Bæjarráð - 2938. fundur
á Digranesvegi 1, bæjarráðsherbergi - Víghóll
Mætt til fundar
Nefndarmenn
- Birkir Jón Jónsson - formaður
- Karen Elísabet S Halldórsdóttir - varaformaður
- Hjördís Ýr Johnson - aðalmaður
- Pétur Hrafn Sigurðsson - aðalmaður
- Theódóra S Þorsteinsdóttir - aðalmaður
- Sigurbjörg Erla Egilsdóttir - aðalmaður
- Ármann Kristinn Ólafsson - bæjarstjóri
Starfsmenn
- Páll Magnússon - bæjarritari
Ritari
- Páll Magnússon
Dagskrá fundar
Frá SSH, dags. 6. nóvember, lögð fram tillaga að fyrirkomulagi samstarfs um sameiginlega ferðaþjónustu fatlaðs fólks sem er send aðildarsveitarfélögunum til umfjöllunar og efnislegrar afgreiðslu. Bæjarráðs óskaði eftir því að ráðgjafi SSH myndi mæta á næsta fund bæjarráðs.
Lagt fram.
Frá sviðsstjóra velferðarsviðs, dags. 10. desember, lagt fram erindi þar sem óskað er eftir heimild bæjarráðs til að mega leysa Efstahól ehf. undan samningi um ferðaþjónustu fatlaðra. Einnig lagt fram erindi Efstahóls ehf. vegna málsins dags. 8. nóvember ásamt umsögn bæjarlögmanns dags. 10. desember.
Bæjarráð samþykkir með fimm atkvæðum tillögu um að leysa Efstahól ehf. undan samningi um ferðaþjónustu fatlaðra.
Bæjarráð samþykkir með fimm atkvæðum erindi svisstjóra velferðarsviðs um að hefja samningaviðræður við Efstahól ehf. um tímabundinn samning þar til útboð hefur farið fram.
03
Svar heilbrigðisráðherra við fyrirspurn Ingu Sæland um hjúkrunarrými. Lagt fram í bæjarráði
Frá bæjarstjóra, lagt fram svar heilbrigðisráðherra við fyrirspurn Ingu Sæland alþingismanns um hjúkrunarheimili.
Bæjarráð óskar upplýsinga frá heilbrigðisráðherra um hvers vegna fyrirhuguð uppbygging hjúkrunarrýma við Boðaþing eru ekki nefnd í upptalningu ráðherra í svari við fyrirspurn á Alþingi.
Frá bæjarritara, dags. 11. desember, lögð fram umsögn um beiðni Rótarýklúbbins Borgir um styrk í formi afnota og móttöku í Gerðarsafni í tilefni af umdæmisþingi Rótarýhreyfingarinnar á Íslandi þann 11. október 2019. Lagt er til að veittur verði styrkur að fjárhæð kr. 200.000.-.
Bæjarráð samþykkir erindið með fjórum samhljóða atkvæðum. Theódóra Þorsteinsdóttir greiddi ekki atkvæði.
05
Lyngheiði 10, Holidayhome.is. Unnur Guðrún Óttarsdóttir. Umsagnarbeiðni vegna nýs rekstarleyfis gististaðar
Frá lögfræðideild, dags. 5. desember, lagt fram bréf Sýslumannsins á höfuðborgarsvæðinu, dags. 19. nóvember, þar sem óskað er umsagnar um umsókn Unnar Guðrúnar Óttarsdóttur, kt. 270862-2179, um nýtt rekstrarleyfi fyrir gististað í flokki II, að Lyngheiði 10, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald, sbr. 26. gr. í reglugerð nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn, sem umsagnaraðili, staðfesta að afgreiðslutími staðar sem umsókn lýtur að sé innan þeirra marka sem reglur og skipulag sveitarfélagsins segja til um.
Bæjarráð veitir neikvæða umsögn með vísan til minnisblaðs lögfræðideildar með fimm atkvæðum.
