Dagforeldrar sjá sjálfir um skráningu og innritun barna. Kópavogsbær greiðir framlag með börnum hjá dagforeldrum.
Dagforeldrar sjá um innritun og skráningu barna.
Dagforeldrar eru sjálfstætt starfandi. Gjaldskrá er frjáls og hvert dagforeldri setur fram sína gjaldskrá. Kópavogsbær greiðir ákveðna upphæð með hverju barni sem er vistað hjá dagforeldrum. Framlag með barni ræðst af hjúskapar- og námsstöðu foreldra. Sjá nánar: Framlög vegna dvalar barna hjá dagforeldrum - gjaldskrá.
Dagforeldri fyllir út dvalarsamning rafrænt inn á Minn Kópavogur. Dagforeldri og foreldri staðfesta með rafrænni undirritun.
Þegar vistun lýkur er dvalarsamningi sagt upp með mánaðar fyrirvara rafrænt í gengum Þjónustugátt.
Gæða - og eftirlitsstofnun velferðarmála veitir leyfi til daggæslu að uppfylltum ákveðnum skilyrðum og dagforeldrar gera þjónustusamning við bæinn. Í fyrstu er leyfi veitt til eins árs reynslutíma, en eftir það til allt að 5 ára í senn. Á reynslutíma má dagforeldri hafa 4 börn samtímis í gæslu að meðtöldum eigin börnum undir 6 ára aldri, eftir a.m.k. eins árs samfelldan starfstíma er heimilt að veita leyfi fyrir 1 barni til viðbótar. Sjá reglugerð.
Dagforeldrar og foreldrar gegna ákveðnu eftirliti, en auk þess er eftirlit og ráðgjöf á höndum Menntasviðs Kópavogsbæjar. Eftirlitsaðili fer a.m.k. í þrjár óboðaðar heimsóknir árlega til dagforeldra.
Gjaldskrá tekur gildi 1. janúar 2026
Bæjarstjórn Kópavogs samþykkir að greiða mánaðarlega í ellefu mánuði á ári framlag vegna dvalar barna hjá dagforeldri. *Ekki er greitt fyrir sumarleyfismánuði, júlí eða ágúst.
Skilyrði fyrir greiðslu framlags vegna barns hjá dagforeldri eru eftirfarandi:
Greiðslur geta hafist þegar barn hefur náð tíu mánaða aldri en sex mánaða aldri ef foreldi er einstætt.
Einstæðir foreldrar, námsmenn þar sem báðir foreldrar eru í fullu námi og öryrkjar með metna örorku 75% eða meira greiða lægra gjald og er framlag Kópavogsbæjar því hærra í þeim tilvikum.
Námsmenn þurfa að framvísa vottorði til staðfestingar um námsárangur eftir hverja önn og er afsláttur leiðréttur eftirá fyrir hverja önn. Afsláttur til námsmanna gildir ekki 1. júní til 31. ágúst, nema foreldrar séu í fullu sumarnámi.
Kópavogsbær veitir 50% systkinaafslátt með öðru barni og 75% vegna þriðja barns ef um er að ræða systkini í dvöl hjá dagforeldri.
Framlög vegna dvalar barna hjá dagforeldrum miðast við neðangreindar gjaldskrár. Annarsvegar eru framlög vegna barna að 15 mánaða aldri og hins vegar framlög vegna barna 15 mánaða og eldri. Miðað er við mánuðinn sem barnið verður 15 mánaða.
Nánari upplýsingar um dagforeldra gefur daggæslufulltrúi í síma 441 0000
Takk fyrir!
Ábending þín er móttekin
