HK-handknattleiksdeild, umsókn um æfingatíma í íþróttamannvirkjum 2017 - 2018

Lögð er fram beiðni handknattleiksdeildar HK, þar sem óskað er eftir sama tímafjölda í Digranesi og á síðasta tímabili, 12 tímum í íþróttahúsi Kársnes sem er aukning um 6 tíma. Óska eftir 6 tímum í Fagralundi/Snælandi fyrir yngstu iðkendur. Einnig óskar deildin eftir 6 tímum í Lindaskóla fyrir yngstu iðkendur, en undanfarið hefur félagið ekki verið með tíma í Lindaskóla.

Íþróttaráð samþykkir að deildin fái úthlutaðan sama tímafjöldi í Digranesi og á liðnu tímabili. Félagið hefur til ráðstöfunar tíma í stóra salnum á virkum dögum eftir að skóla lýkur á daginn og til kl. 21:00 á kvöldin. Deildin fær einnig úthlutað tímum um helgar undir æfingar og leiki.

Í Kársnesi fær deildin úthlutað sömu tímum og á síðasta tímabili 3 tíma á þriðjudögum og 3 tíma á föstudögum. Einnig stendur deildinni til boða að bæta við 6 tímum um helgar í Kársnesi (laugardaga eða sunnudaga). Deildin fær úthlutað 4 tímum í Fagralundi fyrir yngstu flokka deildarinnar. Ekki er hægt að verða við ósk félagsins um tíma í Lindaskóla né Snælandsskóla.