Bæjarráð - 3022. fundur

Frá bæjarstjóra, lögð fram drög að fjárhagsáætlun Kópavogsbæjar og stofnana fyrir árið 2021 og drög að þriggja ára fjárhagsáætlun 2022-2024.

Bæjarráð samþykkir með fimm atkvæðum að leggja framlagða áætlun fyrir bæjarstjórn Kópavogs.

Frá lögfræðideild, dags. 14. október, lagt fram svar við fyrirspurn um hvort innkaup á rafverktaþjónustu fyrir 17. júní hátíðarhöld hafi verið í samræmi við innkaupareglur Kópavogsbæjar.

Lagt fram.

Fundarhlé hófst kl. 9:09, fundi fram haldið kl. 9:22

Bókun:

"Óska eftir upplýsingum um heildarupphæð kaupa Kópavogsbæjar á rafverktakaþjónustu á tímabilinu janúar 2014-júní 2020, og hve stór hluti þeirra fór fram að loknu útboði."

Sigurbjörg Erla Egilsdóttir.

Frá lögfræðideild, dags. 3. nóvember, lögð fram beiðni f.h. lóðarhafa Vesturvarar 44, Nature Resort ehf., um heimild til að veðsetja lóðina.

Bæjarráð samþykkir með fimm atkvæðum umbeðna veðheimild.

Frá sviðsstjóra umhverfissviðs, dags. 3. nóvember, lögð fram skýrsla VSÓ Ráðgjafar ehf. um áhættumat vegna byggingar Kársnesskóla.

Bæjarráð samþykkir með fimm atkvæðum að vísa heimild til útboðs til afgreiðslu bæjarstjórnar.

Frá sviðsstjóra umhverfissviðs, dags. 2. nóvember, lögð fram umsögn um erindi frá umhverfis- og auðlindaráðuneytinu, dags. 22. september, þar sem óskað var eftir afstöðu Kópavogsbæjar um mögulegar breytingar á heilbrigðiseftirlitssvæðum.

Bæjarráð samþykkir með fimm atkvæðum að fyrir sitt leyti verði unnið að sameiningu eftirlitssvæðis Heilbrigðiseftirlits Hafnafjarðar- og Kópavogssvæðis við Seltjarnarnes og Mosfellsbæ.

Jafnframt beinir bæjarráð því til stjórnar Heilbrigðiseftirlits Hafnafjarðar- og Kópavogssvæðis að stækkun svæðisins leiði ekki af sér kostnaðarauka og aðgerðin hafi það markmið að bæta þjónustuna. Stjórnin skal fá samþykki bæjarstjórna Kópavogs, Hafnafjarðar og Garðabæjar fyrir sameiningunni þegar drög að samningi liggur fyrir.

Frá verkefnastjóra lýðheilsumála, dags. 2. nóvember, kynning á viðhorfum barna og ungmenna í málefnum bæjarins sem er liður í aðgerð 3 í aðgerðaráætlun Barnasáttmálans.

Lagt fram.

Frá mennta- og menningarmálaráðuneytinu, dags. 28. október, lagt fram erindi um hátíðarhöld á Degi íslenskrar tungu þann 16. nóvember nk.

Bæjarráð vísar erindinu til afgreiðslu menntasviðs.

Frá skíðasvæðum höfuðborgarsvæðisins, lagt fram rekstraruppgjör skíðasvæðanna fyrir janúar-ágúst 2020.

Lagt fram.

Fundur nr. 112 í 4 liðum. Bæjarráð frestaði framlagningu fundargerðarinnar á síðasta fundi sínum þann 29. október sl.

Lagt fram.

Fundargerð í 8 liðum.

Lagt fram.

Fundargerð í 33 liðum.

Lagt fram.