Frá lögfræðideild, dags. 11. desember, lagt fram bréf Sýslumannsins á höfuðborgarsvæðinu, dags. 7. desember, þar sem óskað er umsagnar um umsókn Viðburða ehf., kt. 511212-0570, um tímabundið áfengisleyfi vegna jólahlaðborðs Samkaupa sem verður haldið þann 14. desember frá kl. 19:00-01:00, í Glersalnum, að Salavegi 2, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.
Bæjarráð samþykkir að veita jákvæða umsögn með vísan til minnisblaðs lögfræðideildar.
Frá sviðsstjóra menntasviðs, dags. 3. desember, lagt fram svar við fyrirspurnum um leikskólamál sem bárust á fundi bæjarráðs þann 29. nóvember sl.
Lagt fram.
Pétur Hrafn Sigurðsson þakkar framlagt svar.
Frá fjármálastjóra og deildarstjóra fasteigna, dags. 5. júlí, lögð fram beiðni um heimild til sölu íbúðar í Engihjalla 3, íbúð 104. Bæjarráð frestaði afgreiðslu málsins á fundi sínum þann 12. júlí sl. þar til búið væri að kaupa nýja fasteign í stað þeirrar sem skyldi seld. Keypt hefur verið íbúð að Boðaþingi 12. Einnig lagt fram minnisblað Verksýnar ehf. vegna ástandsskoðunar eignarinnar frá 5. október.
Bæjarráð óskar eftir umsögn deildarstjóra fasteigna vegna áætlaðs kostnaðar við lagfæringu íbúðarinnar.
Frá fjármálastjóra og deildarstjóra fasteigna, dags. 5. júlí, lögð fram beiðni um heimild til sölu íbúðar í Hamraborg 36, íbúð 303. Bæjarráð frestaði afgreiðslu málsins á fundi sínum þann 12. júlí sl. þar til búið væri að kaupa nýja fasteign í stað þeirrar sem skyldi seld. Keypt hefur verið íbúð að Kjarrhólma 6. Einnig lagt fram minnisblað Verksýnar ehf. vegna ástandsskoðunar eignarinnar frá 5. október.
Bæjarráð samþykkir erindið með fimm atkvæðum.
Frá fjármálastjóra og deildarstjóra fasteigna, dags. 5. júlí, lögð fram beiðni um heimild til sölu íbúðar í Lundarbrekku 10, íbúð 101. Bæjarráð frestaði afgreiðslu málsins á fundi sínum þann 12. júlí sl. þar til búið væri að kaupa nýja fasteign í stað þeirrar sem skyldi seld. Keypt hefur verið íbúð að Fífulind 1. Einnig lagt fram minnisblað Verksýnar ehf. vegna ástandsskoðunar eignarinnar frá 5. október.
Bæjarráð samþykkir erindið með fimm atkvæðum.
11
Víkurhvarf 1. Umsókn um styrkveitingu félaga- og félagasamtaka til greiðslu fasteignaskatts, f. árið 2017
Frá verkefnastjóra stjórnsýslusviðs, dags. 10. desember, lögð fram tillaga að afgreiðslu umsóknar Bindindissamtakanna IOGT um styrk til greiðslu fasteignaskatts. Lagt er til að styrkumsókn að upphæð kr. 510.330,-. verði samþykkt enda fellur starfsemi félagsins að reglum Kópavogsbæjar um styrkveitingar.
Bæjarráð samþykkir erindið með fimm atkvæðum.
12
Víkurhvarf 1. Umsókn um styrkveitingu félaga- og félagasamtaka til greiðslu fasteignaskatts, f. árið 2017
Frá verkefnastjóra stjórnsýslusviðs, dags. 10. desember, lögð fram tillaga að afgreiðslu umsóknar R.M.Heklu um styrk til greiðslu fasteignaskatts. Lagt er til að styrkumsókn að upphæð kr. 510.330,-. verði samþykkt enda fellur starfsemi félagsins að reglum Kópavogsbæjar um styrkveitingar.
