Slysa­trygg­ing barna í íþrótt­um og tóm­stund­um

Tryggingin gildir:

• Í skipulögðu starfi, til dæmis á æfingum og viðburðum.
• Á leið til og frá starfi.
• Í ferðum innanlands á vegum félaga, til dæmis keppnisferðir.

Sjóvá greiðir einnig bætur vegna slyss sem vátryggður einstaklingur verður fyrir og gildir þá einu hvernig slysið ber að eða hver á sök á því eða hvort slysið verður við nám eða leik.

• Tryggingin greiðir bætur vegna sjúkrakostnaðar, tannbrots, varanlegrar örorku og dánarbætur.
• Vakin er athygli á að læknisfræðileg örorka er sá grundvöllur sem miðað er við þegar bætur úr slysatryggingum eru gerðar upp. Slysatryggingunni er ekki ætlað að bæta fólki tekjumissi til framtíðar og er óháð mati á því hversu mikil áhrif varanleg örorka getur haft á tekjuöflun viðkomandi.
• Um er að ræða barnatryggingu, þegar af þeirri ástæðu eru dagpeningar vegna tímabundins missis starfsorku (tímabundið tekjutjón) ekki á meðal tryggingaverndarinnar og vátryggingarfjárhæðin er lægri en ella í samanburði við fullorðna.
• Til þess að virkja tryggingaverndina er nauðsynlegt að íþróttafélögin tilkynni slys til Sjóvá innan árs frá slysi, að öðrum kosti er mál fyrnt og bótaskyldu hafnað.

Í skráningarferlinu um tilkynnningu slyss barna í íþróttastarfi þarf að velja:

• Hver er skráður fyrir tilkynningunni - velja ANNAR en sá sem tilkynnir.
• Hver er skráður fyrir tryggingunni - skráið kt. Kópavogsbæjar ( sjá neðst á þessari síðu).
• Hvar slysið varð - velja staðsetningu og íþróttafélag.
• Hvernig slys var þetta - haka við íþróttaslys.

Þegar hingað er komið leiðir skráningarkerfið þann sem tilkynnir að lokaskerfi skráningarferlisins.