Umsókn frá Kraðak ehf. um styrk í lista- og menningarsjóð Kópavogs

Lista- og menningarráð þakkar fyrir umsóknina og samþykkir að veita kr. 1.500.000 til verkefnisins.

Bókun:

Fulltrúar Vina Kópavogs, Viðreisnar, Pírata og Samfylkingarinnar árétta að lista- og menningarráði ber að byggja ákvörðunartöku sína á umsóknum og þeim upplýsingum sem þeim fylgja. Ákvörðun er ekki hægt að taka fyrr en umsókn og fylgigögn liggja fyrir og því óeðlilegt að farið sé af stað með verkefni sem ekki er búið að samþykkja formlega.

Ísabella Leifsdóttir

Elvar Bjarki Helgason

Margrét Ásta Arnarsdóttir

Margrét Vilborg Tryggvadóttir

Bókun:

Lista- og menningarráð fagnaði fjölbreyttri og metnaðarfullri aðventudagskrá og lagði til að forstöðumaður menningarmála ynni hana áfram á 157. fundi lista- og menningarráðs. Samstaða var meðal nefndarmanna um að óska eftir formlegri umsókn um Jólalund fyrir ráðið enda er skemmtunin í samræmi við stefnuáherslu 1 og markmið 1.4. í Menningarstefnu Kópavogs, um að stuðla að menningarstarfi í hverfum bæjarins, þótt þungamiðja starfseminnar sé í menningarhúsunum við Hamraborgina. Mannleg mistök urðu til þess að Jólalundurinn var auglýstur áður en Lista- og menningarráð hafði tekið formlega afstöðu til tillögunnar og beðist var velvirðingar á því.

Elísabet Berglind Sveinsdóttir

Helga Hauksdóttir

Jónas Skúlason