Bæjarráð samþykkir erindið með fimm atkvæðum.
13
Víkurhvarf 1. Umsókn um styrkveitingu félaga- og félagasamtaka til greiðslu fasteignaskatts
Frá verkefnastjóra stjórnsýslusviðs, dags. 10. desember, lögð fram tillaga að afgreiðslu umsóknar RM Heklu um styrk til greiðslu fasteignaskatts. Lagt er til að styrkumsókn að upphæð kr. 1.195.929,-. verði samþykkt enda fellur starfsemi félagsins að reglum Kópavogsbæjar um styrkveitingar.
Bæjarráð samþykkir erindið með fimm atkvæðum.
14
Víkurhvarf 1. Umsókn um styrkveitingu félaga- og félagasamtaka til greiðslu fasteignaskatts
Frá verkefnastjóra stjórnsýslusviðs, dags. 10. desember, lögð fram tillaga að afgreiðslu umsóknar Bindindissamtakanna IOGT um styrk til greiðslu fasteignaskatts. Lagt er til að styrkumsókn að upphæð kr. 1.195.929,-. verði samþykkt enda fellur starfsemi félagsins að reglum Kópavogsbæjar um styrkveitingar.
Bæjarráð samþykkir erindið með fimm atkvæðum.
Frá átakshópi um aukið framboð á íbúðum og aðrar aðgerðir til að bæta stöðu á húsnæðismarkaði, dags. 6. desember, lagt fram erindi þar sem óskað er eftir upplýsingum um uppbyggingu íbúðarhúsnæðis í sveitarfélaginu.
Bæjarráð vísar erindinu til sviðsstjóra velferðar- og umhverfissviðs til afgreiðslu. Bæjarráð óskar eftir að svörin verði lögð fram í bæjarráði.
16
Brunavarnaáætlun Slökkviliðs höfuðborgarsvæðisins bs. Ósk um að fá að kynna áætlunina fyrir bæjarstjórn
Frá Slökkviliði höfuðborgarsvæðisins, dags. 5. desember, lagt fram erindi um samþykkt nýrrar brunavarnaráætlunar fyrir höfuðborgarsvæðið þar sem óskað er eftir tækifæri til að kynna áætlunina fyrir bæjarstjórn.
Bæjarráð óskar eftir að slökkviliðsstjóri kynni áætlunina í janúar nk.
Frá Hrund Arnardóttur og Þresti Þorsteinssyni, dags. 7. desember, lagt fram erindi um mengun vegna flugelda um áramót ásamt minnisblaði frá heilbrigðiseftirliti um loftgæði um áramót frá 2. janúar.
Lagt fram.
18
Tillaga til þingsályktunar um áætlun fyrir árin 2019-2022 um aðgerðir gegn ofbeldi og afleiðingum þess, 409. mál. Umsagnarbeiðni
Frá allsherjar- og menntamálanefnd Alþingis, dags. 7. desember, lögð fram til umsagnar tillaga til þingsályktunar um áætlun um aðgerðir gegn ofbeldi og afleiðingum þess fyrir árin 2019-2022.
Bæjarráð vísar erindinu til bæjarlögmanns til afgreiðslu.
Frá Sambandi íslenskra sveitarfélaga, dags. 4. desember, lagt fram erindi um endurnýjun á kjarasamningsumboði sveitarfélagsins vegna komandi kjarasamningsviðræðna á næsta ári.
Bæjarráð samþykkir með fimm atkvæðum að veita Sambandi íslenskra sveitarfélaga kjarasamningsumboð sveitarfélagsins vegna gerðar kjarasamninga á árinu 2019.
Fundargerð í 19. liðum.
Lagt fram.
Fundargerð í 8. liðum.
