdóttir er fædd og uppalin í Borgarfirði. Hún lærði arkitektúr í Kaupmannahöfn og Lyon í Frakklandi, og hefur unnið sem arkitekt og hönnuður samhliða listsköpun. Hún hefur tekið þátt í bæði einka- og samsýningum ytra og hér heima.