Vetrarþjónusta
Þjónustumiðstöð Kópavogs sér um snjómokstur, hálkuvarnir og hreinsun gatna og stíga. Þjónustunni er stýrt í samstarfi við vaktstöð Vegagerðarinnar.
Vetrarþjónusta er virk nær allan sólarhringinn frá 1. október til 1. maí. Skipulag þjónustu tekur mið af veðri og aðstæðum og getur raskast í mikilli ofankomu eða óveðri.
Vertu í bandi
Hægt er að senda inn ábendingu ef snjómokstur, hálkuvarnir eða hreinsun stíga og gatna þarfnast athugunar.
Senda ábendinguTegundir vetrarþjónustu
Vetrarþjónusta í Kópavogi felur í sér snjómokstur, hálkuvarnir og hreinsun gatna, stíga og gangstétta yfir vetrartímann.
- Minni íbúagötur og tengigötur eru mokaðar þegar snjódýpt fer að jafnaði yfir tíu cm.
- Þjónustan fer fram frá kl. 03:30–22:00.
- Þessar götur eru almennt ekki hálkuvarðar nema í undantekningartilfellum.
Flokkur 1 (helstu leiðir):
- Virka daga: kl. 04:00–19:00
- Helgar: kl. 05:30–18:00
Flokkur 2 (aðrir stígar):
- Virka daga: kl. 05:00–17:00
Þjónustunni er sinnt af minni vinnuvélum og sérútbúnum bílum.
Aðalleiðir eru þjónustaðar allan sólarhringinn með snjómokstri og hálkuvörnum þegar þörf er á.
Flokkun gatna og stíga
Forgangur þjónustu fer eftir flokkun gatna og aðstæðum hverju sinni.
- Stofngötur
- Tengigötur
- Safngötur
- Húsagötur
Flokkun gatna hefur áhrif á forgang snjómoksturs og hálkuvarna.
- Stofnleiðir
- Tengileiðir
- Almennir stígar
Helstu göngu- og hjólaleiðir eru þjónustaðar fyrst.
Nýbýlavegur og Arnarnesvegur eru skilgreindir sem þjóðvegur í þéttbýli og eru þjónustaðir af Vegagerðinni.
Fylgstu með vetrarþjónustunni
Í kortasjá Kópavogs er hægt að fylgjast með framvindu vetrarþjónustu, sjá þjónustuflokka gatna og stíga, hvaða leiðir hafa verið þjónustaðar síðustu klukkustundir og hvar saltkistur eru staðsettar í bænum.
Sjá kortasjáAthugið
- Þjónusta getur raskast í mikilli ofankomu eða óstöðugu veðri. Við snjóstorm geta vetrarþjónustutæki beðið með útköll þar til veðri slotar.
- Tröppur, þröngir göngustígar og aðrir staðir sem vélar komast ekki að eru mokaðir af starfsfólki Kópavogsbæjar á opnunartíma Þjónustumiðstöðvar.
- Kópavogsbær hreinsar eða fjarlægir að öllu jöfnu ekki snjóruðninga sem myndast framan við innkeyrslur að húsum eða við lóðarmörk.