Lagt fram.
Fundargerð í 3. liðum.
Lagt fram.
Fundargerð í 7. liðum.
Lagt fram.
Fundargerð í 1. lið.
Lagt fram.
Fundargerð í 6. liðum.
Lagt fram.
Fundargerð í 11. liðum.
Lagt fram.
Fundargerð í 66. liðum.
Lagt fram.
Fundargerð í 10. liðum.
Lagt fram.
28.5 - 1511114 - Samþykkt um meðhöndlun úrgangs
Lögð fram breytingartillaga á samþykkt um meðhöndlun úrgangs.
Umhverfis- og samgöngunefnd samþykkir framlagða breytingartillögu að samþykkt um meðhöndlun úrgangs. Vísað til bæjarráðs og bæjarstjórnar.
Bæjarráð frestar afgreiðslu málsins.
28.7 - 1811676 - Lækkun hámarkshraða á hluta Kópavogsbrautar við Kársnesskóla
Lögð fram tillaga um lækkun hámarkshraða á hluta Kópavogsbrautar við Kársnesskóla.
Umhverfis- og samgöngunefnd samþykkir framlagðar tillögur. Vísað til bæjarráðs og bæjarstjórnar.
Umhverfis- og samgöngunefnd felur umhverfissviði Kópavogsbæjar að gera kostnaðargreiningu á uppsetningu á hraðamyndavélakerfi á Kársnesinu. Jafnframt verði kannað viðhorf íbúa á Kársnesi við að fjarlægðar verði hraðahindranir á Kársnesinu og hraðamyndavélakerfi verið sett upp ásamt því að umferðarhraði verði lækkaður.
Hreiðar Oddsson bókar að hann fagnar því að hámarkshraði á hluta Kópavogsbrautar verði lækkaður í 30 km hraða og hlakkar til að sjá niðurstöður könnunar um viðhorf íbúa á Kársnesi.
Indriði Stefánsson tekur undir bókun Hreiðars Oddssonar.
Bæjarráð vísar málinu til bæjarstjórnar til afgreiðslu.
29
BF Viðreisn óskar eftir að skoðaðir verðið kostir þess að setja upp eftirlitsmyndavélar á Kársnesi í samráði við íbúa
Frá Theódóru Þorsteinsdóttur bæjafulltrúa BF Viðreisnar, tillaga um að skoðaðir verði kostir þess að setja upp eftirlitsmyndavélar á Kársnesið í samráði við íbúa.
Bæjarráð vísar erindinu til sviðsstjóra umhverfissviðs til umsagnar.
30
BF Viðreisn óskar eftir upplýsingum um vinnu forsætisnefndar varðandi tillögu um lækkun á launum kjörinna fulltrúa við upphaf nýs kjörtímabils
Frá Theódóru Þorsteinsdóttur bæjarfulltrúa BF Viðreisnar, ósk um upplýsingar um stöðu á vinnu forsætisnefndar varðandi tillögu bæjarstjóra frá 26. júní um að lækka laun kjörinna fulltrúa um 15% við upphaf nýs kjörtímabils.
Bæjarráð vísar erindinu til forsætisnefndar til úrvinnslu.
31
Samgöngustefna í mótun hjá Kópavogsbæ. BF Viðreisn óskar eftir umræðum í bæjarráði um málefnið
Frá Theódóru Þorsteinsdóttur bæjarfulltrúa BF Viðreisnar, ósk um umræður um samgöngustefnu sem er í mótun hjá Kópavogsbæ.
Pétur Hrafn Sigurðsson vék af fundi kl. 10:54.
Frá Theódóru Þorsteinsdóttur bæjarfulltrúa BF Viðreisnar, ósk um að verkefnastjóri stefnumótunar hjá Kópavogsbæ komi inn á næsta fund bæjarráðs og fari yfir stöðuna á stefnumótun bæjarstjórnar.
Lagt fram.